Jɔɔŋ Wʋnaalaa 21:8 - WƖA TENIŊ

⁸ Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 21:8 ပူးပေါင်းရင်းမြစ်များ

NAMAGABA 19:5

Ba bɩ jaŋ leŋ wʋnyɩɛrɩ wʋpɛ-naara pɛɩ. Nɩɩ-la kala sɩɩ nyɩɛ wɩaa bɩ jaŋ fori.

NAMAGABA 19:9

Ba bɩ jaŋ leŋ wʋnyɩɛrɩ wʋpɛ-naara pɛɩ. Nɩɩ-la kala sɩɩ nyɩɛ wɩaa jaŋ lɛl.

AZAAYA 51:12

La TƖƖNA sɩ, “Mɩ-na nɛ Nɩɩ-la sɩ nyagɛ ma bɔyɛ. Ka ma mɩɩra fɩfá nuhuobiine sɩɩ sʋʋ a nagɛ yaŋ a bɩ dɩ-pɛsɩɩ kala kɛnɛ.

AZAAYA 57:11

Kʋbɛɛ nɛ ma fɩfá, a bɩ wʋtɩtɩɩ kɛnɛ mɩ teeŋ, a bɩ mɩ wɩaa ka liisi? Mɩ sɩ tɔrɛ mɩ niiŋ a dieni kɩŋkɛŋ wɩaa nɛ tɩɩ ma bɩ mɩ ka fá koo?

AZAAYA 9:15

Ba nɩhɩasɩŋ arɩ ba nɩbala-la nɛ ŋaa nyuŋ-la, Wɩa wʋlaabʋlla-la ma sɩɩ nyɩɛ wɩaa nɛ ŋaa bʋbʋɔ-doho-la.

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

Matiu 10:28

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Matiu 25:25

Ŋɩɩ nɛ tɩɩ mɩ fɩfáŋ a joŋ moribie-la a hugi tinteeŋ dɩ ŋ kɔ. Laa ŋ moribiee.’

Matiu 8:26

Ŋɩɩ nɛ Yesu pɩɛsɛba, “Bɛɛ nɛ tɩɩ fawʋllʋŋ kɛmma? Ma Wɩa laa diiniŋ bɩ yʋgɛ.” Ŋɩɩ nɛ ʋ sii kpɩa pel-la lɛ aŋ bʋla pɩ fuo-la ma dɩ ʋ fɩɛla pɩŋ, leriŋ kala guu ŋaa fʋɩɩ.

Maak 9:44

Lee-la nanchʋɔlaa jaŋ dii ŋ yaraa deeŋ deeŋ ba bɩ jaŋ sʋʋ, ka nyiŋ-la ma bɩ jaŋ dɩsɛ.]

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

MOSIS BƖRA WULLI WƖA WOMBIIŊ 20:8

Laalɩyuori-hɩasɩ-la jaŋ bɩra pɩɛsɛ, “Ma kʋŋ hɛ nɩmɛ ʋ nandaasɩŋ yʋɔrɛ koo fawʋllʋŋ kɛnʋ? Ʋ tɩɩna mɩɩra mʋ dɩa, dɩ ŋɩɩ dee ʋ naambiiri-la ma nandaasɩŋ jaŋ yʋɔrɛ.”

2 Tɛsalonaaka Nɩaa 2:9

Wʋbɔŋŋɔɔ kuoro jaŋ kɛŋ Sɩtaanɩ doluŋ a kɔ. Ʋ jaŋ nyɩsɛ nɩaa arɩ wʋmagɩlaa arɩ wʋkpuŋkperisiŋ.

1 Timoti 4:2

Ba fugo dɩdagɛ Wɩa wɩaa nɛ, ama ba ŋaa wʋnyɩɛra nɛ. Ba ŋaa tʋɔ-togi tɩmma nɛ.

Taatɩs 1:16

Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.

Hiburu TƖŊŊAA 12:24

Ma kɔ Yesu ma teeŋ nɛ. Ʋ nɛ hɛ Wɩa arɩ nuhuobiine pɛgɛ. Wɩa to ʋ lɛ nɛ a bil nii-falɩŋ ʋ dɩ nuhuobiinee pɛgɛ. Ʋ chalɩŋ jaasɛ nʋʋkala wɩaa nɛ. Ʋ chal-la-na faasa tɩŋ nɛ a pɛ la lɛ. Ʋ bɩ Ebil chalɩŋ naga. Ebil chalɩŋ-na fa joŋ cheeriŋ pɩ nɩɩ-la sɩ kpʋʋ nɛ.

Hiburu TƖŊŊAA 13:4

Ma nɩalɩŋ sɩ jaa dɔŋɔ, má kɛŋ dɔŋɔ woruŋ a sɩ́ wʋlɩɩlɩŋ ŋaa, bɛɛ wɩaa Wɩa jaŋ dii nɩalɩŋ sɩɩ ŋaa bachɔrʋŋ arɩ hachɔrʋŋ wɩaa sarɩya, a pɛ nɩalɩŋ sɩɩ ŋaa wʋlɩɩlɩŋ lɛ.

1 Jɔɔŋ 2:22

Kʋbɛɛ nɛ saa ŋaa wʋnyɩɛrɩ tɩɩna? Nɩɩ-la sɩ sɩ Yesu dee bɩ Kirisito ŋaa, Nɩɩ-la Wɩa sɩ lɩɩsa, ʋ nɛ ŋaa wʋnyɩɛrɩ tɩɩna. Nɩɩ-la nɛ ŋaa Kirisito dʋndɔŋ-balɩŋ, bɛɛ wɩaa ʋ nɛ vɩa la Nyɩmma Wɩa arɩ ʋ Bie Yesu.

1 Jɔɔŋ 3:15

Nɩɩ-la kala sɩ bɛrɛ ʋ dɔŋɔ tɩɩna, ʋ ŋaa nɩkpʋʋrʋ nɛ. Mɩɩsɩ-la sɩ bɩ dɩdɛrɩŋ kɛnɛ, ma jɩma arɩ nɩkpʋʋra bɩ ʋ kɛnɛ.

1 Jɔɔŋ 5:10

Nɩɩ-la kala sɩ laa Wɩa Bie wɩaa dii, ʋ tɩɩna jɩma ʋ tʋɔŋ lɛ arɩ wɩalɩŋ Wɩa sɩ bʋla a tɩgɛ ʋ lɛ ŋaa wʋtɩtɩɩ nɛ. Ama nɩɩ-la kala sɩ bɩ Wɩa laa dii, ʋ kɛŋ Wɩa yɩyɩrɛ wʋnyɩɛrʋ nɛ, bɛɛ wɩaa ʋ bɩ wɩɩ-la ʋ sɩ bʋla a tɩgɛ ʋ Bie lɛ laa dii.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 2:11

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii aa hilimi lee-na kala Esia lɛ. Nɩɩ-la kala sɩ wuo yuo dii Sɩtaanɩ, dɩ ʋ nɛ sʋba, ʋ bɩ jaŋ jʋʋ Wɩa nyiniŋ.

Jɔɔŋ Wʋnaalaa 2:2

Mɩ jɩŋ wɩalɩŋ kala ma sɩ ŋaa nɛ. Mɩ na ŋɩɩ ma sɩ tɩma arɩ sɩɩfɩɛsɩŋ nɛ, a dii kenyiri wɩɩkala lɛ. Mɩ jɩma ma dɩ nɩbɔŋŋɔɔ bɩ dɔŋɔ lɛ wuo. Nɩaa dɔnsʋŋ joŋ ba tɩtɩa arɩ ba ŋaa Wɩa nanzɔɔba nɛ, ama ma magɩsɛ nɩaa deemba nɛ a na dɩ baa nyɩɛ nɛ.

Jɔɔŋ Wʋnaalaa 21:27

Ama kʋŋkala sɩ kɛŋ disiniŋ, koo nɩɩ-la kala sɩ ŋaa nɩbɔŋ, koo wʋnyɩɛrʋ kala bɩ jaŋ jʋʋ taŋ-la, see nɩalɩŋ Pie-bie-la sɩ ŋmʋnsɛ ba yɩraa hɛ mɩɩsɩŋ teŋ-la lɛ nɛ jaŋ jʋʋ nɩmɛ.

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.

Jɔɔŋ Wʋnaalaa 9:17

Mɩ sɩ na laalɩyuoro-la sɩ jɩl ba janɩŋ mɩ duosoo tʋɔŋ, ŋ-la nɛ ba nagɛ: Ba bɔɩ-tɔɔrɩ gɛnnɩŋ ba sɩ yie joŋo tɔ bɔɩsɩŋ a kaa yuo laalɩŋ, ba dɔnsʋŋ faasa fɩɛsɛ nɛ, dɔnsʋŋ nagɛ diibelimbine pʋnaa, dɔnsʋŋ ma nagɛ jiribiiŋ. Janɩ-la nyusuŋ nagɛ naachigee nyusuŋ, ka nyiniŋ arɩ nyʋɔsʋŋ arɩ jiribiiŋ lɩlɩɩ ba niiriŋ lɛ.

Jɔɔŋ Wʋnaalaa 9:21

Nɩaa deemba fa bɩ bɩrɩma lɩɩ nɩaa kpʋnʋŋ lɛ, ba hɩl wɩaa lɛ, ba wʋlɩɩlɩŋ arɩ ba gaarɩŋ lɛ.

SƖPAALAARAA 7:3

Ŋɩɩ wɩaa, heele bʋla pɩ laalɩyuoroo kala, ‘Nɩɩ-la kala fawʋllʋŋ sɩ kɛnɛ, ʋ jaŋ wuo chɩŋ Gɩlɩad peel-la lɛ a mɩɩra mʋ dɩa.’ ” Ŋɩɩ nɛ nɩaa bʋɩ mara arɩ balɩa mɩɩrɛ, aŋ ka nɩaa bʋɩ fii.