Jɔɔŋ Wʋnaalaa 22:19 - WƖA TENIŊ

¹⁹ Dɩ nʋʋkala ma nɛ lɩɩsɛ wɩaa deemba kʋŋ ta, Wɩa ma jaŋ lɩɩsɛ ʋ tɩɩna ta. Ʋ bɩ jaŋ pʋ wombiiŋ dɩ ʋ na wɩalɩŋ ba sɩ ŋmʋnsa hɛ teniŋ deeŋ tʋɔŋ. Ʋ tɩɩna bɩ jaŋ wuo dii tɩa-la sɩɩ pɩ nɩaa mɩɩsɩŋ nɛnɛɛ. Ʋ bɩra bɩ jaŋ jʋʋ Wɩa tabal-la ma.

Jɔɔŋ Wʋnaalaa 22:19 ပူးပေါင်းရင်းမြစ်များ

WƖA YƖƖLAA 69:28

Kpʋ ba yɩraa ta mɩɩsɩŋ teŋ-la tʋɔŋ, sɩ́ leŋe dɩ ba yɩraa guoli tʋɔpʋl tɩŋŋaa yɩraa lɛ.

MOSIS KƐŊ IZIRAL TƖŊŊAA LƖƖ 32:33

Ŋɩɩ nɛ La TƖƖNA bʋla pɩ Mosis, “Nɩɩ-la kala sɩ ŋaa wʋbɔmʋŋ mɩ teeŋ, ʋ yɩrɩŋ nɛ mɩ jaŋ lɩɩsa ta mɩ teniŋ tʋɔŋ.

NAMAGABA 30:6

Pʋpɔ ŋ sɩ́ wɩɩ kaa pɛ ʋ niiŋ wɩaa lɛ. Dɩ ŋ ŋaa ŋɩɩ, ʋ jaŋ kɛnɩŋ tʋra kɩɩ a leŋ dɩ ŋ jɩŋ arɩ ŋ ŋaa wʋnyɩɛrʋ nɛ.”

Luuk 11:52

Ma Wɩa teniŋ kerichiba, ma ma jaŋ na hɛɛŋ kɩŋkɛŋ. Ma tɔ wombii-la nɩalɩŋ sɩ jaŋ na wʋjɩmɩŋ nɛ. Ma tɩtɩa bɩ chɛ dɩ ma to wombiiŋ deeŋ, aŋ pɔ dɩ nɩalɩŋ ma sɩɩ walɩmɛ dɩ ba to sɩ́ to.”

MOSIS BƖRA WULLI WƖA WOMBIIŊ 12:32

Má hɛ doluŋ aŋ to wɩalɩŋ kala mɩ sɩ dagɛma, ma pʋpɔ má sɩ́ wɩɩ lɩɩsa ta a sɩ́ wɩɩ ma kaa pɛ.

MOSIS BƖRA WULLI WƖA WOMBIIŊ 4:2

Má pɔ ma sɩ́ wɩɩ kaa pɛ wɩalɩŋ mɩ sɩ dagɛma lɛ, koo a keri wɩalɩŋ kʋŋ ta. Má tuto ma TƖƖNA Wɩa niiri-la kala mɩ sɩ dagɛma.

Jɔɔŋ Wʋnaalaa 1:3

Nɩalɩŋ sɩ karɩmɛ wɩaa deemba nɩaa nɩɩ arɩ nɩalɩŋ sɩ jegile nɩɩ wɩaa deemba a laa hɛ ba tʋɔŋ lɛ a tutoba, Wɩa jaŋ pɛ ba lɛ, bɛɛ wɩaa bʋa-la wɩaa deemba sɩ jaŋ ŋaa kpaga nɛ.

Jɔɔŋ Wʋnaalaa 11:2

ama sɩ́ Wɩa dɩa-la kaala-na magɩsʋ, bɛɛ wɩaa ba joŋ lee-la pɩ nɩalɩŋ sɩ bɩ Juu tɩŋŋaa ŋaa nɛ, ba jaŋ fɩrɩgɛ tabal-la sɩ bɩ disiniŋ kɛnɛ chɛnsɩŋ mahɩŋ balɩa arɩ balɩa.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 14:13

Ka mɩ nɩɩ yikoro kʋbala dɩ ʋ lɩɩ Wɩa-jaŋ a bʋl, “Ŋmʋnsɛ wɩɩŋ deeŋ: Nɩalɩŋ sɩ laa La Tɩɩna Yesu wɩaa dii aŋ sʋʋ, Wɩa jaŋ pɛ ba lɛ a chɩŋ lɛɛlɛ kaa mʋ.” Ŋɩɩ nɛ Wɩa Dɩŋ-zɔmʋŋ ma bʋl, “Wɩa sɛnɛ jaŋ pɛ nɩaa deemba lɛ dɩ ba wuo na wiese woruŋ. Ba bɩra bɩ jaŋ tɩŋ, bɛɛ wɩaa tɩntɩmɩɩ-la ba sɩ tɩma ka to ba harɩŋ nɛ.”

Jɔɔŋ Wʋnaalaa 2:11

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii aa hilimi lee-na kala Esia lɛ. Nɩɩ-la kala sɩ wuo yuo dii Sɩtaanɩ, dɩ ʋ nɛ sʋba, ʋ bɩ jaŋ jʋʋ Wɩa nyiniŋ.

Jɔɔŋ Wʋnaalaa 2:26

Nɩɩ-la kala sɩ wuo yuo dii Sɩtaanɩ aŋ ŋɩŋaa wɩalɩŋ mɩ sɩɩ chɛ a mʋ yi ʋ mɩɩsɩŋ dɩdɛrɩŋ, mɩ jaŋ pʋ doluŋ dɩ ʋ bibeŋ dʋnɩa nɩaa kala.

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.

Jɔɔŋ Wʋnaalaa 21:2

Ŋɩɩ nɛ mɩ na Wɩa taŋ-la sɩ bɩ disiniŋ kɛnɛ, Jerusalɛm falɩɩ-la, dɩ ʋ lɩɩ Wɩa-jaŋ a kʋ tuu. Wɩa kpɩɛrʋ ʋ zɔŋ a nagɛ ba sɩ yie kpɩɛrɛ haala ŋɩɩ nɛ a kaa mʋ pɩ ʋ bala.

Jɔɔŋ Wʋnaalaa 21:5

Ŋɩɩ nɛ Nɩɩ-la sɩ hɔŋ kuoru kpasa-la nyuŋ bʋl, “Má bee na, mɩ ŋaa kʋŋkala bɩrɩmɛ kʋfalɩɩ nɛ.” Ŋɩɩ nɛ aŋ bɩra bʋl, “Ŋmʋnsɛ wɩaa deemba mɩ sɩ bʋla, bɛɛ wɩaa ba ŋaa wʋtɩtɩɩ nɛ, a magɛ dɩ nɩaa laaba dii.”

Jɔɔŋ Wʋnaalaa 22:12

Yesu sɩ, “Má bee na, mɩ jaŋ kɔ lɛɛlɛ, mɩ jaŋ kʋ tiŋ nʋʋkala. Nʋʋkala sɩ tɩma magɛ ŋɩɩ, ŋɩɩ tɩtɩa nɛ ʋ jaŋ laa ʋ time.

Jɔɔŋ Wʋnaalaa 22:2

a pɛllɛ to tabal-la womporuŋ tʋtʋɔbaanɩŋ, ka tɩa-la sɩɩ pɩ nɩaa mɩɩsɩŋ chɩŋ fuo-la cholluŋ balɩa-la kala lɛ. Tɩa-la yie nɛŋ nɛŋ-dosunuŋ naansɩɩŋ fii arɩ balɩa jɩna kala. Chɛnɛ kala ʋ yie nɛŋ bala. Tɩa-la pɩpaarɩŋ nɛ tinteyee nɩaa kaa vɩvaarɛ ba tɩtɩa.

Jɔɔŋ Wʋnaalaa 22:7

Yesu sɩ, “Má bee na, mɩ jaŋ kɔ lɛɛlɛ. Nɩalɩŋ sɩɩ to wɩalɩŋ ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ, Wɩa jaŋ pɛ ba lɛ.”

Jɔɔŋ Wʋnaalaa 3:12

Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ nagɛ jebiiŋ a hɛ Wɩa dɩɩ-balɩŋ tʋɔŋ. Ʋ bɩ jaŋ kɔ dɩ ʋ lɩɩ Wɩa dɩɩ-bal-la tʋɔŋ. Mɩ jaŋ ŋmʋnsɛ Wɩa yɩrɩŋ a hɛ ʋ lɛ, a ŋmʋnsɛ Wɩa-jaŋ yɩrɩŋ ma hɛ ʋ lɛ. Jaŋ-la nɛ ŋaa Jerusalɛm falɩɩ-la sɩ lɩɩ Wɩa-jaŋ kʋ tuu. Mɩ jaŋ ŋmʋnsɛ mɩ tɩtɩa yɩrɩ-falɩŋ a hɛ ʋ lɛ.

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.