Jɔɔŋ Wʋnaalaa 22:18 - WƖA TENIŊ

¹⁸ Mɩ-na Jɔɔŋ chɛ dɩ nʋʋkala sɩ nɩɩ wɩaa deemba ba sɩ bʋla hɛ teniŋ deeŋ tʋɔŋ, dɩ ba kɛŋ ba tɩtɩa woruŋ arɩ wɩaa deemba lɛ. Dɩ nʋʋkala nɛ kɛŋ wɩɩ pɛ wɩaa deemba lɛ, Wɩa ma jaŋ joŋ nyanyal-bɔmɔ-la ba sɩ daga teniŋ deeŋ tʋɔŋ a dɔgɩsɛ ʋ tɩɩna.

Jɔɔŋ Wʋnaalaa 22:18 ပူးပေါင်းရင်းမြစ်များ

NAMAGABA 30:6

Pʋpɔ ŋ sɩ́ wɩɩ kaa pɛ ʋ niiŋ wɩaa lɛ. Dɩ ŋ ŋaa ŋɩɩ, ʋ jaŋ kɛnɩŋ tʋra kɩɩ a leŋ dɩ ŋ jɩŋ arɩ ŋ ŋaa wʋnyɩɛrʋ nɛ.”

LEVI DOHO NƖAA 26:18

Dɩ wɩaa deemba kala nɛ ŋaa ma lɛ, ka ma ha bɩ jaŋ jegile nɩɩ mɩ teeŋ, mɩ jaŋ dɔgɩsɛma a magɛ ŋɩɩ naansɩɩŋ bʋlɩpɛ, a tɩŋ ma wʋbɔŋŋɔɔ wɩaa.

LEVI DOHO NƖAA 26:28

mɩ baanɩŋ jaŋ sii ma nyuŋ dɩ mɩ dɔgɩsɛ ma a kɩɩ ŋɩɩ naansɩɩŋ bʋlɩpɛ, a tɩŋ ma wʋbɔmɔ-la wɩaa.

LEVI DOHO NƖAA 26:37

Ma jaŋ fá a yigi dɔŋɔ lulo arɩ laalɩŋ nɩɩ kirima, ka nʋʋkala bɩ maa kiri. Ŋɩɩ jaŋ leŋ dɩ ma sɩ́ wuo yuo ma dʋndɔŋŋɔɔ.

Matiu 15:13

Ŋɩɩ nɛ ʋ bʋla pɩba, “Tɩa-la kala mɩ Nyɩmma sɩ hɛ Wɩa-jaŋ sɩ yie bɩ chɔnsɔ, ba jaŋ kaa churo ta.

Ɛfɛsɩs Nɩaa 4:17

La Tɩɩna yɩrɩŋ lɛ mɩɩ chɛ dɩ mɩ bʋl wɩɩ nɛ pɩma arɩ sɩɩfɩɛsɩŋ. Má sɩ́ leŋe dɩ ma wʋŋaalaa nagɛ nɩalɩŋ sɩ bɩ Wɩa jɩŋ. Wɩalɩŋ kala ba sɩɩ bɩɩnʋ ŋaa wʋpɛɩba nɛ.

MOSIS BƖRA WULLI WƖA WOMBIIŊ 12:32

Má hɛ doluŋ aŋ to wɩalɩŋ kala mɩ sɩ dagɛma, ma pʋpɔ má sɩ́ wɩɩ lɩɩsa ta a sɩ́ wɩɩ ma kaa pɛ.

MOSIS BƖRA WULLI WƖA WOMBIIŊ 4:2

Má pɔ ma sɩ́ wɩɩ kaa pɛ wɩalɩŋ mɩ sɩ dagɛma lɛ, koo a keri wɩalɩŋ kʋŋ ta. Má tuto ma TƖƖNA Wɩa niiri-la kala mɩ sɩ dagɛma.

1 Tɛsalonaaka Nɩaa 4:6

Bɩra, nʋʋkala sɩ́ wɩɩ ŋaa chei ʋ dɔŋɔ tɩɩna a tɩgɛ ʋ haala lɛ. La chaasa bʋla pɩma nɛ faafaa kala a kpʋrɩsɛ ma dɩgɩlaa arɩ Wɩa jaŋ dɔgɩsɛ nɩalɩŋ sɩ ŋaa disiŋ wɩaa.

Jɔɔŋ Wʋnaalaa 1:3

Nɩalɩŋ sɩ karɩmɛ wɩaa deemba nɩaa nɩɩ arɩ nɩalɩŋ sɩ jegile nɩɩ wɩaa deemba a laa hɛ ba tʋɔŋ lɛ a tutoba, Wɩa jaŋ pɛ ba lɛ, bɛɛ wɩaa bʋa-la wɩaa deemba sɩ jaŋ ŋaa kpaga nɛ.

Jɔɔŋ Wʋnaalaa 15:1

Ŋɩɩ nɛ mɩ bɩra na ku-kpuŋkperi-bal ma dɔŋ wɩa-nyuŋ. Ʋ kɛmmɛ fawʋllʋŋ. Mɩ na Wɩa tɩndaaraa balɩpɛ dɩ ba kori nyanyal-bɔŋ dosunuŋ balɩpɛ sɩ ŋaa dɩdɛrɩŋ kɩaa, bɛɛ wɩaa dɩ ba nɛ kʋ ŋaa dɛrɛ, Wɩa baanɩŋ jaŋ fɩɛlɛ.

Jɔɔŋ Wʋnaalaa 15:6

Ŋɩɩ nɛ Wɩa tɩndaaraa balɩpɛ-la sɩ kori nyanyal bɔŋŋɔɔ balɩpɛ-la lɩɩ nɩmɛ kʋ lɩɩ. Ba laalɛ gɛrɩ-fʋfʋlaa sɩɩ tʋl a zɔŋ woruŋ, a joŋ sɛlɩmɛ damɛrɩsɩŋ a vɔɔ ba bɔɩsɩŋ lɛ.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 22:10

Ŋɩɩ nɛ ʋ bɩra bʋla pɩmɛ, “Sɩ́ wɩaa deemba ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ kaa faa, bɛɛ wɩaa ʋ bɩ jaŋ dieni ka dɩ wɩalɩŋ kala ŋaa.

Jɔɔŋ Wʋnaalaa 22:16

Mɩ-na Yesu nɛ tɩŋ mɩ tɩndaara dɩ ʋ kɔ ma teeŋ a bʋl wɩaa deemba pɩ nɩalɩŋ sɩ laa mɩ wɩaa dii a hihilimi lee na-kala. Mɩ ŋaa Devit dɩa nɩaa gentine nɛ, a ŋaa ʋ doho nʋʋ. Mɩ nɛ ŋaa nanyʋɔlʋŋ.”

Jɔɔŋ Wʋnaalaa 22:7

Yesu sɩ, “Má bee na, mɩ jaŋ kɔ lɛɛlɛ. Nɩalɩŋ sɩɩ to wɩalɩŋ ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ, Wɩa jaŋ pɛ ba lɛ.”

Jɔɔŋ Wʋnaalaa 22:9

Ŋɩɩ nɛ ʋ bʋla pɩmɛ, “Sɩ́ ŋɩɩ ŋaa, mɩ dɩŋ arɩ ŋ naambiiri-la kala sɩ ŋaa Wɩa wʋlaabʋllaa ŋaa Wɩa tɩntɩnnaa, arɩ nɩalɩŋ kala sɩɩ to wɩalɩŋ sɩ hɛ teniŋ deeŋ tʋɔŋ. Wɩa nɛ maga ŋ chʋɔlɛ.”

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.