Jɔɔŋ Wʋnaalaa 3:10 - WƖA TENIŊ

¹⁰ A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.

Jɔɔŋ Wʋnaalaa 3:10 ပူးပေါင်းရင်းမြစ်များ

AZAAYA 24:17

Fawʋllʋŋ jaŋ kɛŋ ma dʋnɩa nɩaa kala, buotuo-luŋoo arɩ bɛrɩsɩŋ ma sɩ jaŋ foro tuu gbɛrɛma nɛ.

DANƖƐL 12:10

Wɩa jaŋ chɛsɛ nɩ-daŋ a pɩɩsɛ ba disiniŋ ta, dɩ ba zɔŋ. Ama nɩbɔŋŋɔɔ ha jaŋ ŋɩŋaa wʋbɔŋŋɔɔ. Nɩbɔmɔ-la kʋŋkala bɩ jaŋ jɩŋ wɩaa sɩaa, ama nɩalɩŋ sɩ kɛŋ wʋjɩmɩŋ jaŋ jɩŋ ba sɩaa.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

Matiu 24:14

Ba jaŋ laa sɩpaaŋ bʋl Wɩa wʋzɔmɔ-la a tɩgɛ Wɩa kuorii-la lɛ lee-na kala dɩ dʋnɩa nʋʋkala nɩɩ, ka dɩ dʋnɩa dɩdɛrɩŋ-na yi.

Matiu 26:41

Má chʋɔlɛ Wɩa aŋ pʋpɔ dɩ Sɩtaanɩ nɛ kʋ magɩsɛma dɩ ʋ sɩ́ ma wuo. Ma tʋɔŋ lɛ ma cho dɩ ma ŋaa wʋzɔŋŋɔɔ, aŋ ka ma bɩ doluŋ kɛnɛ.”

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Maak 14:9

Wʋtɩtɩɩ nɛ mɩ bʋlaa pɩma, dʋnɩa sɛmɛ na-kala ba sɩ jaŋ mʋ a bʋl Wɩa wʋzɔmɔ-la, ba jaŋ liisi haala deeŋ ma wɩaa a bʋl.”

Luuk 2:1

Baal kʋbala nɛ fa hɛ nɩmɛ, baa yɩrɛ Ɔgasɩtʋs. Ʋ nɛ fa ŋaa Rom tɩŋŋaa kuoru-balɩŋ. Bʋa-la lɛ ʋ bʋl dɩ ba dɩɩsɛ ʋ tinteeŋ nɩaa.

Jɔɔŋ 17:6

Mɩ leŋe nɩalɩŋ ŋ sɩ lɩɩsa pɩmɛ dʋnɩa nɩaa tʋɔŋ jɩmɩŋ nɛ. Ba fa ŋaa ŋ kɩaa nɛ, ŋ nɛ lɩɩsɛba pɩmɛ. Ba sɛɩ ŋ niiŋ wɩaa.

Rom Tɩŋŋaa 1:8

Wɩɩ-la mɩ sɩ kɛnɛ dɩ mɩ laa sɩpaaŋ bʋl nɛ ŋ-la: Mɩ to Yesu Kirisito lɛ aa lɔllɛ Wɩa ma kala wɩaa, bɛɛ wɩaa dʋnɩa nʋʋkala nɩɩ ŋɩɩ ma sɩ laa Wɩa dii nɛ.

1 Kɔrɩntɩ Nɩaa 10:13

Dɩ Sɩtaanɩ nɛ kʋ magɩsɛ nʋʋ, ʋ maga dɩ ʋ jɩŋ arɩ ŋɩɩ tɩtɩa nɛ Sɩtaanɩ yie mɩmagɩsɛ nʋʋkala. Ama Wɩa kɛŋ wʋtɩtɩɩ nɛ, ʋ bɩ jaŋ sɛɩ dɩ Sɩtaanɩ magɩsɛma a kieli ŋɩɩ ma sɩ jaŋ wuo ŋaa a chɩŋ wɩalɩŋ ma sɩ laa dii lɛ. Bʋa-la Sɩtaanɩ sɩɩ magɩsɛma, Wɩa jaŋ pɩma doluŋ dɩ ma wuo nyalɩmɛ. Ʋ jaŋ dagɛma wombii-la ma sɩ jaŋ to a lɩɩ wɩɩ-la lɛ.

Ɛfɛsɩs Nɩaa 6:13

Ŋɩɩ wɩaa, má laalɛ laalɩyuori kɩaa Wɩa sɩ joŋo pɩma, dɩ tapʋlɩɩ-la wʋbɔŋŋɔɔ sɩɩ chɛ dɩ ba ŋaa ma lɛ, dɩ ma wuo kɛŋ ma tɩtɩa hɛ dɔŋɔ chɩna gbɛrɛ.

2 Timoti 2:12

Dɩ la nɩɩ na hɛɛŋ aŋ nyalɩmɛ, la dɩ ʋ kala jaŋ dii kuoruŋ. Dɩ la nɛ sɩ la bɩ Yesu jɩŋ, ʋ ma jaŋ bʋl ʋ bɩ la jɩŋ.

Jeems 3:12

Tutogo ma bɩ jaŋ wuo nɛŋ babɩlaa. Chɩchʋɛŋ ma bɩ jaŋ wuo nɛŋ tutogi-nambɩlaa. Ŋɩɩ tɩtɩa nɛ lɩɩ-bulo sɩ nagɛ yɩsɩŋ ma bɩ jaŋ wuo bɩrɩmɛ lɩɩzɔmʋŋ.

1 Pɩɩta 4:12

Mɩ naambii-kpɩanaba, má sɩ́ leŋe dɩ hɛɛ-la ma sɩ faasa nɩna ŋaa wʋkpuŋkpere ma lɛ. Wɩaa deemba kala ka magɩsɛma nɛ. Má sɩ́ leŋe dɩ wɩɩŋ deeŋ ŋaa wʋfalɩɩ ma teeŋ.

2 Pɩɩta 2:9

Wɩaa deemba kala dagɛla arɩ Wɩa jɩŋ wombii-la ʋ sɩ jaŋ to a laa tʋɔpʋl tɩŋŋaa ta nɛ, dɩ Sɩtaanɩ sɩ́ wuo magɩsɛba dɩ ba ŋaa wʋbɔŋ. Ba bɩra dagɛla ŋɩɩ Wɩa sɩ jaŋ ŋaa a dɔgɩsɛ nɩbɔŋŋɔɔ ma a kaa mʋ yi tapʋlɩɩ-la ʋ sɩ jaŋ dii dʋnɩa nɩaa sarɩya.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 11:10

Dʋnɩa nɩaa tʋɔŋ jaŋ tɔrɛ arɩ ba sɩ kpʋ ba balɩa-la. Ba jaŋ gbieli a ŋaa kɩaa didii zile dɔŋɔ lɛ, bɛɛ wɩaa Wɩa wʋlaabʋlla-la balɩa fa walɩmɛ dʋnɩa nɩaa nɛ woruŋ.

Jɔɔŋ Wʋnaalaa 13:10

Dɩ nʋʋ nɛ maga dɩ ŋ mʋ yoŋ-baga, ŋ jaŋ sɛnɛ mʋ, dɩ nʋʋ nɛ maga dɩ ba kpʋʋ arɩ tokobiiŋ, ba jaŋ sɛnɛ kpʋʋ arɩ tokobiiŋ. Wɩɩŋ deeŋ daga arɩ nɩalɩŋ sɩ laa Wɩa wɩaa dii maga dɩ ba nyalɩmɛ nɛ a chɩŋ wɩalɩŋ ba sɩ laa dii lɛ.

Jɔɔŋ Wʋnaalaa 13:14

A tɩŋ wʋmagɩla-la ba sɩ pʋ doluŋ ʋ ŋaa bumbuŋ baga kʋ-la nyuŋ, ʋ nyɩsɛ dʋnɩa nɩaa dɩ ba mɛ kʋŋ sɩ nagɛ bumbuŋ baga kʋ-la, kʋ-la ba sɩ pɩra arɩ tokobiiŋ ka ʋ ha wei.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 14:12

Bʋa deeŋ lɛ Wɩa nɩalɩŋ sɩɩ to Wɩa niiŋ a laa Yesu Kirisito wɩaa dii, ʋ maga dɩ ba nyalɩmɛ nɛ.

Jɔɔŋ Wʋnaalaa 14:6

Ŋɩɩ nɛ mɩ bɩra na Wɩa tɩndaara dɔŋɔ dɩ ʋʋ fil wɩa-nyuŋ dɩ-bolii. Ʋ fa kori Wɩa Wʋzɔmɔ-la nɛ, Wʋzɔmɔ-la sɩ jaŋ hɛ nɩmɛ a kaa mʋ wuu. Ʋ kaa mʋ bʋla pɩ tintee kala nɩaa, doho kala nɩaa, yikoro kala nɩaa arɩ nɩaa kala.

Jɔɔŋ Wʋnaalaa 16:14

Jɩŋ-bɔŋŋɔɔ deemba batori lɩɩ Sɩtaanɩ lɛ nɛ a yie ŋɩŋaa wʋkpuŋkperisiŋ. Ba nɛ gɔllɛ dʋnɩa kuoroo kala teeŋ, a kɛmba hɛ dɔŋɔ lɛ baa kɛŋ ba tɩtɩa dɩ ba yuo laalɩŋ La Tɩɩna doluŋ kala Tɩɩna tapʋl-bal-la.

Jɔɔŋ Wʋnaalaa 17:2

Dʋnɩa kuoroo arɩ dʋnɩa nɩaa kala kɛnʋ ŋaa wʋlɩɩlɩŋ a kala bugi, a nagɛ ba sɩ nyʋa sɩ-duoŋ.”

Jɔɔŋ Wʋnaalaa 17:8

Baga kʋ-la ŋ sɩ na nɛ fa hɛ nɩmɛ bumbuŋ aŋ bɩra tuo. Ʋ jaŋ lɩɩ buotuo-luŋii-la tʋɔŋ kʋ lɩɩ a mʋ sʋʋ. Nɩalɩŋ kala sɩ hɛ dʋnɩa lɛ ka ba bɩ ba yɩraa ŋmʋnsa hɛ mɩɩsɩŋ teŋ-la lɛ a lɩɩ dʋnɩa dɩ-suomuŋ jaŋ na baga kʋ-la dɩ ʋ ŋaaba wʋkpuŋkpere, bɛɛ wɩaa ʋ fa hɛ nɩmɛ bumbuŋ aŋ bɩra tuo, aŋ saa jaŋ bɩra kɔ.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.

Jɔɔŋ Wʋnaalaa 3:8

Mɩ jɩŋ ma wʋŋaalaa nɛ. Má bee na, mɩ kɛŋ boro kaa suri nɛ a pɩma. Nʋʋkala bɩ wuo kaa tɔ. Mɩ jɩma arɩ ma doluŋ bɩ yʋgɛ, ama ma haa to mɩ niiŋ wɩaa a bɩ mɩ vɩa.

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”

Jɔɔŋ Wʋnaalaa 8:13

Ŋɩɩ nɛ mɩ beŋ a na kachuuŋ dɩ ʋʋ fil wɩa-nyuŋ dɩ-bolii, mɩ nɩɩ dɩ ʋ faasa yiyel, aa bʋl, “Wɩɩŋ puuma, wɩɩŋ puuma, wɩɩŋ puu ma nɩalɩŋ sɩ hɛ tinteeŋ lɛ, a tɩŋ Wɩa tɩndaarɩ-kaana-la batori sɩ jaŋ ŋmʋʋ nyilli-la wɩaa.”