Jɔɔŋ Wʋnaalaa 22:1 - WƖA TENIŊ

¹ Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,

Jɔɔŋ Wʋnaalaa 22:1 ပူးပေါင်းရင်းမြစ်များ

WƖA YƖƖLAA 46:4

Fuo kʋbala nɛ hɛ nɩmɛ, ʋ naakelee yie leŋ Wɩa tabalɩŋ nɩaa tʋɔŋ tɔrɛ, lee-la sɩ bɩ disiniŋ kɛnɛ Wɩa sɩ kɩɩ kʋŋkala jʋjʋʋ.

AZAAYA 41:18

Mɩ jaŋ leŋ dɩ fuonuŋ pɩŋ dundol-hɩlaa nyuŋ, aŋ ŋaa dɩ lɩɩ-bul sɩaa pɩpɛllɛ fuonaasɩŋ lɛ. Tintee-hɩlɩŋ jaŋ bɩrɩmɛ fuonuŋ lee, dɩ lɩɩ-bul sɩaa bubul tinteeŋ ma sɩ hɩla lɛ.

AZAAYA 48:18

Dɩ ma nɛ fa jegile nɩɩ wɩalɩŋ mɩ sɩ dagɛma, a kɛmba tɩŋ, wɩaa fa jaŋ vɛŋ woruŋ pɩma a nagɛ fuoŋ sɩ suo a pɩpɛllɛ.

AZAAYA 66:12

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ fɩɛlɩŋ hɛ Jerusalɛm lɛ, a nagɛ fuoŋ lɩɩŋ sɩ bɩ hʋ. Mɩ jaŋ leŋ dɩ tinteyee dʋa kala ŋaa ʋ kɩaa a su leriŋ a nagɛ fuoŋ lɩɩŋ sɩ suo a pɛllɛ lɩlɩɩ. Ʋ jaŋ dɩɛsɛma a nagɛ naaŋ sɩ yie dɩɛsɛ ʋ bie ŋɩɩ a paama kori a jomma holli ʋ naasɩŋ lɛ.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

ZƐKARƖYA 14:8

Tapʋlɩɩ-la, lɩɩŋ sɩɩ pa mɩɩsɩŋ jaŋ pɛllɛ lɩɩ Jerusalɛm lɛ, kpaa magɛ dɔŋɔ jaŋ pɛllɛ mʋ wɩɩpɔsʋŋ dɩɩrɩŋ mʋgʋ-balɩŋ, dɩ kpaa magɛ dɔŋɔ ma pɛllɛ mʋ wɩɩjʋʋlʋŋ dɩɩrɩŋ mʋgʋ-balɩŋ, yibiiniŋ arɩ tafaaŋ kala.

Jɔɔŋ 13:32

Mɩ sɩ jaŋ dagɛ Wɩa doluŋ sɩ magɛ ŋɩɩ, ŋɩɩ nɛ Wɩa ma jaŋ dagɛ mɩ-na Nuhuobiine Bie doluŋ sɩ maga. Ʋ jaŋ ŋaa ŋɩɩ lɩma.

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Tɩntɩŋŋaa 2:33

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, a bɩra pʋ ʋ Dɩŋ-zɔmʋŋ arɩ ʋ fa sɩ bʋl ŋɩɩ. Dɩŋ-zɔmʋŋ deeŋ Yesu sɩ joŋo hɛ la lɛ jɩnɩŋ, ʋ nɛ wɩalɩŋ ma sɩɩ na a nɩnɩɩ ma.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 21:11

Wɩa tʋla chaana hɛ taŋ-la lɛ, ʋ tʋtʋl a nagɛ tabɩɩ-tʋlaa, a bɩra nagɛ tabɩɩ-la ba sɩɩ yɩrɛ jasɩpa, a tʋtʋl a nagɛ beenantɩrɛ.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 21:9

Ŋɩɩ nɛ Wɩa tɩndaaraa balɩpɛ-la sɩ kori gbansɩŋ balɩpɛ-la sɩ suo arɩ dɩdɛrɩŋ wʋbɔmɔ-la balɩpɛ kʋ bʋla pɩmɛ, “Kɔ dɩ mɩ dagɩŋ haal-la Pie-bie-la sɩ jaŋ jaa.”

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

Jɔɔŋ Wʋnaalaa 22:6

Ŋɩɩ nɛ Wɩa tɩndaarʋ-la bɩra bʋla pɩmɛ, “Wɩaa deemba ŋaa wʋtɩtɩɩba nɛ a magɛ dɩ nɩaa laaba dii. La Tɩɩna Wɩa, Nɩɩ-la sɩ joŋ ʋ Dɩŋ-zɔmʋŋ a hɛ ʋ wʋlaabʋllaa nɛ tɩŋ ʋ tɩndaara dɩ ʋ kʋ bʋl wɩalɩŋ sɩ jaŋ ŋaa lɛɛlɛ a pɩ ʋ tɩntɩnnaa.”

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.

Jɔɔŋ Wʋnaalaa 5:13

Ŋɩɩ nɛ ka mɩ nɩɩ kɩalɩŋ kala sɩ hɛ Wɩa-jaŋ, arɩ kɩalɩŋ kala sɩ hɛ dʋnɩa lɛ, arɩ kɩalɩŋ sɩ hɛ lɛlɛɛ-jaŋ, arɩ kɩalɩŋ kala sɩ hɛ mʋgʋ-balɩŋ tʋɔŋ, arɩ kʋŋ na-kala sɩ hɛ nɩmɛ dɩ baa yɩɩ yɩɩlaa aa bʋl, “Nɩɩ-la sɩ hɔŋ kuoru kpasa-la nyuŋ arɩ Pie-bie-la, ba nɛ maga la dɛnnɛ, a zilba a yɩrɛ ba yɩrɩŋ. Ba nɛ kɛŋ doluŋ a kaa mʋ wuu.”

Jɔɔŋ Wʋnaalaa 5:6

Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”