Jɔɔŋ Wʋnaalaa 21:3 - WƖA TENIŊ

³ Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.

Jɔɔŋ Wʋnaalaa 21:3 ပူးပေါင်းရင်းမြစ်များ

1 KUOROO 8:27

Ama Wɩa, ŋ sɛnɛ jaŋ hɛ dʋnɩa deeŋ lɛɛ? Wɩa-nyuŋ arɩ wɩa-nyuŋ balegi balegi ma paala bɩ jalɩa magɛ ŋ jʋʋnʋŋ. Ɛɛ nɛ saa ŋ jaŋ wuo jʋʋ dɩɩ-balɩŋ deeŋ mɩ sɩ saa tinteeŋ lɛ?

2 IZIRAL TƖŊŊAA NAABARƖŊ 6:18

Ama Wɩa, ŋ sɛnɛ jaŋ hɛ dʋnɩa deeŋ lɛ a guoli nuhuobiinee tʋɔŋ? Wɩa-nyuŋ arɩ wɩa-nyuŋ balegi balegi ma paala bɩ jalɩa magɛ ŋ jʋʋnʋŋ. Ɛɛ nɛ saa ŋ jaŋ wuo jʋʋ dɩɩ-balɩŋ deeŋ mɩ sɩ saa tinteeŋ lɛ?

MOSIS KƐŊ IZIRAL TƖŊŊAA LƖƖ 25:8

Leŋ dɩ nɩalɩŋ ŋaa lee sɩ zɔmɔ pɩmɛ, dɩ mɩ hɛ ba tʋɔŋ.

MOSIS KƐŊ IZIRAL TƖŊŊAA LƖƖ 29:45

Mɩ jaŋ hɛ Iziral tɩŋŋaa teeŋ a ŋaa ba Wɩa.

AZAAYA 12:6

Nɩalɩŋ sɩ hɛ Jerusalɛm lɛ, má faasa yɩɩ yɩɩlaa arɩ tʋɔtɔrʋŋ, bɛɛ wɩaa Iziral tɩŋŋaa Wɩɩ-balɩŋ sɩ bɩ disiniŋ kɛnɛ hɛ ma tʋɔŋ nɛ.”

JƐRƖMAAYA 31:33

La TƖƖNA bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombii-la mɩ sɩ bile dɩ ba tuto wɩaa hɛ ba nyuŋ lɛ, aŋ ŋmʋnsʋ a hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

JƐRƖMAAYA 32:38

Ba jaŋ ŋaa mɩ nɩaa, dɩ mɩ ma ŋaa ba Wɩa.

ƐZƖKƖƐL 37:27

Mɩ dɩjʋʋlʋŋ jaŋ hɛ ba tʋɔŋ, dɩ mɩ ŋaa ba Wɩa, dɩ ba ma ŋaa mɩ nɩaa.

ƐZƖKƖƐL 43:7

Ʋ sɩ, “Nuhuobiiŋ, mɩ kuoru kpasa arɩ mɩ naasɩŋ dɩ-wiesi nɛ ŋ-la. Leriŋ deeŋ nɛ mɩ jaŋ hɛ a guoli Iziral tɩŋŋaa tʋɔŋ a kaa mʋ wuu. Iziral tɩŋŋaa bɩra bɩ jaŋ chei mɩ yɩrɩ-zɔŋ-la. Ba tɩtɩa koo ba kuoroo bɩra bɩ jaŋ kpʋkpaarɛ vesiŋ dundolluŋ nyuŋ, koo a saa ba kuoroo vaamaa a kpʋkpaarɛ.

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

ZƐKARƖYA 8:8

Mɩ jaŋ kɛmba mɩɩra kɔ dɩ ba hɔŋ Jerusalɛm lɛ. Ba jaŋ ŋaa mɩ nɩaa, dɩ mɩ kɛŋ wʋtɩtɩɩ arɩ tʋɔpʋla ba teeŋ a ŋaa ba Wɩa.”

NAMBABA 9:16

Duoŋ-bɩlɩmbaaŋ-la tɔ ŋɩɩ nɛ bʋa-la kala lɛ, tɩtaŋɩŋ ʋ nagɛ nyiniŋ.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

2 Kɔrɩntɩ Nɩaa 6:18

Mɩ jaŋ ŋaa ma Nyɩmma dɩ ma ma ŋaa mɩ hambolibiisiŋ arɩ mɩ toloo.” La Tɩɩna doluŋ kala Tɩɩna nɛ bʋl ŋɩɩ.

1 Tɛsalonaaka Nɩaa 3:11

Laa sʋl la Nyɩmma Wɩa arɩ La Tɩɩna Yesu dɩ ba chɛ wombiiŋ pɩla dɩ la kɔ ma teeŋ.

Hiburu TƖŊŊAA 11:16

Ama ba faa chɛ dɩ ba hɔŋ tintee-la sɩ zɔmɔ kɩɩ tintee kala. Wɩa-jaŋ nɛ ŋɩɩ. Wɩa tɩtɩa nɛ saa jaŋ-la a pɩba. Ŋɩɩ nɛ tɩɩ ba yɩrɛ Wɩa yɩrɩŋ, ka hɩɩsɩŋ bɩ Wɩa kɛnɛ.

Hiburu TƖŊŊAA 8:10

La Tɩɩna bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombie-la mɩ sɩ bile dɩ ba tuto hɛ ba nyuŋ lɛ, aŋ ŋmʋnsɛba hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

Hiburu TƖŊŊAA 8:2

Wɩa dɩ-zɔŋ-la lee-la sɩ chaasa zɔŋ lɛ nɛ ʋ hɛ a tɩtɩŋ. Wɩa dɩa tɩtɩa nɛ ŋɩɩ. Lee-la nuhuobiine dee bɩ saa. La Tɩɩna Wɩa nɛ saa.

Jɔɔŋ Wʋnaalaa 10:4

Bʋa-la lɛ duonuŋ sɩ kpɩa, mɩ faa chɛ dɩ mɩ ŋmʋnsɛ wɩalɩŋ bil. Ŋɩɩ nɛ nʋʋ yikoro lɩɩ wɩa-nyuŋ a bʋla pɩmɛ, “Leŋ dɩ wɩalɩŋ duonuŋ sɩ kpɩa bʋl hɛ ŋ tʋɔŋ, sɩ́ ŋmʋnsa bil.”

Jɔɔŋ Wʋnaalaa 10:8

Ŋɩɩ nɛ mɩ bɩra nɩɩ yikoro-la tɩtɩa sɩ lɩɩ wɩa-nyuŋ a bʋl wɩaa pɩmɛ. Ʋ sɩ, “Mʋ a laa teŋ-bie-la ba sɩ suro, Wɩa tɩndaarʋ-la nɩsɩŋ lɛ, nɩɩ-la naaŋ dɔŋɔ sɩ chɩŋ mʋgʋ-balɩŋ nyuŋ, ka dɔŋɔ ma chɩŋ tinteeŋ lɛ.”

Jɔɔŋ Wʋnaalaa 12:10

Ŋɩɩ nɛ ka mɩ nɩɩ yikori-bal kʋbala dɩ ʋ lɩɩ Wɩa-jaŋ a bʋl, “Lɛɛlɛ Wɩa dagɛ dol-la ʋ sɩ kɛnɛ dɩ ʋ laa ʋ nɩaa ta nɛ. Ʋ dagɛ ʋ doluŋ arɩ ʋ kuoruŋ nɛ, arɩ dol-la Kirisito sɩ kɛnɛ, Nɩɩ-la ʋ sɩ lɩɩsa, bɛɛ wɩaa nɩɩ-la sɩ joŋ cheeriŋ pɩ la naambiiriŋ, ba joŋu yuo ta nɛ ʋ kʋ tuu tinteeŋ. Ʋ fa joŋ cheeriŋ pɩba Wɩa sɩpaaŋ wɩɩhɛyɛ arɩ tɩtaŋɩŋ kala nɛ.

Jɔɔŋ Wʋnaalaa 21:7

Nɩɩ-la kala sɩ wuo yuo dii Sɩtaanɩ jaŋ na kɩaa deemba kala. Mɩ jaŋ ŋaa ʋ Wɩa, ʋ ma jaŋ ŋaa mɩ bii.

Jɔɔŋ Wʋnaalaa 22:3

Kʋŋ na-kala lɛ Wɩa sɩ ŋmɩɛsa hɛ bɩ jaŋ hɛ tabal-la tʋɔŋ. Wɩa kuoru kpasa arɩ Pie-bie-la kpasa jaŋ hɛ lee-la, ka ʋ tɩntɩnnaa chʋɔlʋ.

Jɔɔŋ Wʋnaalaa 7:15

Ŋɩɩ nɛ tɩɩ ba chɩŋ Wɩa kuoru kpasa-la sɩpaaŋ a tɩma pʋpʋ wɩɩhɛyɛ arɩ tɩtaŋɩŋ kala ŋɩɩ ʋ dɩɩ-balɩŋ lɛ. Nɩɩ-la sɩ hɔŋ kuoru kpasa-la lɛ nɛ jaŋ chu tɔ ba.