Jɔɔŋ Wʋnaalaa 21:4 - WƖA TENIŊ

⁴ Ʋ jaŋ fɩɩsɛ ba sɩlɩɩrɩŋ kala ta. Ba bɩra bɩ jaŋ sʋʋ, ba tʋɔŋ bɩra bɩ jaŋ chei. Ba bɩra bɩ jaŋ yel a bɩra bɩ jaŋ na hɛɛŋ ma, bɛɛ wɩaa wʋbɩnɩa-la kala bala nɛ.”

Jɔɔŋ Wʋnaalaa 21:4 ပူးပေါင်းရင်းမြစ်များ

WƖA YƖƖLAA 144:4

La mɩɩsɩŋ nagɛ peliŋ nɛ, la tapʋlaa ma fɩfá a nagɛ daaliimiŋ.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

AZAAYA 30:19

Ma Zaayɔŋ nɩaa, nɩalɩŋ sɩ hɛ Jerusalɛm lɛ, ma yele jaŋ dɛrɛ. La TƖƖNA jaŋ fá ma nenige. Dɩ ma nɛ yele pʋ, ʋ jaŋ nɩɩ a guu pɛ ma lɛ.

AZAAYA 35:10

Nɩalɩŋ La TƖƖNA sɩ laa ta jaŋ mɩɩra kɔ, ba jaŋ yɩyɩɩ yɩɩlaa arɩ tʋɔtɔrʋŋ a jʋʋ Jerusalɛm. Tʋɔtɔrʋŋ dʋndʋŋa nɛ jaŋ ŋaa ba kʋa, tʋɔ-cheeŋ jaŋ fá lɛl ba teeŋ.

AZAAYA 51:11

Nɩalɩŋ La TƖƖNA sɩ laa ta jaŋ mɩɩra kɔ ʋ teeŋ. Ba jaŋ yɩɩ yɩɩlaa arɩ tʋɔtɔrʋŋ kʋ jʋʋ Jerusalɛm. Ba jaŋ nɩɩ sɩma a kaa mʋ wuu. Tʋɔtɔrʋŋ jaŋ faasa yʋgɛ ba teeŋ, dɩ hɛɛŋ arɩ tʋɔ-cheeŋ fa lɛl.

AZAAYA 60:20

Ŋ wɩɩpɔsʋŋ bɩra bɩ jaŋ jʋʋ, ŋ chɛnɛ ma bɩ jaŋ jʋʋ birimiŋ. Ŋ TƖƖNA nɛ jaŋ ŋaa ŋ pʋlʋmʋŋ a kaa mʋ wuu. Tʋɔ-chee-la kala ŋ sɩ kɛnɛ jaŋ dɛrɛ.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

JƐRƖMAAYA 31:12

Ba jaŋ kɔ a ŋaa goŋ arɩ tʋɔtɔrʋŋ Zaayɔŋ dundolluŋ nyuŋ. Ba jaŋ jʋɔsɛ a tɩŋ kʋ-daŋ-la mɩ-na ma TƖƖNA sɩ joŋo pɩba wɩaa. Mɩ pɩba mɩaa, girep nɛnɛɛ sɩ-falɩŋ arɩ nʋʋŋ, a pɛ biiri-la ba nɛsɩŋ arɩ ba piesee sɩ lʋla lɛ. Ba jaŋ nagɛ lɩga sɩ kɛŋ fɩɛlɩŋ woruŋ, ba tʋɔŋ bɩra bɩ jaŋ chei.

JƐRƖMAAYA 31:13

Hatoloo jaŋ gʋa dɩ ba tʋɔŋ tɔrɛ, a pɛ bapʋɔsaa arɩ banɩhɩasɩŋ lɛ. Mɩ jaŋ leŋ dɩ ba yele bɩrɩmɛ tʋɔtɔrʋŋ. Mɩ jaŋ nyagɛ ba bɔyɛ, a leŋ dɩ ba tʋɔ-chei-la bɩrɩmɛ tʋɔtɔrʋŋ.

HOSIA 13:14

Mɩ time laaba dɩ sʋʋŋ sɩ́ ba wuoo? Mɩ laaba ta sʋʋŋ nɩsɩŋ lɛ? Sʋʋŋ, nɩɩ nɛ ŋ huoŋ hɛ? Lɛlɛɛ-jaŋ, nɩɩ nɛ ŋ huo-la sɩɩ chei nɩaa hɛ? Mɩ bɩ jaŋ fá ba nenige.

Matiu 24:35

Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.

1 Kɔrɩntɩ Nɩaa 15:26

Ʋ dʋndɔŋ-la ʋ sɩ jaŋ to harɩŋ yuo dii nɛ ŋaa sʋʋŋ.

1 Kɔrɩntɩ Nɩaa 7:31

Bayalaa ma maga dɩ ba nagɛ arɩ ba bɩ kɩaa yallɛ, bɛɛ wɩaa dʋnɩa deeŋ nagɩŋ ʋ sɩ nagɛ, ʋ bɩ jaŋ dieni kɩŋkɛŋ.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

2 Kɔrɩntɩ Nɩaa 6:17

Ŋɩɩ wɩaa má lɩɩsɛ ma tɩtɩa nɩalɩŋ sɩ bɩ Yesu wɩaa laa dii tʋɔŋ, a hɔŋ ma dʋndʋŋ. Má sɩ́ kɩalɩŋ sɩ kɛŋ disiniŋ digu. Dɩ ma nɛ lɩɩsɛ ma tɩtɩa wɩaa deemba lɛ, mɩ jaŋ laa ma.

Hiburu TƖŊŊAA 12:27

Ʋ sɩ bʋla dɩ ʋ jaŋ bɩra leŋ dɩ tinteeŋ zigili kɛŋ bʋbʋɔŋ nɛ. Ʋ bʋbʋɔŋ nɛ ŋ-la: Wɩa jaŋ leŋ dɩ dʋnɩa kɩalɩŋ ʋ sɩ ŋaa jigisi. Kɩalɩŋ sɩ jaŋ jigisi jaŋ lɛl, ka kɩalɩŋ sɩ bɩ wuo jigisi-na jaŋ hɛ nɩmɛ.

2 Pɩɩta 3:10

Ama tapʋlɩɩ-la La Tɩɩna Yesu jaŋ sɩ kɔ, ʋ jaŋ nagɛ gaara sɩ kʋ dɩ nɩaa lɛ. Bʋa-la lɛ nʋʋkala jaŋ nɩɩ huuri-bal kʋbala wɩa-nyuŋ. Wɩa-nyuŋ jaŋ lɛl, ka kʋŋkala sɩ hɛ wɩa-nyuŋ ma jaŋ ŋmɩɛrɛ nyiniŋ tʋɔŋ a nyɩɩgɛ, ka dɩ tinteeŋ kʋŋkala ma dii nyiniŋ.

1 Jɔɔŋ 2:17

Dʋnɩa arɩ kɩalɩŋ kala sɩ hɛ nɩmɛ nuhuobiinee cho, ba kala jaŋ lɛl. Ama nɩɩ-la sɩ ŋaa wɩalɩŋ Wɩa sɩ cho, ʋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ Wʋnaalaa 20:13

Ŋɩɩ nɛ mʋgʋ-balɩŋ kɛŋ nɩalɩŋ kala sɩ sʋʋ ʋ tʋɔŋ kʋ lɩɩ. Sʋʋŋ arɩ lɛlɛɛ-jaŋ ma joŋ nɩalɩŋ sɩ hɛ ba lɛ ta, ba kala kʋ lɩɩ. Ŋɩɩ nɛ ba beŋ nʋʋkala wʋŋaalaa sɩ maga ŋɩɩ a dii ʋ sarɩya.

Jɔɔŋ Wʋnaalaa 20:14

Ŋɩɩ nɛ ba joŋ sʋʋŋ arɩ lɛlɛɛ-jaŋ a yuo hɛ nyiŋ-bal-la lɛ. Nyiŋ-bal-la nɛ ŋaa sʋʋ bʋlɩa.

Jɔɔŋ Wʋnaalaa 21:1

Ŋɩɩ nɛ mɩ na Wɩa-jaŋ kʋfalɩɩ arɩ tintee-falɩɩ. Bumbuŋ Wɩa-jaŋ arɩ bumbuŋ tinteeŋ kala lɛlɛ nɛ. Mʋga kala tuo.

Jɔɔŋ Wʋnaalaa 22:3

Kʋŋ na-kala lɛ Wɩa sɩ ŋmɩɛsa hɛ bɩ jaŋ hɛ tabal-la tʋɔŋ. Wɩa kuoru kpasa arɩ Pie-bie-la kpasa jaŋ hɛ lee-la, ka ʋ tɩntɩnnaa chʋɔlʋ.

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”