Jɔɔŋ Wʋnaalaa 22:11 - WƖA TENIŊ

¹¹ Ŋɩɩ wɩaa má leŋ dɩ nɩbɔŋŋɔɔ kɛŋ ŋɩɩ naaŋ lɛ a ŋɩŋaa wʋbɔŋŋɔɔ, dɩ nɩalɩŋ sɩ kɛŋ disiniŋ ma kɛŋ ŋɩɩ naaŋ lɛ a ŋɩŋaa disiniŋ, dɩ nɩzɔŋŋɔɔ ma kɛŋ ŋɩɩ naaŋ lɛ a ŋɩŋaa wʋzɔŋŋɔɔ, dɩ tʋɔpʋl tɩŋŋaa ma kɛŋ ŋɩɩ naaŋ lɛ a ŋɩŋaa tʋɔpʋl wɩaa.”

Jɔɔŋ Wʋnaalaa 22:11 ပူးပေါင်းရင်းမြစ်များ

JOB 17:9

Ama tʋɔpʋl tɩŋŋaa ha jaŋ chɩŋ ba tʋɔpʋl wʋŋaalaa naaŋ lɛ. Nɩalɩŋ sɩ bɩ wʋbɔŋŋɔɔ ka ŋaa doluŋ jaŋ pʋŋa pɩpɛ.

WƖA YƖƖLAA 81:12

Ŋɩɩ nɛ tɩɩ mɩ lemba ta ba ŋɩŋaa ba nyu-duo wɩaa, a tuto ba tʋɔbɩɩnaa harɩŋ.

NAMAGABA 14:32

Nɩbɔmʋŋ sɩɩ ŋaa wʋbɔmɔ-la nɛ yie yigu lo, ama tʋɔpʋl tɩɩna-na yie na leriŋ nɛ a yuori, a tɩŋ tʋɔpʋl wɩalɩŋ ʋ sɩɩ ŋaa wɩaa.

NAMAGABA 4:18

Tʋɔpʋl tɩŋŋaa wombiiŋ nagɛ taŋ sɩ pʋlaa kɔ leriŋ pʋpʋllɛ nɛ, a pʋllɛ ŋɩɩ a mʋ yi bʋa-la lɛ leriŋ sɩ chaasa pʋlla dɛrɛ.

TƖƖCHA 11:3

Dɩ duonuŋ nɛ tɩna dɛrɛ, ʋ yie nɩɩ nɛ. Sɛmɛ na-kala tɩa sɩ tele, nɩmɛ nɛ ʋ yie pɩŋ, dɩ wɩɩpɔsʋŋ nadiiŋ nɛ koo dɩ wɩɩpɔsʋŋ nagʋa nɛ.

ƐZƖKƖƐL 3:27

Ama dɩ bʋa dɔŋ nɛ kʋ yi, mɩ jaŋ bʋl wɩaa pɩŋ, a bɩra suri ŋ niiŋ dɩ ŋ wuo bʋbʋl wɩaa, a bʋl wɩalɩŋ mɩ-na ba TƖƖNA Wɩɩjarɩbakɔ sɩ bʋla a pɩba. Nɩalɩŋ dɔnsʋŋ jaŋ jegile nɩɩ, ama dɔnsʋŋ ma bɩ jaŋ jegile nɩɩ, bɛɛ wɩaa ba ŋaa nɩa sɩ vɩa mɩ niiŋ nɛ.”

DANƖƐL 12:10

Wɩa jaŋ chɛsɛ nɩ-daŋ a pɩɩsɛ ba disiniŋ ta, dɩ ba zɔŋ. Ama nɩbɔŋŋɔɔ ha jaŋ ŋɩŋaa wʋbɔŋŋɔɔ. Nɩbɔmɔ-la kʋŋkala bɩ jaŋ jɩŋ wɩaa sɩaa, ama nɩalɩŋ sɩ kɛŋ wʋjɩmɩŋ jaŋ jɩŋ ba sɩaa.

Matiu 15:14

Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.”

Matiu 21:19

Ʋ na tutogo dɩ ʋ chɩŋ ʋ sɩpaaŋ wombiiŋ niiŋ. Ʋ mʋ yi tutogo-la bʋbʋɔŋ a wʋla beŋ dɩ nɛnɛɛ tuo, see pɩpaarɩŋ. Ŋɩɩ nɛ ʋ bʋl tɩa-la lɛ, “A lɩɩ jɩnɩŋ a kaa mʋmʋ, ŋ bɩra bɩ jaŋ nɛŋ.” Tɩa-la guu sʋʋ.

Matiu 25:10

Ŋɩɩ nɛ ba mʋ dɩ ba yɔɔ. Ba sɩ mʋa dɩ ba yɔɔ nʋʋ-la, ha-falɩŋ bala-la kɔ. Haala-la banɔŋ fa sɩ ŋaa siri, ba to ʋ harɩŋ a jʋʋ hajaarɩ gbiele-la leriŋ, ka ba kɛŋ boiŋ tɔ.

Matiu 5:45

Dɩ ma nɛ ŋaa ŋɩɩ, ma jaŋ wuo ŋaa ma Nyɩmma Wɩa sɩ hɛ Wɩa-jaŋ biiriŋ. Ʋ leŋe Wɩa pɔsɛ hɩhɛ nɩbɔŋŋɔɔ arɩ nɩzɔŋŋɔɔ kala lɛ nɛ a leŋ duonuŋ nɩɩ pɩpɩ nɩzɔŋŋɔɔ arɩ nɩbɔŋŋɔɔ kala.

Matiu 5:6

Wɩa jaŋ pɛ nɩalɩŋ sɩ faasa chɩchɛ tʋɔpʋla a nagɛ losuŋ koo lɩɩnyʋasʋŋ sɩ kɛŋ nɩaa ba chɩchɛ kʋdiilee koo lɩɩŋ ŋɩɩ. Wɩa jaŋ leŋ dɩ ba kɛŋ tʋɔpʋla.

Jɔɔŋ 8:21

Ŋɩɩ nɛ Yesu bɩra bʋla pɩ nɩalɩŋ, “Mɩ jaŋ viiri, ma jaŋ chɛ mɩ ka, ma saa jaŋ sʋʋ arɩ ma wʋbɔŋŋɔɔ. Lee-la mɩ sɩɩ mʋ, ma bɩ jaŋ wuo mʋ nɩmɛ.”

Ɛfɛsɩs Nɩaa 5:27

Ʋ ŋaa ŋɩɩ dɩ nɩalɩŋ sɩ laa ʋ wɩaa dii aa hilimi, dɩ ba wuo zɔŋ kɩŋkɛŋ, a sɩ́ disiŋ koo wʋcheeli kala kɛŋ, dɩ wʋbɔŋ kala sɩ́ ba lɛ lagɩsʋ, a sɩ́ nyɔɔ kala kɛŋ.

Koloosi Nɩaa 1:22

Ama lɛɛlɛ Wɩa ŋaa ma dɩ ʋ sɩŋ nɛ a tɩŋ Kirisito sʋʋŋ wɩaa, dɩ ʋ kɛmma kaa kɔ Wɩa sɩpaaŋ arɩ tʋɔpʋla, dɩ ma sɩ́ disiniŋ kɛŋ a sɩ́ wʋcheeli ma kɛŋ.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.

Jɔɔŋ Wʋnaalaa 16:21

Ka duoŋ-tabɩɩ-balaa sɩ faasa yuŋ kɩŋkɛŋ a nagɛ nɔmbiee lɩɩ wɩa-nyuŋ kʋ tuu yɩyagɛ nɩaa. Ŋɩɩ nɛ nɩaa tʋʋsɛ Wɩa joŋŋoo a tɩŋ duoŋ-tabɩa-la wɩaa. Wɩɩ-la fa ŋaa wʋlɔrʋ nɛ woruŋ.

Jɔɔŋ Wʋnaalaa 22:3

Kʋŋ na-kala lɛ Wɩa sɩ ŋmɩɛsa hɛ bɩ jaŋ hɛ tabal-la tʋɔŋ. Wɩa kuoru kpasa arɩ Pie-bie-la kpasa jaŋ hɛ lee-la, ka ʋ tɩntɩnnaa chʋɔlʋ.