Jɔɔŋ Wʋnaalaa 21:27 - WƖA TENIŊ

²⁷ Ama kʋŋkala sɩ kɛŋ disiniŋ, koo nɩɩ-la kala sɩ ŋaa nɩbɔŋ, koo wʋnyɩɛrʋ kala bɩ jaŋ jʋʋ taŋ-la, see nɩalɩŋ Pie-bie-la sɩ ŋmʋnsɛ ba yɩraa hɛ mɩɩsɩŋ teŋ-la lɛ nɛ jaŋ jʋʋ nɩmɛ.

Jɔɔŋ Wʋnaalaa 21:27 ပူးပေါင်းရင်းမြစ်များ

WƖA YƖƖLAA 101:8

Tapʋlɩɩ na-kala mɩ jaŋ chei nɩbɔŋŋɔɔ la tinteeŋ lɛ. Mɩ jaŋ kiri wʋbɔŋ-ŋaaraa ta dɩ ba lɩɩ La Tɩɩna tabalɩŋ lɛ.

MOSIS KƐŊ IZIRAL TƖŊŊAA LƖƖ 32:32

Ama lɛɛlɛ mɩɩ sʋlʋŋ, joŋ ba wʋbɔŋ-la chɛba, dɩ ŋɩɩ dee, lɩɩsɛ mɩ yɩrɩŋ ta ŋ teŋ-la tʋɔŋ ŋ sɩ ŋmʋnsɛ ŋ nɩaa yɩraa hɛ.”

AZAAYA 35:8

Womporuŋ jaŋ pɩŋ nɩmɛ, dɩ ba kɛnʋ yɩyɩrɛ wombii-la sɩ bɩ disiniŋ kɛnɛ. Disiŋ tɩɩna kala bɩ jaŋ vɛŋ ʋ lɛ, see nɩalɩŋ sɩ bɩ disiniŋ kɛnɛ dʋndʋŋa. Nɩyaara-la sɩɩ ŋaa wʋbɔŋŋɔɔ bɩ ʋ lɛ jaŋ vɛŋ.

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

AZAAYA 60:21

Ŋ nɩaa kala jaŋ ŋaa tʋɔpʋl tɩmma, ba jaŋ tɩɩ tintee-la a kaa mʋ wuu. Ba nagɛ tɩɩsɩŋ mɩ sɩ chɔnsɔ nɛ, mɩ tɩntɩmɩŋ nɛ ŋɩɩ dɩ mɩ dagɛ mɩ doluŋ.

ƐZƖKƖƐL 44:9

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Nɩwogo kala sɩ bɩ mɩ ka to, a bɩ ʋ peniŋ ma kere bɩ maga ʋ jʋʋ mɩ dɩɩ-bal-la. Nɩwogusu-la ma sɩ paala guoli Iziral tɩŋŋaa tʋɔŋ bɩ maga dɩ ba jʋʋ.

JOWƐL 3:17

Ŋɩɩ nɛ ma jaŋ jɩŋ arɩ mɩ-na ma TƖƖNA Wɩa hɛ Zaayɔŋ lɛ nɛ, mɩ peel-la sɩ bɩ disiniŋ kɛnɛ lɛ. Jerusalɛm jaŋ ŋaa lee sɩ bɩ disiniŋ kɛnɛ. Nɩwogusuŋ maachie kala bɩra bɩ jaŋ kɔ dɩ ba tɔʋ hɛ.

LEVI DOHO NƖAA 13:46

Bʋa-la kala lɛ nyanyal-cholii-la sɩ hɛ ʋ lɛ, ʋ kɛŋ disiniŋ nɛ. Ʋ bɩ maga dɩ ʋ guoli nɩaa tʋɔŋ, ʋ maga ʋ lɩɩ ba dɩhɔnʋŋ tʋɔŋ.

ZƐKARƖYA 14:21

Pupoi na-kala sɩ hɛ Jerusalɛm arɩ Juda lɛ, jaŋ ŋaa La TƖƖNA doluŋ kala Tɩɩna kɩaa sɩ bɩ disiniŋ kɛnɛ. Nɩalɩŋ kala sɩ jaŋ kɔ dɩ ba kpʋ pʋsʋŋ a ŋaa Wɩɩsʋlʋŋ jaŋ joŋ puposu-la dɔnsʋŋ a kaa chɔ nammɩa. Bʋa-la lɛ, bayala kala bɩ jaŋ hɛ La TƖƖNA doluŋ kala Tɩɩna dɩa lɛ.

NAMBABA 12:15

Ŋɩɩ nɛ ba lɩɩsɛ Mɩrɩam ta ba dɩhɔnʋŋ lɛ tapʋlaa balɩpɛ. Iziral tɩŋŋaa bɩ lee-kala sii mʋ ka tapʋlɩa-la yi, ʋ bɩra mɩɩra kʋ jʋʋ.

NAMBABA 5:3

Dɩ nɩalɩŋ ŋaa baalaa nɛ koo haalaa nɛ, ma sɩ leŋe dɩ ba hɛ ma tʋɔŋ, dɩ ŋɩɩ leŋ dɩ ma dɩhɔnʋŋ kɛŋ disiniŋ, lee-la mɩ sɩ hɛ ma tʋɔŋ.”

Matiu 13:41

Mɩ-na Nuhuobiine Bie jaŋ tɩŋ mɩ tɩndaaraa dɩ ba jʋʋ Wɩa kuorii-la tʋɔŋ a tʋɔsɛ nɩalɩŋ sɩ ŋaa wʋbɔŋ ŋaaraa, arɩ nɩalɩŋ kala sɩ ŋaa wʋbɔŋŋɔɔ

Maak 7:2

Ba kɔ dɩ Yesu harɩ-tooroo dɔnsʋŋ hɔnɔ didii kɩaa aŋ bɩ ba nɩsaa sɔmɔ. Ba sɩ ŋɩɩ ŋaa disiŋ wɩɩ nɛ.

Luuk 10:20

Ama má sɩ́ leŋe dɩ ma tʋɔŋ tɔrɛ arɩ jɩŋ-bɔŋŋɔɔ sɩɩ to ma niiŋ lɛ, má leŋ dɩ ma tʋɔŋ tɔrɛ a tɩŋ ba sɩ ŋmʋnsɛ ma yɩraa Wɩa-jaŋ lɛ.”

Ɛfɛsɩs Nɩaa 5:5

Ʋ maga dɩ ma jɩŋ woruŋ, arɩ nɩalɩŋ sɩɩ ŋaa wʋlɩɩlɩŋ koo nɩalɩŋ sɩɩ ŋaa disiniŋ, arɩ nɩalɩŋ sɩ kɛŋ tʋɔ-luŋuŋ [tʋɔ-luŋuŋ nagɛ vʋɩ-kpaarɩŋ nɛ], nɩaa deemba kʋŋkala bɩ jaŋ dii kɩalɩŋ Wɩa sɩ ŋaa bil ʋ nɩaa lɛ, ʋ-na Wɩa arɩ Kirisito kuorii-la tʋɔŋ.

Fɩlɩpa Nɩaa 4:3

Ŋ-na mɩ tɩntɩnnɩ dɔŋ, mɩɩ chɛ dɩ ŋ pɛ haalaa deemba lɛ nɛ dɩ ba sɩŋ. Ba dɩ Kɩlɛmɛnt nɛ pɛ mɩ lɛ la bʋl Yesu wʋzɔmɔ-la a pɩ nɩaa, a saa pɛ mɩ tɩntɩnnɩ dɔnsʋ-la kala lɛ. Ba kala yɩraa nɛ hɛ mɩɩsɩŋ teŋ-la lɛ.

1 Timoti 1:10

Ba bɩra ŋmʋnsɛ wɩaa deemba a pɩ balɩɩlɩŋ arɩ halɩɩlɩŋ nɛ, arɩ baala-la sɩ gɔllɔ tuu ba dɔŋɔba bʋbʋɔ-niiree, arɩ nɩalɩŋ sɩ gɔllɔ paa nɩaa biiriŋ a kaa faa lɛl. Ba bɩra ŋmʋnsɛ wɩaa deemba a pɩ wʋnyɩɛraa arɩ dansɩa wʋnyɩɛraa, arɩ nɩalɩŋ sɩ bɩ Wɩa wʋtɩtɩɩ-la ka to.

Hiburu TƖŊŊAA 12:14

Má hɛ ma doluŋ kala aŋ loo chɩchɛ dɩ ma dɩ nʋʋkala kɛŋ nii-bala, a bɩra loo chɩchɛ dɩ ma sɩ́ disiniŋ kɛŋ. Dɩ ma nɛ bɩ disiniŋ kɛnɛ, ma jaŋ wuo na Wɩa.

2 Pɩɩta 3:13

Faafaa-la Wɩa bʋla arɩ ʋ jaŋ ŋaa wɩa-nyu-falɩɩ arɩ tintee-falɩɩ. Lee-la ʋ nɩaa jaŋ ŋɩŋaa tʋɔpʋl wɩaa. Wɩaa deemba nɛ laa gbɛrɛ.

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 20:12

Ŋɩɩ nɛ ka mɩ na nɩalɩŋ sɩ sʋba, nɩhɩasɩŋ arɩ hambiisiŋ kala, dɩ ba chɩŋ kuoru kpasa-la sɩpaaŋ. Ŋɩɩ nɛ ba suri tenniŋ, a bɩra suri teniŋ dɔŋɔ ma, mɩɩsɩŋ teniŋ nɛ ŋɩɩ. Tenni-la lɛ nɛ ba ŋmʋnsɛ nʋʋkala sɩ hɛ dʋnɩa lɛ wʋŋaalaa hɛ, ba lɛ nɛ ba to a dii nʋʋkala sɩ sʋba sarɩya.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 3:5

Nɩɩ-la kala sɩ wuo yuo dii Sɩtaanɩ, ʋ tɩɩna jaŋ laalɛ gɛrɩ-pʋllʋŋ. Mɩ bɩ jaŋ kpʋ ʋ yɩrɩŋ ta mɩɩsɩŋ teŋ-la tʋɔŋ. Mɩ jaŋ suri mɩ niiŋ a yɩrɛ ʋ yɩrɩŋ mɩ Nyɩmma Wɩa arɩ ʋ tɩndaaraa sɩpaaŋ.