Jɔɔŋ Wʋnaalaa 3:14 - WƖA TENIŊ

¹⁴ Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.

Jɔɔŋ Wʋnaalaa 3:14 ပူးပေါင်းရင်းမြစ်များ

WƖAA DƖ-SUOMUŊ 49:3

Rubiŋ, ŋ nɛ ŋaa mɩ bii-hɩaŋ a ŋaa mɩ doluŋ, mɩ zile arɩ mɩ jɩma.

NAMAGABA 14:5

Nʋʋ sɩ kɛŋ wʋtɩtɩɩ aŋ pɛ na wɩɩ, bɩ wɩaa ka nyɩɛ, ama nʋʋ sɩ bɩ wʋtɩtɩɩ kɛnɛ aŋ bʋl ʋ pɛ na wɩɩ nɛ ka nyɩɛ wɩaa nɛ.

NAMAGABA 8:22

Mɩ-na wʋjɩmɩŋ nɛ La Tɩɩna laa sɩpaaŋ ŋaa, aŋ-na ŋaa wɩalɩŋ ʋ sɩ ŋaa faafaa kala.

AZAAYA 55:4

Mɩ fa leŋe ʋ ŋaa nɩaa sɩpaalaarʋ nɛ a ŋaa laalɩyuori-hɩaŋ. Ʋ lɛ nɛ mɩ to a dagɛ mɩ doluŋ.

AZAAYA 65:16

Tintee-la lɛ, dɩ nʋʋ nɩɩ chɛ dɩ Wɩa pɛ ʋ lɛ, mɩ-na Wɩa sɩ kɛŋ wʋtɩtɩɩ yɩrɩŋ nɛ ʋ jaŋ yɩrɛ. Dɩ nʋʋ nɩɩ chɛ dɩ ʋ ta niiŋ ma tintee-la lɛ, mɩ-na Wɩa sɩ kɛŋ wʋtɩtɩɩ yɩrɩŋ nɛ ʋ jaŋ yɩrɛ. Mɩ jaŋ yʋ faafaa wʋwalɩmɩa-la kala ba jaŋ lɛl mɩ sɩaa lɛ.

JƐRƖMAAYA 42:5

Ŋɩɩ nɛ ba bʋla pɩ Jɛrɩmaaya, “La TƖƖNA nɛ kɛŋ wʋtɩtɩɩ, ʋ nɛ jaŋ ŋaa nʋʋ sɩ pɛ na wɩɩ-la a dɔgɩsɛla dɩ la nɛ bɩ wɩalɩŋ ʋ sɩ tɩmɩŋ dɩ ŋ kʋ bʋla pɩla to.

Jɔɔŋ 1:3

Ʋ lɛ nɛ Wɩa to a ta kʋŋkala. Kʋŋkala tuo a hɛ dʋnɩa lɛ, dɩ ʋ dee bɩ ta.

Jɔɔŋ 8:14

Ŋɩɩ nɛ Yesu bʋla pɩba, “Dɩ mɩ tɩtɩa nɛ ŋaa mɩ pɛ-naara ma, wɩɩ-la mɩ sɩ bʋla ŋaa wʋtɩtɩɩ nɛ, bɛɛ wɩaa mɩ jɩŋ lee-la mɩ sɩ lɩa nɛ, a jɩŋ lee-la mɩ sɩ jaŋ mʋ. Ama ma-na bɩ lee-la mɩ sɩ lɩa jɩŋ, a bɩra bɩ lee-la mɩ sɩ jaŋ mʋ ma jɩŋ.

2 Kɔrɩntɩ Nɩaa 1:20

Wɩa bʋla arɩ ʋ jaŋ ŋaa wɩaa yʋgɛ a pɩla. Ʋ jaŋ to Yesu lɛ nɛ a leŋ dɩ wɩalɩŋ kʋ ŋaa wʋtɩtɩɩ. Ŋɩɩ wɩaa nɛ tɩɩ, dɩ la nɛ chʋɔlɛ Wɩa dɛrɛ-na kala, la yie bʋl, “Yesu yɩrɩŋ lɛ, Amɩɩ.” La yie bʋl ŋɩɩ dɩ Wɩa yɩrɩŋ wuo yɩrɛ nɛ.

MOSIS BƖRA WULLI WƖA WOMBIIŊ 21:17

Ʋ maga dɩ ʋ kɛŋ dʋa-la kpaa dɩ kʋhɩaŋ kɩaa kɩɩ kʋbie kɩaa naansɩɩŋ bʋlɩa. Bile nɛ ŋaa ʋ nyɩmma doluŋ, ʋ maga dɩ ʋ laa bii-hɩaŋ kpaalɩŋ.

Koloosi Nɩaa 1:15

Kirisito nɛ nagɛ Wɩa nagɩsɩŋ kala kala, Wɩa-la la sɩ bɩ na. Ʋ nɛ ŋaa Wɩa bii-bumbuŋ a kɩɩ kʋŋkala ʋ sɩ ŋaa.

Koloosi Nɩaa 1:18

Ʋ nɛ ŋaa nɩalɩŋ sɩ laa Yesu wɩaa dii aa hilimi kʋhɩaŋ. Ʋ nɛ suomo bil Wɩa nɩaa gentine, bɛɛ wɩaa ʋ nɛ ŋaa bumbuŋ Nɩɩ-la sɩ laa sɩpaaŋ sii sʋʋŋ lɛ nɩalɩŋ kala sɩ sʋba lɛ. Ŋɩɩ wɩaa ʋ nɛ kɛŋ doluŋ kʋŋkala lɛ.

Koloosi Nɩaa 2:1

Mɩɩ chɛ dɩ ma jɩŋ ŋɩɩ mɩ sɩ hɛ doluŋ a faasa tɩma pɩma a pɛ Wɩa nɩalɩŋ sɩ hɛ Laadisiya lɛ, arɩ Wɩa nɩalɩŋ dɔnsʋŋ kala ha sɩ bɩ mɩ na.

Koloosi Nɩaa 4:16

Dɩ ma nɛ karɩmɛ teniŋ deeŋ a pɩ ma nɩaa dɛrɛ, má karɩmɛ teŋ-la a pɩ Wɩa nɩalɩŋ sɩ hɛ Laadisiya ma lɛ. Ka má ma laa mɩ teŋ-la Laadisiya nɩaa teeŋ a ma karɩmɛ ma tʋɔŋ.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 19:11

Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.

Jɔɔŋ Wʋnaalaa 2:1

Ŋmʋŋsɛ wɩaa deemba a pɩpɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Ɛfɛsʋs lɛ. Mɩ-na nɩɩ-la sɩ kori chɛnwʋla-la balɩpɛ mɩ nadiiŋ nɩsɩŋ lɛ a vɩvɛŋ chaaŋ daasɩ-la balɩpɛ tʋɔŋ, mɩ nɛ tɩŋ tɩndaarɩŋ deeŋ.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 22:13

Mɩ nɛ ŋaa Alɩfa arɩ Omega, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ. Mɩ nɛ ŋaa dɩ-suomuŋ, mɩ nɛ ŋaa dɩdɛrɩŋ ma.

Jɔɔŋ Wʋnaalaa 22:6

Ŋɩɩ nɛ Wɩa tɩndaarʋ-la bɩra bʋla pɩmɛ, “Wɩaa deemba ŋaa wʋtɩtɩɩba nɛ a magɛ dɩ nɩaa laaba dii. La Tɩɩna Wɩa, Nɩɩ-la sɩ joŋ ʋ Dɩŋ-zɔmʋŋ a hɛ ʋ wʋlaabʋllaa nɛ tɩŋ ʋ tɩndaara dɩ ʋ kʋ bʋl wɩalɩŋ sɩ jaŋ ŋaa lɛɛlɛ a pɩ ʋ tɩntɩnnaa.”

Jɔɔŋ Wʋnaalaa 3:7

Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.