Jɔɔŋ Wʋnaalaa 22:16 - WƖA TENIŊ

¹⁶ Mɩ-na Yesu nɛ tɩŋ mɩ tɩndaara dɩ ʋ kɔ ma teeŋ a bʋl wɩaa deemba pɩ nɩalɩŋ sɩ laa mɩ wɩaa dii a hihilimi lee na-kala. Mɩ ŋaa Devit dɩa nɩaa gentine nɛ, a ŋaa ʋ doho nʋʋ. Mɩ nɛ ŋaa nanyʋɔlʋŋ.”

Jɔɔŋ Wʋnaalaa 22:16 ပူးပေါင်းရင်းမြစ်များ

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

AZAAYA 14:12

Ɛɛ ma nɛ ŋ lɩɩ wɩa-nyuŋ kʋ tuu tel ŋɩɩ, ŋ fa nagɛ nanyʋɔlʋŋ sɩ pɔsɔ nɛ. Ŋ fa yie yuo dii tinteyee nɛ, ama lɛɛlɛ ba kiriŋ ta nɛ ŋ tuu tinteeŋ.

ZƐKARƖYA 6:12

Bʋla pʋ wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: “Baal-la ba sɩɩ yɩrɛ Naakeliŋ nɛ ŋ-la. Ʋ jaŋ kele lɩɩ ʋ lee-la ʋ sɩ hɛ, a saa mɩ-na ma TƖƖNA dɩɩ-bal-la.

NAMBABA 24:17

Mɩ na wɩɩ nɛ, ama lɛɛlɛ dee wɩɩ-la jaŋ ŋaa. Mɩ na arɩ kuoro jaŋ lɩɩ Iziral tɩŋŋaa tʋɔŋ a chaanɛ a nagɛ chɛnwʋlʋŋ, a kori kuoru dantɩga. Ʋ jaŋ yuo dii Mʋab tɩŋŋaa arɩ Sɛf doho nɩaa kala.

Matiu 1:1

Yesu doho nɩaa nɛ ŋ-la. Ʋ naabalɩmaba nɛ fa ŋaa Abɩraham arɩ Devit.

Matiu 22:42

“Bɛɛ nɛ maa bɩɩnɛ a mʋʋ tɩgɛ Kirisito, nɩɩ-la Wɩa sɩ lɩɩsa wɩaa? Kʋbɛɛ doho nʋʋ nɛ ʋ ŋaa?” Ŋɩɩ nɛ ba bʋl dɩ ʋ ŋaa Devit doho nʋʋ nɛ.

Matiu 22:45

Devit tɩtɩa sɩ yɩrɛ nɩa deeŋ ʋ Tɩɩna, ɛɛ nɛ saa ʋ jaŋ wuo ŋaa ʋ nihii dʋndʋŋ?”

Luuk 1:78

Wɩa kɛŋ zile aŋ fɩfá nɩaa nenige. Ʋ jaŋ laala ta a leŋ dɩ la hɔŋ pʋlʋmʋŋ tʋɔŋ.

Luuk 20:44

Devit tɩtɩa yɩrɛ nɩa deeŋ ʋ Tɩɩna. Ɛɛ nɛ saa ʋ jaŋ wuo ŋaa Devit nihi-lɩɛrɛ dʋndʋŋa?”

Rom Tɩŋŋaa 15:12

Azaaya bɩra bʋl ŋ-la nɛ: “Jesi doho nɩaa dɔŋɔ jaŋ kɔ. Ʋ nɛ jaŋ sii a beŋ nɩalɩŋ sɩ bɩ Juu tɩŋŋaa ŋaa. Ba jaŋ joŋ ba yɩɛlaa hɛ ʋ lɛ.”

Rom Tɩŋŋaa 9:5

Ba nɛ ŋaa la naabalɩmaba doho nɩaa Wɩa sɩ lɩɩsa. Kirisito sɩ bɩrɩmɛ nuhuobiiŋ, ʋ ma fa ŋaa la naabalɩmaba doho nʋʋ nɛ. Má leŋ dɩ la dɛnnɛ Wɩa, a kaa mʋ wuu, bɛɛ wɩaa ʋ nɩɩ beŋ kʋŋkala. Amɩɩ.

2 Pɩɩta 1:19

Wɩaa deemba leŋe la wasa laa wɩalɩŋ Wɩa wʋlaabʋllaa ma fa sɩ bʋla dii nɛ. Má jegile nɩɩba, bɛɛ wɩaa wɩalɩŋ ba sɩ bʋla nagɛ chaanɩŋ nɛ a chaanɛ birimiŋ tʋɔŋ. Ʋ jaŋ chaanɛ ŋɩɩ halɩɩ a mʋ yi bʋa-la lɛ Yesu Kirisito pʋlʋmʋŋ sɩ jaŋ chaanɛ ma tʋɔŋ lɛ, a nagɛ nanyʋɔlʋŋ sɩ yie chaanɛ ŋɩɩ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 2:11

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii aa hilimi lee-na kala Esia lɛ. Nɩɩ-la kala sɩ wuo yuo dii Sɩtaanɩ, dɩ ʋ nɛ sʋba, ʋ bɩ jaŋ jʋʋ Wɩa nyiniŋ.

Jɔɔŋ Wʋnaalaa 2:17

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ. Nɩɩ-la kala sɩ yuo dii Sɩtaanɩ, mɩ jaŋ joŋ kʋdiile-la sɩ faa Wɩa-jaŋ lɛ a pʋ, a joŋ tabɩɩ-pʋla ma a pʋ. Mɩ jaŋ ŋmʋnsɛ yɩrɩ-falɩŋ a hɛ tabɩɩ-la lɛ. Yɩrɩ-la nʋʋkala bɩ jaŋ jɩmʋ, see nɩɩ-la sɩ laa tabɩɩ-la dʋndʋŋa.”

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,

Jɔɔŋ Wʋnaalaa 22:11

Ŋɩɩ wɩaa má leŋ dɩ nɩbɔŋŋɔɔ kɛŋ ŋɩɩ naaŋ lɛ a ŋɩŋaa wʋbɔŋŋɔɔ, dɩ nɩalɩŋ sɩ kɛŋ disiniŋ ma kɛŋ ŋɩɩ naaŋ lɛ a ŋɩŋaa disiniŋ, dɩ nɩzɔŋŋɔɔ ma kɛŋ ŋɩɩ naaŋ lɛ a ŋɩŋaa wʋzɔŋŋɔɔ, dɩ tʋɔpʋl tɩŋŋaa ma kɛŋ ŋɩɩ naaŋ lɛ a ŋɩŋaa tʋɔpʋl wɩaa.”

Jɔɔŋ Wʋnaalaa 22:20

Nɩɩ-la sɩɩ dagɛ wɩaa deemba sɩ, “Wʋtɩtɩɩ, mɩɩ kɔ nɛ lɛɛlɛ.” Amɩɩ, kɔ, La Tɩɩna Yesu.

Jɔɔŋ Wʋnaalaa 22:6

Ŋɩɩ nɛ Wɩa tɩndaarʋ-la bɩra bʋla pɩmɛ, “Wɩaa deemba ŋaa wʋtɩtɩɩba nɛ a magɛ dɩ nɩaa laaba dii. La Tɩɩna Wɩa, Nɩɩ-la sɩ joŋ ʋ Dɩŋ-zɔmʋŋ a hɛ ʋ wʋlaabʋllaa nɛ tɩŋ ʋ tɩndaara dɩ ʋ kʋ bʋl wɩalɩŋ sɩ jaŋ ŋaa lɛɛlɛ a pɩ ʋ tɩntɩnnaa.”

Jɔɔŋ Wʋnaalaa 3:13

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ.

Jɔɔŋ Wʋnaalaa 3:22

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi lee-kala Esia tinteeŋ lɛ.

Jɔɔŋ Wʋnaalaa 3:6

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ.

Jɔɔŋ Wʋnaalaa 5:5

Ŋɩɩ nɛ nɩhɩasɩ-la mara arɩ banɛsɛ-la dɔŋɔ bʋla pɩmɛ, “Sɩ́ yel, bee na nɩɩ-la ba sɩɩ yɩrɛ Juda nɩaa tʋɔŋ Naachigiŋ, ʋ lɩɩ Devit doho nɩaa tʋɔŋ nɛ, ʋ yuo dii Sɩtaanɩ nɛ. Ʋ kɛŋ doluŋ ʋ sɩ jaŋ lɛrɛ kɩalɩŋ balɩpɛ-la ba sɩ kaa mɛrɛ teŋ-la aŋ suru.”