Jɔɔŋ Wʋnaalaa 21:6 - WƖA TENIŊ

⁶ Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 21:6 ပူးပေါင်းရင်းမြစ်များ

WƖA YƖƖLAA 36:9

Mɩɩsɩŋ kala lɩɩ ŋ teeŋ nɛ. Ŋ nɛ pʋlʋmʋŋ, ŋɩɩ leŋ la ma na pʋlʋmʋŋ.

AZAAYA 12:3

A nagɛ lɩɩnyʋasʋŋ sɩ yie kɛŋ nɩa ʋ nyʋa lɩɩzɔmʋŋ ʋ tʋɔŋ tɔrɛ ŋɩɩ, ŋɩɩ nɛ ma tʋɔŋ jaŋ tɔrɛ dɩ ʋ nɛ laama ta.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

HOSIA 14:4

La TƖƖNA sɩ, “Mɩ jaŋ vaarɛ ba dɩgɩlɩŋ-bɩnɩɩ-la sɩ hɛ ba lɛ, aŋ choba woruŋ, bɛɛ wɩaa mɩ baanɩŋ fɩɛlɛ ba nyuŋ nɛ.

JOWƐL 3:18

Bʋa-la lɛ, girep nɛnɛɛ sɩ-falɩŋ jaŋ lɩlɩɩ peelee lɛ, dɩ dundolluŋ ma pɩpɛllɛ arɩ nɛ-yɩlɩŋ. Lɩɩŋ jaŋ pɩpɛllɛ Juda fuonaa luŋie-la kala lɛ. Fuoŋ jaŋ pɛllɛ lɩlɩɩ La TƖƖNA dɩa lɛ a mʋ jʋjʋʋ fuonaa-la sɩ kɛŋ sɔjaamaa.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:11

Ŋɩɩ nɛ haal-la pɩɛsʋ, “Kʋhɩaŋ, ŋ bɩ gʋʋga kɛnɛ dɩ ŋ kaa ŋaa lɩɩŋ, ka vil-la ma luŋ. Nɩɩ lɛ nɛ saa ŋ jaŋ na lɩɩ-la sɩɩ pɩ nɩaa mɩɩsɩŋ?

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Rom Tɩŋŋaa 3:24

Ama Wɩa lahɔrɩmɔ lɛ nɛ ʋ to Yesu Kirisito lɛ a laaba ta ba kɛŋ tʋɔpʋla ʋ sɩpaaŋ. Ʋ ŋaa ŋɩɩ chɔgɩta nɛ.

Rom Tɩŋŋaa 8:32

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

1 Kɔrɩntɩ Nɩaa 2:12

La laa Wɩa Dɩŋ-zɔŋ-la nɛ. Ʋ tuo dʋnɩa deeŋ kʋŋ. Wɩa joŋ ʋ Dɩŋ-zɔŋ-la a pɩla nɛ dɩ la wuo jɩŋ kɩalɩŋ kala ʋ sɩ joŋo dii zile la lɛ.

1 Kɔrɩntɩ Nɩaa 3:12

Dɩ nʋʋ nɛ joŋ sɛlɩmɛ kaa saa dɩa-la, koo hɔpʋla, koo tabɩɩ-zɔŋŋɔɔ nɛ, koo daa-borusuŋ, koo mɔsʋŋ, koo kaha,

1 Kɔrɩntɩ Nɩaa 3:21

Ŋɩɩ wɩaa nʋʋkala saa sɩ́ ʋ bɔyɛ lɛ ŋmoo a dagɛ wɩɩ-la nuhuobiine sɩ jaŋ wuo ŋaa. Wʋtɩtɩɩ, ma nɛ tɩɩ kʋŋkala.

1 Kɔrɩntɩ Nɩaa 3:5

Kʋbɛɛ nɛ Apɔlɔs? Kʋbɛɛ nɛ Pɔɔl? La ŋaa Wɩa tɩntɩnnaa nɛ. La nɛ bʋl Wɩa wɩaa pɩma ma laa dii. La kʋŋkala tɩŋ tɩntɩmɩɩ-la La Tɩɩna Wɩa sɩ joŋo pɩla dɩ la tɩŋ nɛ.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.

Jɔɔŋ Wʋnaalaa 1:8

La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”

Jɔɔŋ Wʋnaalaa 10:6

Ŋɩɩ nɛ ʋ ŋmɩɛsɛ Wɩa, Nɩɩ-la sɩ hɛ nɩmɛ a kaa mʋ wuu, nɩɩ-la sɩ ta wɩa-nyuŋ arɩ kɩalɩŋ kala sɩ hɛ wɩa-nyuŋ, arɩ tinteeŋ arɩ kɩalɩŋ kala sɩ hɛ nɩmɛ, arɩ mʋgʋ-balɩŋ, arɩ kɩalɩŋ kala sɩ hɛ ʋ tʋɔŋ. Ʋ sɩ, “Bʋa-la yie nɛ, la bɩra bɩ jaŋ wuo kɛŋ wɩɩkala dieni.”

Jɔɔŋ Wʋnaalaa 16:17

Ŋɩɩ nɛ Wɩa tɩndaarɩ-pɛɩ-la joŋ ʋ gbaŋa tʋɔŋ kɩaa bɩsa hɛ peliŋ lɛ. Ŋɩɩ nɛ yikori-bal kʋbala lɩɩ lee-la kuoru kpasa-la sɩ chɩna Wɩa dɩɩ-bal-la tʋɔŋ a bʋl, “Wɩalɩŋ dɛrɛ nɛ.”

Jɔɔŋ Wʋnaalaa 22:13

Mɩ nɛ ŋaa Alɩfa arɩ Omega, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ. Mɩ nɛ ŋaa dɩ-suomuŋ, mɩ nɛ ŋaa dɩdɛrɩŋ ma.

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”