Jɔɔŋ Wʋnaalaa 22:20 - WƖA TENIŊ

²⁰ Nɩɩ-la sɩɩ dagɛ wɩaa deemba sɩ, “Wʋtɩtɩɩ, mɩɩ kɔ nɛ lɛɛlɛ.” Amɩɩ, kɔ, La Tɩɩna Yesu.

Jɔɔŋ Wʋnaalaa 22:20 ပူးပေါင်းရင်းမြစ်များ

SOLOMOŊ YƖƖL-SƖMƖŊ 8:14

Mɩ hɩɩla, fá kɔ mɩ teeŋ a nagɛ tɛhɩɩ koo aaŋ-bel-pɔrʋŋ sɩ hɛ tegisiŋ peeliŋ nyuŋ.

AZAAYA 25:9

Tapʋlɩɩ-la nʋʋkala jaŋ bʋl, “Wʋtɩtɩɩ, ʋ nɛ la Wɩa, ʋ nɛ la laa dii, ʋ nɛ laala ta. La TƖƖNA nɛ ŋ-la, la laaʋ dii nɛ. Má leŋ dɩ la tʋɔŋ tɔrɛ, dɩ la jʋjʋɔsɛ a tɩŋ ʋ sɩ laala ta wɩaa.”

Jɔɔŋ 21:25

Yesu ŋaa wɩaa dɔnsʋŋ yʋgɛ a pɛ wɩalɩŋ mɩ sɩ ŋmʋnsa hɛ teniŋ deeŋ lɛ. Dɩ mɩ nɛ fa ŋmʋnsɛ wɩalɩŋ kala, leriŋ fa jaŋ tuo dʋnɩa lɛ ba sɩ jaŋ bil tenni-la.

1 Kɔrɩntɩ Nɩaa 16:22

Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ!

2 Timoti 4:8

Lɛɛlɛ, La Tɩɩna Yesu sɩ ŋaa sarɩya diiru-la sɩ kɛŋ wʋtɩtɩɩ, ʋ ŋaa tʋɔpʋl kuoru nyunchuulo nɛ a bil dɩ ʋ joŋo siilimi, tapʋlɩɩ-la ʋ sɩ jaŋ mɩɩra kɔ. Mɩ dʋndʋŋa dee ʋ jaŋ ŋaa ŋɩɩ pa, ama nɩalɩŋ kala sɩ chou a gbɛrʋ dɩ ʋ mɩɩra kɔ, ba ma jaŋ laa ba siilee.

Hiburu TƖŊŊAA 10:37

Wɩa teniŋ sɩ, “Mʋapɩlɩɩ, nɩɩ-la Wɩa sɩ lɩɩsa jaŋ kɔ, ʋ bɩ jaŋ dieni.

Hiburu TƖŊŊAA 9:28

Ŋɩɩ tɩtɩa nɛ ba kpʋ Kirisito balá dɩ ʋ laa nɩ-daŋ wʋbɔŋŋɔɔ ta. Dɩ ʋ nɛ mɩɩra kɔ, ʋ bɩra bɩ jaŋ laa nɩaa wʋbɔŋŋɔɔ ta, ama ʋ jaŋ laa nɩalɩŋ sɩ kɛŋ ba tɩtɩa hɛ dɔŋɔ a gbɛrʋ ta.

Jɔɔŋ Wʋnaalaa 1:18

Mɩ nɛ ŋaa Nɩɩ-la sɩ weye. Mɩ fa sʋba nɛ, ama lɛɛlɛ mɩ weye nɛ a kaa mʋ wuu. Mɩ kɛŋ sʋʋŋ arɩ lɛlɛɛ-jaŋ kala doluŋ nɛ.

Jɔɔŋ Wʋnaalaa 1:2

Ŋɩɩ nɛ Jɔɔŋ bʋl wɩalɩŋ kala ʋ sɩ na, wɩalɩŋ Wɩa sɩ dagʋ arɩ wɩalɩŋ kala Yesu Kirisito sɩ bʋla pʋ.

Jɔɔŋ Wʋnaalaa 2:16

Ŋɩɩ wɩaa, má bɩrɩma lɩɩ wɩalɩŋ lɛ, dɩ ŋɩɩ dee mɩ jaŋ kɔ lɛɛlɛ a kɛŋ mɩ niiŋ wʋbʋlaa sɩ nagɛ tokobiiŋ, a yuoma.

Jɔɔŋ Wʋnaalaa 22:10

Ŋɩɩ nɛ ʋ bɩra bʋla pɩmɛ, “Sɩ́ wɩaa deemba ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ kaa faa, bɛɛ wɩaa ʋ bɩ jaŋ dieni ka dɩ wɩalɩŋ kala ŋaa.

Jɔɔŋ Wʋnaalaa 22:12

Yesu sɩ, “Má bee na, mɩ jaŋ kɔ lɛɛlɛ, mɩ jaŋ kʋ tiŋ nʋʋkala. Nʋʋkala sɩ tɩma magɛ ŋɩɩ, ŋɩɩ tɩtɩa nɛ ʋ jaŋ laa ʋ time.

Jɔɔŋ Wʋnaalaa 22:18

Mɩ-na Jɔɔŋ chɛ dɩ nʋʋkala sɩ nɩɩ wɩaa deemba ba sɩ bʋla hɛ teniŋ deeŋ tʋɔŋ, dɩ ba kɛŋ ba tɩtɩa woruŋ arɩ wɩaa deemba lɛ. Dɩ nʋʋkala nɛ kɛŋ wɩɩ pɛ wɩaa deemba lɛ, Wɩa ma jaŋ joŋ nyanyal-bɔmɔ-la ba sɩ daga teniŋ deeŋ tʋɔŋ a dɔgɩsɛ ʋ tɩɩna.

Jɔɔŋ Wʋnaalaa 22:7

Yesu sɩ, “Má bee na, mɩ jaŋ kɔ lɛɛlɛ. Nɩalɩŋ sɩɩ to wɩalɩŋ ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ, Wɩa jaŋ pɛ ba lɛ.”