Jɔɔŋ Wʋnaalaa 22:15 - WƖA TENIŊ

¹⁵ Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.

Jɔɔŋ Wʋnaalaa 22:15 ပူးပေါင်းရင်းမြစ်များ

1 KUOROO 22:8

Iziral kuoro Ahab bʋla pɩ Jehosafat, “Nʋʋ dɔŋ ha hɛ nɩmɛ la sɩ jaŋ wuo to ʋ lɛ a pɩɛsɛ La TƖƖNA na. Ʋ yɩrɩŋ nɛ Mɩkaaya, a ŋaa Imila nanʋala. Ama mɩ bɛrʋ nɛ, bɛɛ wɩaa ʋ ha bɩ wʋzɔŋ kala bʋla pɩmɛ Wɩa doluŋ lɛ, see wʋbɔŋ.” Ŋɩɩ nɛ Jehosafat bʋl, “Kuoro, sɩ́ ŋɩɩ bʋl.”

NAMAGABA 12:22

La Tɩɩna bɛrɛ wʋnyɩɛraa nɛ woruŋ, ama ʋ cho nɩalɩŋ sɩ kɛŋ wʋtɩtɩɩ.

NAMAGABA 7:27

Ʋ dɩa ŋaa sʋʋŋ bʋa wombiiŋ nɛ a mʋmʋ lɛlɛɛ-jaŋ.

AZAAYA 47:12

Ha fɩɛsɛ sɩɩ a ŋɩŋaa ŋ chichiribi wɩaa, a kɛŋ daalusuŋ nyɩsa kɩkɛsɛ nɩaa arɩ ŋɩɩ ŋ fa sɩɩ ŋaa ŋ hambiiriŋ kala lɛ. Kapo ba jaŋ pɛ ŋ lɛ a fugusi nʋʋ dɩ fawʋllʋŋ kɛnʋ.

AZAAYA 47:9

Wɩaa deemba kala jaŋ guu ŋaa ŋ lɛ tapʋl bala. Ŋ biiriŋ jaŋ lɛl, ka dɩ ŋ pɛ nagɛ yo-haal ma, arɩ ŋ sɩ kɛŋ jɩma arɩ ŋ chichiribiŋ ma kala.

AZAAYA 57:3

Ama ma nɩaa deemba nagɛ vʋgʋraa, arɩ nɩlɩɩlɩŋ arɩ bachɔrʋmɔɔ arɩ hachɔrʋmɔɔ nɛ!

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

Matiu 7:6

Má sɩ́ Wɩa kɩaa joŋo pɩ nuhuobiiŋ-vasɩŋ, a sɩ́ ma kʋzɔŋŋɔɔ joŋo bil nuhuobiiŋ-toonuŋ sɩpaaŋ. Dɩ ma nɛ ŋaa ŋɩɩ, ba jaŋ nʋɔsɛba arɩ naasɩŋ aŋ to ma harɩŋ a dɩmma.

Matiu 8:12

Ama nɩalɩŋ fa sɩ maga dɩ ba hɛ Wɩa kuorii-la lɛ aŋ bɩ jʋa, ba jaŋ jomba yuo ta jeeŋ harɩŋ dɩ ba hɛ birimiŋ tʋɔŋ a pɩna yiyel aŋ dɩdɩŋ ba nyɩlaa.”

Jɔɔŋ 8:46

Ma kʋbɛɛ nɛ jaŋ wuo dagɛ arɩ mɩ ŋaa wʋbɔŋ? Dɩ mɩ nɩɩ bʋl wʋtɩtɩɩ, bɛɛ nɛ saa tɩɩ ma bɩ mɩ wɩaa laa dii?

Tɩntɩŋŋaa 8:11

Ʋ sɩ ŋaa wʋkpuŋkperisiŋ deemba nɩaa na ʋ diene, ŋɩɩ nɛ tɩɩ nɩaa joŋ ba nyuŋ kala hɛ ʋ wʋŋaalaa lɛ.

MOSIS BƖRA WULLI WƖA WOMBIIŊ 23:18

Ma pɔ má sɩ́ haal koo baal sɩ ŋaa wʋchɔrʋŋ a dʋa kʋŋ kaa kʋ jʋʋ ma TƖƖNA Wɩa dɩa a lɩɩsɛ niiŋ, bɛɛ wɩaa ma TƖƖNA Wɩa ka kɩsɛ wʋdosunu-la nɛ.

Fɩlɩpa Nɩaa 3:2

Má pɔ ma tɩtɩa lɛ arɩ nɩalɩŋ sɩɩ ŋaa wɩaa a nagɛ vasɩŋ sɩɩ ŋaa ŋɩɩ, nɩalɩŋ sɩɩ ŋaa wʋbɔŋŋɔɔ, nɩalɩŋ sɩ pɛsɛ ma lɛ dɩ ma keri ma penee.

Koloosi Nɩaa 3:6

Wɩa jaŋ dɔgɩsɛ nɩalɩŋ [sɩ bɩ ʋ niiŋ sɛyɛ] aŋ ŋɩŋaa wɩaa deemba.

1 Timoti 1:10

Ba bɩra ŋmʋnsɛ wɩaa deemba a pɩ balɩɩlɩŋ arɩ halɩɩlɩŋ nɛ, arɩ baala-la sɩ gɔllɔ tuu ba dɔŋɔba bʋbʋɔ-niiree, arɩ nɩalɩŋ sɩ gɔllɔ paa nɩaa biiriŋ a kaa faa lɛl. Ba bɩra ŋmʋnsɛ wɩaa deemba a pɩ wʋnyɩɛraa arɩ dansɩa wʋnyɩɛraa, arɩ nɩalɩŋ sɩ bɩ Wɩa wʋtɩtɩɩ-la ka to.

Jɔɔŋ Wʋnaalaa 18:23

Chaanaa ma bɩra bɩ jaŋ chaanɛ ʋ tʋɔŋ. Baalaa arɩ haalaa bɩra bɩ jaŋ jaa dɔŋɔ ʋ lɛ. Babɩlɔŋ bayalaa nɛ fa ŋaa nɩbalaa dʋnɩa deeŋ lɛ. Ʋ kɛŋ ʋ chichiribi wɩaa a nyɩsɛ dʋnɩa nɩaa kala.

Jɔɔŋ Wʋnaalaa 21:27

Ama kʋŋkala sɩ kɛŋ disiniŋ, koo nɩɩ-la kala sɩ ŋaa nɩbɔŋ, koo wʋnyɩɛrʋ kala bɩ jaŋ jʋʋ taŋ-la, see nɩalɩŋ Pie-bie-la sɩ ŋmʋnsɛ ba yɩraa hɛ mɩɩsɩŋ teŋ-la lɛ nɛ jaŋ jʋʋ nɩmɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”