Jɔɔŋ Wʋnaalaa 3:17 - WƖA TENIŊ

¹⁷ Ma yie bigisi ma tɩtɩa lɛ arɩ ma kɛŋ kɩaa nɛ, ma bɩra bɩ kʋŋkala ka chɛ. Ama ma bɩ jɩŋ arɩ ma wɩɩŋ kɛŋ hɛɛŋ nɛ, ma ŋaa nisusu tɩmma, a ŋaa summo, a ŋaa nyʋlɩma aŋ kɛŋ yarɩ-biree.

Jɔɔŋ Wʋnaalaa 3:17 ပူးပေါင်းရင်းမြစ်များ

WƖAA DƖ-SUOMUŊ 3:7

Ba dii tɩa-la nɛnɩŋ dɛrɛ, ba sɩaa polli, ba na arɩ ba kɛŋ yarɩ-biree. Ba kɛŋ kanchal-pɩpaarɩŋ pɛ dɔŋɔ a kaa tɔ ba yaraa.

MOSIS KƐŊ IZIRAL TƖŊŊAA LƖƖ 32:35

Ŋɩɩ nɛ La TƖƖNA joŋ nyanyal-bɔŋ a hɛ nɩalɩŋ lɛ a tɩŋ ba sɩ leŋe Arɔŋ mɛ vene-la sɩ nagɛ nɛ-bie pɩba arɩ ŋɩɩ ba sɩ zil vene-la.

NAMAGABA 13:7

Nɩa dɔŋɔ yie ŋɩŋaa wɩaa arɩ ʋ kɛŋ kɩaa nɛ aŋ bɩ kʋŋ kɛnɛ, dɔŋɔ ma nagɛ arɩ ʋ bɩ kʋŋ kɛnɛ aŋ kɛŋ kɩaa woruŋ.

NAMAGABA 30:9

Dɩ ŋɩɩ dee, ka dɩ mɩ kɛŋ kɩaa yʋgɛ, mɩ jaŋ wuo vɩaŋ aŋ pɩɛsɛ, ‘Kʋbɛɛ nɛ ŋaa La Tɩɩna?’ Koo mɩ jaŋ ŋaa summu a gaa, a chei ŋ-na mɩ Wɩa yɩrɩŋ.”

AZAAYA 42:19

Kʋbɛɛ nɛ nyʋlɩma a nagɛ mɩ tɩntɩnna, koo a taŋ a nagɛ nɩɩ-la mɩ sɩ lɩɩsa a tɩmʋ?

JƐRƖMAAYA 2:31

Iziral tɩmma, má jegile nɩɩ wɩɩ-la mɩ sɩɩ pɩɛsɛma: Mɩ wɩaa hɛyɛ ma teeŋ a nagɛ tintee-hɩlɩŋ wɩaa sɩ hɛyɛ ŋɩɩ nɛ, koo mɩ wɩaa lɔrɛ ma teeŋ a nagɛ birimiŋ wɩaa sɩ lɔrɔ ŋɩɩ nɛ? Bɛɛ nɛ saa tɩɩ ma bʋl: La laa la tɩtɩa nɛ ŋ nɩsɩŋ lɛ dɩ la gɔllɔ ta jɩa, a bɩra bɩ jaŋ mɩɩra kɔ ŋ teeŋ?

HOSIA 12:8

Efirem bigisi ʋ tɩtɩa lɛ a bʋl, “Mɩ kɛŋ kɩaa nɛ woruŋ, mɩ nɛ dʋa kɩalɩŋ. Mɩ kɛŋ dʋa-la ŋɩɩ nɛ, ka nʋʋ bɩ jaŋ wuo na dɩ mɩ chei wɩɩ koo dɩ mɩ ŋaa wʋbɔŋ.”

ZƐKARƖYA 11:5

Nɩalɩŋ sɩ yɔɔba kpʋba nɛ aŋ mʋ, ka ba bɩ ba dɔgʋsɔ. Nɩalɩŋ sɩ yallɛba sɩ, ‘Má dɛnnɛ La TƖƖNA, la ŋaa kɩa tɩmma nɛ.’ Ba dɩ-daaraa tɩtɩa bɩ ba nenige fá.

Matiu 5:3

“Wɩa jaŋ pɛ nɩalɩŋ sɩ bene arɩ ba ha bɩ Wɩa jɩŋ woruŋ lɛ. Ba nɛ jaŋ hɛ Wɩa kuorii-la tʋɔŋ.

Matiu 9:12

Yesu nɩɩ wɩɩ-la ba sɩ bʋla a mɩɩra bʋla pɩba, “Nɩalɩŋ sɩ kɛŋ yarɩfɩɛlaa, ba bɩ daaluŋ-ŋaara ka chɛ, see nɩalɩŋ sɩɩ wɩɩlʋ.

Luuk 1:53

Ʋ joŋ kʋzɔŋŋɔɔ a pɩ summoo nɛ aŋ kiri nɩalɩŋ sɩ kɛŋ kɩaa ba kɛŋ nahɩllɩŋ mɩɩrɛ.

Luuk 6:24

Ama ma nɩalɩŋ sɩ kɛŋ kɩaa lɛɛlɛ, ma jaŋ na hɛɛŋ, bɛɛ wɩaa ma laa sɩpaaŋ dii ma sɩma dɛrɛ nɛ.

Rom Tɩŋŋaa 11:20

Wʋtɩtɩɩ nɛ, Wɩa keri Juu tɩŋŋaa ta a tɩŋ ba sɩ bɩ Wɩa wɩaa laa dii wɩaa nɛ. Ama ma-na nɩalɩŋ sɩ bɩ Juu tɩŋŋaa ŋaa, ma sɩ laa Wɩa wɩaa dii dʋndʋŋa wɩaa nɛ tɩɩ ma chɩŋ kpaŋ kpaŋ. Ŋɩɩ wɩaa má sɩ́ ma tɩtɩa lɛ bigisu, aŋ kɛŋ ma tɩtɩa woruŋ.

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

Rom Tɩŋŋaa 12:3

Wɩa sɩ kɛŋ zile ŋɩɩ mɩ teeŋ, mɩɩ sʋl ma kʋŋkala dɩ ma sɩ́ ma tɩtɩa kaa yʋgɛ a kɩɩ ŋɩɩ ma sɩ maga. Má leŋ dɩ ma sɩaa fɩɛlɛ. Wɩa pɩ nʋʋkala laa diiniŋ nɛ. Ama ba kɩɩ dɔŋɔ nɛ. Nʋʋkala maga dɩ ʋ bɩɩnɛ ʋ nyuŋ lɛ a magɛ ŋɩɩ Wɩa sɩ leŋe ʋ kɛŋ laa diiniŋ.

Rom Tɩŋŋaa 7:24

Mɩ lɛlɛ nɛ. Wɩalɩŋ sɩ hɛ mɩ lɛ kɛmmɛ kaa mʋ sʋʋŋ bʋa nɛ. Kʋbɛɛ nɛ jaŋ laamɛ ta ba lɛ?

2 Pɩɩta 1:9

Nɩɩ-la kala sɩ bɩ wɩaa deemba ka ŋaa, ʋ tɩɩna ŋaa nyʋlʋŋ nɛ, a nagɛ nɩɩ-la sɩɩ na ʋ naasɩŋ bʋbʋɔŋ dʋndʋŋa aŋ bɩ dɩ-bolii ka na, bɛɛ wɩaa ʋ tɩɩna paala yʋ arɩ Yesu chɛsɛ ʋ wʋbɔŋŋɔɔ ta nɛ.

Jɔɔŋ Wʋnaalaa 16:15

Má bee na, mɩ jaŋ kɔ arɩ gaara sɩ yie kɔ ŋɩɩ. Wɩa jaŋ pɛ nɩɩ-la kala sɩ bɩ doŋ pɩna aŋ pɔ lɛ, nɩɩ-la kala sɩ laalɛ ʋ gɛrɩŋ, dɩ nɩaa sɩ́ ʋ yarɩ-biree na.

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.

Jɔɔŋ Wʋnaalaa 3:16

Ama a tɩŋ ma sɩ ŋaa tɔlɔ tɔlɔ, a bɩ lɩŋ a bɩra bɩ fɩɛla ma, mɩ jaŋ lusima ta mɩ niiŋ lɛ.