Jɔɔŋ Wʋnaalaa 3:12 - WƖA TENIŊ

¹² Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ nagɛ jebiiŋ a hɛ Wɩa dɩɩ-balɩŋ tʋɔŋ. Ʋ bɩ jaŋ kɔ dɩ ʋ lɩɩ Wɩa dɩɩ-bal-la tʋɔŋ. Mɩ jaŋ ŋmʋnsɛ Wɩa yɩrɩŋ a hɛ ʋ lɛ, a ŋmʋnsɛ Wɩa-jaŋ yɩrɩŋ ma hɛ ʋ lɛ. Jaŋ-la nɛ ŋaa Jerusalɛm falɩɩ-la sɩ lɩɩ Wɩa-jaŋ kʋ tuu. Mɩ jaŋ ŋmʋnsɛ mɩ tɩtɩa yɩrɩ-falɩŋ a hɛ ʋ lɛ.

Jɔɔŋ Wʋnaalaa 3:12 ပူးပေါင်းရင်းမြစ်များ

1 KUOROO 7:21

Huram joŋ kɔlɩɩŋ jebie-la balɩa a pɛ zawʋra-la sɩ hɛ Wɩa dɩɩ-bal-la boiŋ niiŋ sɛsɩŋ. Kʋ-la sɩ hɛ wɩɩpɔsʋŋ nadiiŋ ʋ hɛ ʋ yɩrɩŋ Jakɩŋ, kʋ-la ma sɩ hɛ wɩɩpɔsʋŋ nagʋa, ʋ hɛ ʋ yɩrɩŋ Bʋas.

WƖA YƖƖLAA 46:4

Fuo kʋbala nɛ hɛ nɩmɛ, ʋ naakelee yie leŋ Wɩa tabalɩŋ nɩaa tʋɔŋ tɔrɛ, lee-la sɩ bɩ disiniŋ kɛnɛ Wɩa sɩ kɩɩ kʋŋkala jʋjʋʋ.

WƖA YƖƖLAA 48:8

La fa nɩɩ wɩɩ-la nɛ, ama lɛɛlɛ la sɩɩŋ naʋ nɛ La Tɩɩna doluŋ kala Tɩɩna tabalɩŋ lɛ, la Wɩa tabal-la lɛ. Wɩa leŋe ʋ taŋ-la chaasa chɩŋ nɛ a kaa mʋ wuu.

WƖA YƖƖLAA 87:3

Peel-la ba sɩɩ yɩrɛ Zaayɔŋ, ŋ ŋaa Wɩa taŋ nɛ, nʋʋkala bʋl wʋzɔŋŋɔɔ a tɩtɩgɛ ŋ lɛ.

AZAAYA 62:2

Tinteyee nɩaa jaŋ na ŋ tʋɔpʋla-la, dɩ ba kuoroo ma kala na ŋ tʋla. Ba jaŋ hɛ yɩrɩ-falɩŋ pɩŋ. La TƖƖNA nɛ jaŋ hɛ yɩrɩ-la pɩŋ.

AZAAYA 65:15

Ma yɩrɩŋ jaŋ ŋaa ŋmɩaŋ nɩalɩŋ mɩ sɩ lɩɩsa teeŋ. Mɩ-na Wɩɩjarɩbakɔ jaŋ kpʋma, ama mɩ jaŋ hɛ yɩrɩ-falɩŋ a pɩ mɩ tɩntɩnnaa-na.

JƐRƖMAAYA 1:18

Jɩnɩŋ, mɩ leŋe ŋ nagɛ tabalɩŋ ba sɩ saa kɛrɛ golli nɛ. Ŋ nagɛ hɔɔŋ jebiiŋ nɛ, a nagɛ kɔlɩɩŋ kɛrɛ a chɩŋ Juda tinteeŋ kuoru balaa, ʋ tɩntɩnnɩ-hɩasɩŋ, Wɩɩsʋllɩ sɩpaalaaraa arɩ ʋ nɩaa kala lɛ.

ƐZƖKƖƐL 40:49

Zawʋra-la tʋɔŋ jalɩŋ fa ŋaa naakieliŋ fii nɛ, ʋ duomuŋ ma ŋaa naakieliŋ bʋlɩdʋ. Lusuŋ-chol sɩaa fii nɛ ŋ jaŋ jɩl aŋ-na yiu. Jebiee balɩa nɛ fa hɛ lusuŋ-chol sɩaa-la sɛsɩŋ. Dɔŋɔ hɛ sɛmɛ dɔŋɔ, dɔŋɔ ma hɛ sɛmɛ dɔŋɔ.

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

Maak 12:16

Ba kɛŋ dɔŋɔ kaa kɔ. Ŋɩɩ nɛ ʋ pɩɛsɛba, “Kʋbɛɛ nyuŋ nɛ hɛ nɩmɛ? Kʋbɛɛ yɩrɩŋ ma nɛ ba tuuro hɛ moribii-la lɛ?” Ŋɩɩ nɛ ba bʋl, “Siiza yɩrɩŋ nɛ.”

Galiisia Nɩaa 2:9

Jeems arɩ Pɩɩta arɩ Jɔɔŋ sɩ ŋaa Wɩa nɩaa tʋɔŋ nɩhɩasɩ-la na arɩ wʋtɩtɩɩ, Wɩa nɛ lɩɩsɛmɛ dɩ mɩ tɩŋ tɩntɩŋ-fɩɛmɩŋ deeŋ. Ŋɩɩ nɛ ba kɛŋ mɩ dɩ Banabas hɛ ba tʋɔŋ, la kala kɛŋ nii-bala. Ba bʋla arɩ la dɩ Banabas jaŋ mʋ bʋl Wɩa wʋzɔmɔ-la nɩalɩŋ sɩ bɩ Juu tɩŋŋaa ŋaa teeŋ, ka ba ma bʋl wʋzɔmɔ-la Juu tɩŋŋaa teeŋ.

Ɛfɛsɩs Nɩaa 3:15

Ʋ nɛ hɛ doho kala yɩrɩŋ, kɩalɩŋ kala sɩ hɛ Wɩa-jaŋ arɩ kɩalɩŋ kala sɩ hɛ tinteeŋ lɛ.

Hiburu TƖŊŊAA 12:22

Ama ma nɩalɩŋ sɩ laa Yesu wɩaa dii, ma kʋ yi peel-la ba sɩɩ yɩrɛ Zaayɔŋ nɛ. Ma kʋ yi tabal-la ba sɩɩ yɩrɛ Jerusalɛm a hɛ Wɩa-jaŋ lɛ nɛ. Wɩa sɩ weye jaŋ nɛ ŋɩɩ. Ma kɔ Wɩa tɩndaaraa bʋɩ bʋɩba bʋɩ sɩ hilimi lee-la arɩ tʋɔtɔrʋŋ nɛ,

Hiburu TƖŊŊAA 13:14

La bɩ jáŋ kɛnɛ dʋnɩa deeŋ lɛ la sɩ jaŋ hɛ a kaa mʋ deeŋ deeŋ. Ama laa gbɛrɛ taŋ-la maachie sɩ jaŋ kɔ nɛ.

1 Jɔɔŋ 4:4

Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.

Jɔɔŋ Wʋnaalaa 14:1

Ŋɩɩ nɛ mɩ beŋ a na Pie-bie-la dɩ ʋ chɩŋ peel-la ba sɩɩ yɩrɛ Zaayɔŋ nyuŋ. Ʋ dɩ nɩaa bʋɩba zɔlɔ arɩ mahɩŋ balɩa arɩ banɛsɛ nɛ fa chɩŋ peel-la nyuŋ. Ba ŋmʋnsɛ Pie-bie-la yɩrɩŋ arɩ ʋ Nyɩmma yɩrɩŋ nɛ a hɛ nɩaa deemba tilliŋ lɛ.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 2:11

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii aa hilimi lee-na kala Esia lɛ. Nɩɩ-la kala sɩ wuo yuo dii Sɩtaanɩ, dɩ ʋ nɛ sʋba, ʋ bɩ jaŋ jʋʋ Wɩa nyiniŋ.

Jɔɔŋ Wʋnaalaa 2:17

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ. Nɩɩ-la kala sɩ yuo dii Sɩtaanɩ, mɩ jaŋ joŋ kʋdiile-la sɩ faa Wɩa-jaŋ lɛ a pʋ, a joŋ tabɩɩ-pʋla ma a pʋ. Mɩ jaŋ ŋmʋnsɛ yɩrɩ-falɩŋ a hɛ tabɩɩ-la lɛ. Yɩrɩ-la nʋʋkala bɩ jaŋ jɩmʋ, see nɩɩ-la sɩ laa tabɩɩ-la dʋndʋŋa.”

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.

Jɔɔŋ Wʋnaalaa 21:2

Ŋɩɩ nɛ mɩ na Wɩa taŋ-la sɩ bɩ disiniŋ kɛnɛ, Jerusalɛm falɩɩ-la, dɩ ʋ lɩɩ Wɩa-jaŋ a kʋ tuu. Wɩa kpɩɛrʋ ʋ zɔŋ a nagɛ ba sɩ yie kpɩɛrɛ haala ŋɩɩ nɛ a kaa mʋ pɩ ʋ bala.

Jɔɔŋ Wʋnaalaa 22:4

Ba jaŋ na ʋ sɩaa, ka ʋ yɩrɩŋ hɛ ba tilliŋ lɛ.

Jɔɔŋ Wʋnaalaa 3:5

Nɩɩ-la kala sɩ wuo yuo dii Sɩtaanɩ, ʋ tɩɩna jaŋ laalɛ gɛrɩ-pʋllʋŋ. Mɩ bɩ jaŋ kpʋ ʋ yɩrɩŋ ta mɩɩsɩŋ teŋ-la tʋɔŋ. Mɩ jaŋ suri mɩ niiŋ a yɩrɛ ʋ yɩrɩŋ mɩ Nyɩmma Wɩa arɩ ʋ tɩndaaraa sɩpaaŋ.