Jɔɔŋ Wʋnaalaa 21:7 - WƖA TENIŊ

⁷ Nɩɩ-la kala sɩ wuo yuo dii Sɩtaanɩ jaŋ na kɩaa deemba kala. Mɩ jaŋ ŋaa ʋ Wɩa, ʋ ma jaŋ ŋaa mɩ bii.

Jɔɔŋ Wʋnaalaa 21:7 ပူးပေါင်းရင်းမြစ်များ

WƖAA DƖ-SUOMUŊ 17:8

Kɛnaŋ tinteeŋ deeŋ lɛ ŋ sɩ hɛ a ŋaa nʋhʋɔrʋ ŋ-la, mɩ jaŋ joŋu pɩ ŋ dɩ ŋ doho nɩaa dɩ ʋ ŋaa ma kʋŋ a kaa mʋ wuu dɩ mɩ ŋaa ba Wɩa.”

2 SAMƲƐL 7:14

Mɩ jaŋ ŋaa ʋ nyɩmma, dɩ ʋ ma ŋaa mɩ bie. Dɩ ʋ nɛ ŋaa wɩɩ a chei, mɩ jaŋ lɛrɛ ʋ dɩgɩlɩŋ a nagɛ nuhuobiine sɩ yie lɛrɛ ʋ bie dɩgɩlɩŋ ŋɩɩ.

WƖA YƖƖLAA 89:26

Ʋ jaŋ yɩrɛmɛ a bʋl, ‘Ŋ nɛ mɩ Nyɩmma, mɩ Wɩa, mɩ dɩ-duoŋ arɩ mɩ Laataara.’

NAMAGABA 3:35

Nɩalɩŋ sɩ kɛŋ wʋjɩmɩŋ jaŋ laa yɩrɩŋ, ama nɩyaaraa-na jaŋ dii hɩɩsɩŋ.

AZAAYA 65:9

Mɩ jaŋ leŋ dɩ Iziral arɩ Juda doho nɩaa pʋŋa pɛ a tɩɩ mɩ tintee-la sɩ kɛŋ peelee. Ba nɛ nɩalɩŋ mɩ sɩ lɩɩsa, ba ŋaa mɩ tɩntɩnnaa, ba nɛ jaŋ hɔŋ nɩmɛ.

ZƐKARƖYA 8:8

Mɩ jaŋ kɛmba mɩɩra kɔ dɩ ba hɔŋ Jerusalɛm lɛ. Ba jaŋ ŋaa mɩ nɩaa, dɩ mɩ kɛŋ wʋtɩtɩɩ arɩ tʋɔpʋla ba teeŋ a ŋaa ba Wɩa.”

Matiu 19:29

Bɩra, nɩɩ-la kala sɩ leŋ ʋ dɩɩsɩŋ koo ʋ naambiiriŋ koo ʋ nyɩmma koo ʋ naaŋ koo ʋ biiriŋ koo ʋ bagɩsɩŋ a tɩŋ mɩ wɩaa, ʋ tɩɩna jaŋ bɩra na kɩaa deemba naansɩɩŋ zɔlɔ, aŋ pɛ kɛŋ mɩɩsɩ-la sɩ bɩ dɛrɛ.

Matiu 25:21

Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-tɩtɩɩ nɛ. Ŋ hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Maak 10:17

Yesu bɩra sie dɩ ʋ vɛŋ wombiiŋ. Baal kʋbala fá kʋ kpirimi ʋ sɩpaaŋ a pɩɛsʋ, “Mɩ kʋhɩa-zɔmʋŋ, ɛɛ nɛ mɩ jaŋ ŋaa a kɛŋ mɩɩsɩ-la sɩ bɩ dɛrɛ?”

Rom Tɩŋŋaa 8:14

Nɩalɩŋ kala sɩɩ to Wɩa Dɩŋ-zɔŋ-la niiŋ wɩaa, ba ŋaa Wɩa biiriŋ nɛ.

Rom Tɩŋŋaa 8:19

Dʋnɩa kʋŋkala nɩɩ gbɛrʋ a chaarɛ sɩaa dɩ ba na bʋa-la lɛ Wɩa biiriŋ sɩ jaŋ laa yɩrɩŋ.

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

2 Kɔrɩntɩ Nɩaa 6:18

Mɩ jaŋ ŋaa ma Nyɩmma dɩ ma ma ŋaa mɩ hambolibiisiŋ arɩ mɩ toloo.” La Tɩɩna doluŋ kala Tɩɩna nɛ bʋl ŋɩɩ.

Hiburu TƖŊŊAA 8:10

La Tɩɩna bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombie-la mɩ sɩ bile dɩ ba tuto hɛ ba nyuŋ lɛ, aŋ ŋmʋnsɛba hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

1 Pɩɩta 3:9

Má sɩ́ wʋbɔŋ joŋo tiŋ wʋbɔmʋŋ chɩmɩŋ. Dɩ nʋʋ nɛ tʋʋsɛma, má sɩ́ tʋʋsa tiŋ, ama má sʋl Wɩa dɩ ʋ pɛ tɩɩna lɛ, bɛɛ wɩaa Wɩa ma lɩɩsɛma nɛ dɩ ʋ pɛ ma lɛ.

Jɔɔŋ Wʋnaalaa 2:11

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii aa hilimi lee-na kala Esia lɛ. Nɩɩ-la kala sɩ wuo yuo dii Sɩtaanɩ, dɩ ʋ nɛ sʋba, ʋ bɩ jaŋ jʋʋ Wɩa nyiniŋ.

Jɔɔŋ Wʋnaalaa 2:17

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ. Nɩɩ-la kala sɩ yuo dii Sɩtaanɩ, mɩ jaŋ joŋ kʋdiile-la sɩ faa Wɩa-jaŋ lɛ a pʋ, a joŋ tabɩɩ-pʋla ma a pʋ. Mɩ jaŋ ŋmʋnsɛ yɩrɩ-falɩŋ a hɛ tabɩɩ-la lɛ. Yɩrɩ-la nʋʋkala bɩ jaŋ jɩmʋ, see nɩɩ-la sɩ laa tabɩɩ-la dʋndʋŋa.”

Jɔɔŋ Wʋnaalaa 2:25

Ama wɩɩ-la mɩ sɩ jaŋ bʋla pɩma nɛ, má kɛŋ wʋtɩtɩɩ-la ma sɩ nɩa kpaŋ kpaŋ a mʋ yi tapʋlɩɩ-la mɩ sɩ jaŋ kɔ.

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.

Jɔɔŋ Wʋnaalaa 21:3

Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.

1 SAMƲƐL 2:8

Ʋ nɛ yie chʋʋlɛ summoo kʋŋkɔlʋŋ lɛ, aŋ kɛŋ nɩalɩŋ sɩ bɩ ba tɩtɩa lɛ wuo pɛ ta ba sii tʋɔrʋŋ nyuŋ, a leŋ ba guoli kuori-biiriŋ tʋɔŋ, a leŋ ba hɔŋ lee sɩ kɛŋ yɩrɩŋ. La TƖƖNA nɛ ŋaa tinteeŋ gentine kala, a leŋ dʋnɩa chɩŋ ʋ nyuŋ a ŋaa ʋ kʋŋ.