Jɔɔŋ Wʋnaalaa 22:12 - WƖA TENIŊ

¹² Yesu sɩ, “Má bee na, mɩ jaŋ kɔ lɛɛlɛ, mɩ jaŋ kʋ tiŋ nʋʋkala. Nʋʋkala sɩ tɩma magɛ ŋɩɩ, ŋɩɩ tɩtɩa nɛ ʋ jaŋ laa ʋ time.

Jɔɔŋ Wʋnaalaa 22:12 ပူးပေါင်းရင်းမြစ်များ

JOB 34:11

Ʋ yie joŋ nuhuobiine wʋŋaalaa chɩmɩŋ timu nɛ, a timu a magɛ ŋɩɩ ʋ mɛlɛ sɩ naga.

WƖA YƖƖLAA 28:4

Joŋ ba wʋŋaalaa arɩ ba tɩntɩŋ-bɔmɔ-la ba sɩ tɩma chɩmɩŋ a tiŋ ba lɛ. Joŋ ba wʋŋaalɩa-la chɩmɩŋ tiŋ ba lɛ. Timba magɛ ŋɩɩ ba sɩ maga dɩ ba laa.

AZAAYA 40:10

La TƖƖNA Wɩɩjarɩbakɔ nɩɩ kɔ arɩ ʋ doluŋ, dɩ ʋ beŋ ʋ nɩaa. Ʋ pɛ kori ʋ time kaa kɔ nɛ: Nɩalɩŋ ʋ sɩ laa ta. Ʋ dɩ nɩalɩŋ ʋ sɩ laa ta nɩɩ kɔ.

AZAAYA 62:11

La TƖƖNA heele bʋla pɩ dʋnɩa sɛmɛ na-kala nɛ a bʋl, “Má bʋla pɩ Jerusalɛm nɩaa arɩ ba Laataara ka kɔ nɛ dɩ ʋ laa ba ta. Ʋ pɛ kori kʋ-la ʋ sɩ jaŋ kaa kʋ timba nɛ. Ʋ dɩ nɩalɩŋ dɔnsʋŋ ʋ sɩ laa ta nɩɩ kɔ.”

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

ZEFANAAYA 1:14

La TƖƖNA tapʋl-bal-la kpaga nɛ, ʋ kpaga nɛ a kʋkɔ lɩma lɩma. Má jegile nɩɩ, La TƖƖNA tapʋlɩɩ-la nɩaa jaŋ ŋmoo niiŋ bagɛ-bagɛ, laalɩyuori wajɩa ma jaŋ paala ŋmoo niiŋ.

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Rom Tɩŋŋaa 14:12

Bʋa-la lɛ la nʋʋkala jaŋ dagɛ wɩalɩŋ kala ʋ sɩ ŋaa a pʋ.

1 Kɔrɩntɩ Nɩaa 3:14

Dɩ nyiŋ-la nɛ kɔ aŋ bɩ wuo dii kɩalɩŋ nʋʋkala sɩ kaa saa dɩa-la, ʋ tɩɩna jaŋ laa ʋ time.

1 Kɔrɩntɩ Nɩaa 3:8

Nɩɩ-la sɩ duu kʋdoho-la arɩ nɩɩ-la sɩ ŋaa lɩɩŋ mɩsɛ, ba kala tɩma magɛ dɔŋɔ nɛ. Wɩa jaŋ tiŋ nʋʋkala a magɛ ŋɩɩ ʋ sɩ tɩŋ ʋ tɩntɩmɩɩ-la magɛ.

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

Jɔɔŋ Wʋnaalaa 20:12

Ŋɩɩ nɛ ka mɩ na nɩalɩŋ sɩ sʋba, nɩhɩasɩŋ arɩ hambiisiŋ kala, dɩ ba chɩŋ kuoru kpasa-la sɩpaaŋ. Ŋɩɩ nɛ ba suri tenniŋ, a bɩra suri teniŋ dɔŋɔ ma, mɩɩsɩŋ teniŋ nɛ ŋɩɩ. Tenni-la lɛ nɛ ba ŋmʋnsɛ nʋʋkala sɩ hɛ dʋnɩa lɛ wʋŋaalaa hɛ, ba lɛ nɛ ba to a dii nʋʋkala sɩ sʋba sarɩya.

Jɔɔŋ Wʋnaalaa 22:20

Nɩɩ-la sɩɩ dagɛ wɩaa deemba sɩ, “Wʋtɩtɩɩ, mɩɩ kɔ nɛ lɛɛlɛ.” Amɩɩ, kɔ, La Tɩɩna Yesu.

Jɔɔŋ Wʋnaalaa 22:7

Yesu sɩ, “Má bee na, mɩ jaŋ kɔ lɛɛlɛ. Nɩalɩŋ sɩɩ to wɩalɩŋ ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ, Wɩa jaŋ pɛ ba lɛ.”

Jɔɔŋ Wʋnaalaa 3:11

Mɩɩ kɔ nɛ lɛɛlɛ. Má faasa kɛŋ kʋ-la ma sɩ kɛnɛ, dɩ nʋʋkala sɩ́ kuori-nyunchuul-la sɩ ŋaa ma time kaa laa ma teeŋ.