Jɔɔŋ Wʋnaalaa 3:11 - WƖA TENIŊ

¹¹ Mɩɩ kɔ nɛ lɛɛlɛ. Má faasa kɛŋ kʋ-la ma sɩ kɛnɛ, dɩ nʋʋkala sɩ́ kuori-nyunchuul-la sɩ ŋaa ma time kaa laa ma teeŋ.

Jɔɔŋ Wʋnaalaa 3:11 ပူးပေါင်းရင်းမြစ်များ

ZEFANAAYA 1:14

La TƖƖNA tapʋl-bal-la kpaga nɛ, ʋ kpaga nɛ a kʋkɔ lɩma lɩma. Má jegile nɩɩ, La TƖƖNA tapʋlɩɩ-la nɩaa jaŋ ŋmoo niiŋ bagɛ-bagɛ, laalɩyuori wajɩa ma jaŋ paala ŋmoo niiŋ.

1 Kɔrɩntɩ Nɩaa 9:25

Fɩfaarɩ-na kala ba sɩɩ dagʋ yie jɩma kɛŋ ʋ tɩtɩa wɩɩ-na kala lɛ nɛ dɩ ʋ wuo fá a dii. Ama ʋ sɩ yie fá a dii kʋ-la, ʋ bɩ dieni aŋ ka ʋ chei. Ama la-na yie fá a dii kʋ-la sɩ bɩ chei nɛ. Ʋ jaŋ hɛ nɩmɛ deeŋ deeŋ.

Fɩlɩpa Nɩaa 4:5

Má leŋ dɩ ma sɩaa fɩɛlɛ nʋʋkala teeŋ. Má ŋɩŋaa ŋɩɩ, bɛɛ wɩaa bʋa-la lɛ La Tɩɩna Yesu sɩ jaŋ mɩɩra kɔ kpaga nɛ.

2 Timoti 2:5

Ŋɩɩ tɩtɩa nɛ fɩfaara ma bɩ jaŋ wuo fá a laa siilee, see dɩ ʋ to wɩalɩŋ ba sɩ bile pɩ fɩfaaraa ba tuto lɛ.

2 Timoti 4:8

Lɛɛlɛ, La Tɩɩna Yesu sɩ ŋaa sarɩya diiru-la sɩ kɛŋ wʋtɩtɩɩ, ʋ ŋaa tʋɔpʋl kuoru nyunchuulo nɛ a bil dɩ ʋ joŋo siilimi, tapʋlɩɩ-la ʋ sɩ jaŋ mɩɩra kɔ. Mɩ dʋndʋŋa dee ʋ jaŋ ŋaa ŋɩɩ pa, ama nɩalɩŋ kala sɩ chou a gbɛrʋ dɩ ʋ mɩɩra kɔ, ba ma jaŋ laa ba siilee.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 5:9

Mɩ naambiiriŋ, má sɩ́ wɩaa gʋrʋmʋ dɔŋɔ lɛ, dɩ Wɩa sɩ́ ma sarɩya dii a joŋ cheeriŋ pɩma. Na nɩɩ-la sɩ jaŋ dii la sarɩya nɛ chɩŋ boiŋ niiŋ a ŋaa siri dɩ ʋ jʋʋ ŋɩɩ.

Jɔɔŋ Wʋnaalaa 1:3

Nɩalɩŋ sɩ karɩmɛ wɩaa deemba nɩaa nɩɩ arɩ nɩalɩŋ sɩ jegile nɩɩ wɩaa deemba a laa hɛ ba tʋɔŋ lɛ a tutoba, Wɩa jaŋ pɛ ba lɛ, bɛɛ wɩaa bʋa-la wɩaa deemba sɩ jaŋ ŋaa kpaga nɛ.

Jɔɔŋ Wʋnaalaa 16:15

Má bee na, mɩ jaŋ kɔ arɩ gaara sɩ yie kɔ ŋɩɩ. Wɩa jaŋ pɛ nɩɩ-la kala sɩ bɩ doŋ pɩna aŋ pɔ lɛ, nɩɩ-la kala sɩ laalɛ ʋ gɛrɩŋ, dɩ nɩaa sɩ́ ʋ yarɩ-biree na.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.

Jɔɔŋ Wʋnaalaa 2:25

Ama wɩɩ-la mɩ sɩ jaŋ bʋla pɩma nɛ, má kɛŋ wʋtɩtɩɩ-la ma sɩ nɩa kpaŋ kpaŋ a mʋ yi tapʋlɩɩ-la mɩ sɩ jaŋ kɔ.

Jɔɔŋ Wʋnaalaa 22:12

Yesu sɩ, “Má bee na, mɩ jaŋ kɔ lɛɛlɛ, mɩ jaŋ kʋ tiŋ nʋʋkala. Nʋʋkala sɩ tɩma magɛ ŋɩɩ, ŋɩɩ tɩtɩa nɛ ʋ jaŋ laa ʋ time.

Jɔɔŋ Wʋnaalaa 22:20

Nɩɩ-la sɩɩ dagɛ wɩaa deemba sɩ, “Wʋtɩtɩɩ, mɩɩ kɔ nɛ lɛɛlɛ.” Amɩɩ, kɔ, La Tɩɩna Yesu.

Jɔɔŋ Wʋnaalaa 22:7

Yesu sɩ, “Má bee na, mɩ jaŋ kɔ lɛɛlɛ. Nɩalɩŋ sɩɩ to wɩalɩŋ ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ, Wɩa jaŋ pɛ ba lɛ.”

Jɔɔŋ Wʋnaalaa 3:3

Má liise yi wɩalɩŋ ba sɩ dagɛma arɩ wɩalɩŋ ma sɩ nɩa aŋ laa maa. Má toba, aŋ bɩrɩma lɩɩ ma wʋbɔŋŋɔɔ lɛ. Dɩ ma nɛ bɩ doŋ lɛ sie, mɩ jaŋ lʋara kɔ a nagɛ gaara. Ma bɩ jaŋ wuo jɩŋ bʋa-la mɩ sɩ jaŋ kɔ ma teeŋ.

Jɔɔŋ Wʋnaalaa 4:10

nɩhɩasɩ-la mara arɩ banɛsɛ yie tuu kpirimi Nɩɩ-la sɩ hɔŋ kuoru kpasa-la sɩpaaŋ a chʋɔlʋ, Nɩɩ-la sɩ hɛ nɩmɛ a kaa mʋ wuu. Ba yie suri ba kuori-nyunchuuluŋ a bil kpasa-la sɩpaaŋ aŋ yɩɩ yɩɩlaa a bʋl,

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.