Jɔɔŋ Wʋnaalaa 3:15 - WƖA TENIŊ

¹⁵ Mɩ jɩŋ ma wʋŋaalaa nɛ. Ma ŋaa tɔlɔ tɔlɔ nɛ. Ma bɩ fɩɛla, ma bɩra bɩ lɩŋ ma. Mɩ fa cho dɩ ma fɩɛla nɛ koo dɩ ma lɩŋ.

Jɔɔŋ Wʋnaalaa 3:15 ပူးပေါင်းရင်းမြစ်များ

1 KUOROO 18:21

Ɩlaaja mʋ chɩŋ nɩalɩŋ sɩpaaŋ aŋ bʋl, “Ɛɛ nɛ maa chɛ dɩ ma diene magɛ aŋ joŋ wɩaa deemba balɩa kʋ-la sɩ maga dɩ ma to? Dɩ La TƖƖNA nɛ ŋaa Wɩa, má tou, ama dɩ Baal ma nɛ ŋaa Wɩa, má tou.” Ama nɩalɩŋ bɩ wɩɩkala bʋla.

NAMAGABA 23:26

Mɩ bii, suri ŋ tʋɔŋ pɩmɛ, aŋ leŋ dɩ ŋ sɩaa hɛ mɩ wʋŋaalaa lɛ.

HOSIA 10:2

Ba tʋɔbɩɩnaa ka nyɩsɛba nɛ, lɛɛlɛ ʋ maga dɩ ba na hɛɛŋ a tɩŋ ba cheeriŋ wɩaa. La TƖƖNA jaŋ ŋmoo ba korunu-la ta aŋ yɛrɛ ba tabɩa-la sɩ ŋaa vesiŋ.

HOSIA 7:8

Efirem guoli tinteyee tʋɔŋ nɛ, ʋ nagɛ kɩŋkɛsɩmɩŋ ba sɩ bɩ kaa bɩrɩmɛ nɛ.

Matiu 10:37

Nɩɩ-la kala sɩ cho ʋ nyɩmma arɩ ʋ naaŋ a kɩɩmɛ, ʋ bɩ maga dɩ ʋ ŋaa mɩ harɩ-tooru. Nɩɩ-la kala ma sɩ cho ʋ bie koo ʋ tolo a kɩɩmɛ, ʋ bɩ maga dɩ ʋ ŋaa mɩ harɩ-tooru.

Matiu 24:12

Wʋbɔŋŋɔɔ jaŋ pʋrɩgɛ. A tɩŋ ŋɩɩ wɩaa, nɩaa fa sɩ cho nɩaa ŋɩɩ, ba chono-la jaŋ dɛrɛ.

Matiu 6:24

Nʋʋkala bɩ jaŋ wuo tɩŋ tɩntɩŋŋaa a pɩ nɩhɩasɩŋ balɩa. Ʋ jaŋ cho dɔŋɔ aŋ bɛrɛ dɔŋɔ. Ʋ jaŋ tuto dɔŋɔ niiŋ wɩaa woruŋ aŋ vɩa dɔŋɔ niiŋ wɩaa. Ŋɩɩ tɩtɩa nɛ ŋ bɩ jaŋ wuo ŋaa Wɩa yoŋ aŋ bɩra ŋaa moribiee ma yoŋ.

Rom Tɩŋŋaa 12:11

Má sɩ́ yarɩwɩɩŋ kɛŋ, ama má faasa joŋ ma nyuŋ kala hɛ La Tɩɩna tɩntɩŋŋaa lɛ, Wɩa Dɩŋ-zɔmʋŋ doluŋ lɛ.

1 Kɔrɩntɩ Nɩaa 16:22

Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ!

2 Kɔrɩntɩ Nɩaa 12:20

Fawʋllʋŋ kɛmmɛ nɛ mɩ sɩ jaŋ kɔ ma teeŋ. Ŋ bɩ pɔ mɩ jaŋ kɔ dɩ ma bɩ ŋɩɩ mɩ sɩ cho naga, ma ma jaŋ na dɩ mɩ ma bɩ ŋɩɩ ma sɩ cho naga. Mɩ bɔyɛ ka joŋ arɩ mɩ nɛ kɔ, mɩ jaŋ nama dɩ maa yuo yuosuŋ, a kɛŋ yarɩ-bieriŋ, a nɩna baanɩŋ dɔŋɔ nyuŋ, a kɛŋ dɔŋɔ pʋpɔrɛ, a chichei dɔŋɔba yɩrɩŋ, a gɩgaa dɔŋɔ harɩŋ, a kɛŋ sɩɩ-duoŋ, a bɩ nii-bala kɛnɛ.

MOSIS BƖRA WULLI WƖA WOMBIIŊ 5:29

Dɩ ba nɛ jaŋ kɛŋ ŋɩɩ naaŋ lɛ a zizilmi, aŋ tuto wɩalɩŋ mɩ sɩ daga, ŋɩɩ fa jaŋ leŋ dɩ wɩaa vɛŋ woruŋ a pɩ ba dɩ ba biiriŋ kala a kaa mʋ wuu.

Fɩlɩpa Nɩaa 1:9

Mɩɩ sʋl Wɩa dɩ ʋ leŋ dɩ ma cho dɔŋɔ, dɩ chono-la wasa yʋgɛ kɩŋkɛŋ, a bɩraa sʋlʋ dɩ ʋ pɩma wʋjɩmɩŋ dɩ ma wuo jɩŋ wɩɩ na-kala ma sɩɩ ŋaa bʋbʋɔŋ.

2 Tɛsalonaaka Nɩaa 1:3

La naambiiri, ʋ maga dɩ la lɔllɛ Wɩa nɛ bʋa na-kala a pɩma. Ŋɩɩ maga dɩ la ŋaa nɛ, bɛɛ wɩaa ŋɩɩ ma sɩ laa Wɩa dii pʋŋaa pɛ nɛ, chono-la ma ma sɩ kɛnɛ arɩ dɔŋɔ pʋŋaa pɛ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

Jɔɔŋ Wʋnaalaa 2:2

Mɩ jɩŋ wɩalɩŋ kala ma sɩ ŋaa nɛ. Mɩ na ŋɩɩ ma sɩ tɩma arɩ sɩɩfɩɛsɩŋ nɛ, a dii kenyiri wɩɩkala lɛ. Mɩ jɩma ma dɩ nɩbɔŋŋɔɔ bɩ dɔŋɔ lɛ wuo. Nɩaa dɔnsʋŋ joŋ ba tɩtɩa arɩ ba ŋaa Wɩa nanzɔɔba nɛ, ama ma magɩsɛ nɩaa deemba nɛ a na dɩ baa nyɩɛ nɛ.

Jɔɔŋ Wʋnaalaa 2:4

Ama wɩɩ nɛ mɩ kɛŋ a tɩgɛ ma lɛ. Ma fa sɩ chomi ŋɩɩ bumbuŋ-la, ma bɩra bɩ mɩ ŋɩɩ cho.

Jɔɔŋ Wʋnaalaa 3:1

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Saadɩs lɛ. Bʋla pɩba: Mɩ-na Nɩɩ-la sɩ kori Wɩa Dɩnsɩŋ balɩpɛ-la aŋ pɛ kɛŋ chɛnwʋlaa balɩpɛ-la nɛ bʋl wɩaa deemba pɩba. Mɩ jɩŋ ma Saadɩs nɩaa tɩntɩŋŋaa kala nɛ. Ma laa yɩrɩŋ arɩ ma weye nɛ, ama ma sʋba nɛ.

Jɔɔŋ Wʋnaalaa 3:16

Ama a tɩŋ ma sɩ ŋaa tɔlɔ tɔlɔ, a bɩ lɩŋ a bɩra bɩ fɩɛla ma, mɩ jaŋ lusima ta mɩ niiŋ lɛ.