Jɔɔŋ Wʋnaalaa 21:2 - WƖA TENIŊ

² Ŋɩɩ nɛ mɩ na Wɩa taŋ-la sɩ bɩ disiniŋ kɛnɛ, Jerusalɛm falɩɩ-la, dɩ ʋ lɩɩ Wɩa-jaŋ a kʋ tuu. Wɩa kpɩɛrʋ ʋ zɔŋ a nagɛ ba sɩ yie kpɩɛrɛ haala ŋɩɩ nɛ a kaa mʋ pɩ ʋ bala.

Jɔɔŋ Wʋnaalaa 21:2 ပူးပေါင်းရင်းမြစ်များ

WƖA YƖƖLAA 87:3

Peel-la ba sɩɩ yɩrɛ Zaayɔŋ, ŋ ŋaa Wɩa taŋ nɛ, nʋʋkala bʋl wʋzɔŋŋɔɔ a tɩtɩgɛ ŋ lɛ.

AZAAYA 1:21

Jerusalɛm fa nagɛ haala sɩ kɛŋ wʋtɩtɩɩ nɛ arɩ ʋ bala, ama lɛɛlɛ ʋ mɩɩra bɩrɩmɛ nɛ a ŋɩŋaa wʋlɩɩlɩŋ. Taŋ-la nɩaa fa kɛŋ wʋtɩtɩɩ, tʋɔpʋl tɩŋŋaa nɛ fa hɛ taŋ-la lɛ, ama lɛɛlɛ nɩkpʋʋraa nɛ suo.

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

AZAAYA 61:10

Mɩ tʋɔŋ tɔrɛ La TƖƖNA lɛ nɛ woruŋ mɩ jʋjʋɔsɛ Wɩa sɩpaaŋ, bɛɛ wɩaa laatanɩŋ nagɛ gɛrɩŋ nɛ ʋ joŋo laalɛmɛ tʋɔpʋla ma nagɛ gɛrɩŋ ʋ joŋo kpɩɛrɛmɛ, a nagɛ ha-falɩŋ bala sɩ kpɩɛrɛ ʋ tɩtɩa ŋɩɩ a bɩra nagɛ ba sɩ kpɩɛrɛ ha-falɩŋ,

AZAAYA 62:4

Ba bɩra bɩ jaŋ yɩrɩŋ kʋvɩataalɩɩ. Ba bɩra bɩ jaŋ yɩrɛ ŋ tinteeŋ jikpeeŋ. Ama ba jaŋ yɩyɩrɩŋ: ‘Hefiziba’. (Ʋ bʋbʋɔŋ nɛ: Wɩa choŋ nɛ.) Ŋ tinteeŋ ma yɩrɩŋ jaŋ ŋaa: ‘Bewula’. (Ʋ bʋbʋɔŋ nɛ: bala tɩɩna). La TƖƖNA tʋɔŋ jaŋ tɔrɛ ŋ nyuŋ, a kɛŋ ŋ tinteeŋ ma woruŋ a nagɛ baala sɩ kɛŋ ʋ haala woruŋ.

JƐRƖMAAYA 31:23

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

2 Kɔrɩntɩ Nɩaa 11:2

Wɩa tʋɔŋ sɩɩ wɩɩ ma lɛ ŋɩɩ, ŋɩɩ tɩtɩa nɛ mɩ ma tʋɔŋ wʋwɩɩ ma lɛ. Ma nagɛ hatolo mɩ sɩɩ chɛ dɩ mɩ joŋo pɩ bala nɛ, ma bala nɛ ŋaa Kirisito. Mɩ saa chɛ dɩ ma nagɛ hatolo-la sɩ bɩ baal jɩŋ, a bɩ disiniŋ kɛnɛ nɛ dɩ mɩ jomma a pʋʋ.

Hiburu TƖŊŊAA 11:10

Abɩraham faa chɛ dɩ ʋ jʋʋ taŋ-la Wɩa tɩtɩa sɩ bil ʋ gentine a saa nɛ. Taŋ deeŋ nɛ jaŋ hɛ nɩmɛ deeŋ deeŋ a mʋmʋ.

Hiburu TƖŊŊAA 11:16

Ama ba faa chɛ dɩ ba hɔŋ tintee-la sɩ zɔmɔ kɩɩ tintee kala. Wɩa-jaŋ nɛ ŋɩɩ. Wɩa tɩtɩa nɛ saa jaŋ-la a pɩba. Ŋɩɩ nɛ tɩɩ ba yɩrɛ Wɩa yɩrɩŋ, ka hɩɩsɩŋ bɩ Wɩa kɛnɛ.

Hiburu TƖŊŊAA 12:22

Ama ma nɩalɩŋ sɩ laa Yesu wɩaa dii, ma kʋ yi peel-la ba sɩɩ yɩrɛ Zaayɔŋ nɛ. Ma kʋ yi tabal-la ba sɩɩ yɩrɛ Jerusalɛm a hɛ Wɩa-jaŋ lɛ nɛ. Wɩa sɩ weye jaŋ nɛ ŋɩɩ. Ma kɔ Wɩa tɩndaaraa bʋɩ bʋɩba bʋɩ sɩ hilimi lee-la arɩ tʋɔtɔrʋŋ nɛ,

Hiburu TƖŊŊAA 13:14

La bɩ jáŋ kɛnɛ dʋnɩa deeŋ lɛ la sɩ jaŋ hɛ a kaa mʋ deeŋ deeŋ. Ama laa gbɛrɛ taŋ-la maachie sɩ jaŋ kɔ nɛ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 11:2

ama sɩ́ Wɩa dɩa-la kaala-na magɩsʋ, bɛɛ wɩaa ba joŋ lee-la pɩ nɩalɩŋ sɩ bɩ Juu tɩŋŋaa ŋaa nɛ, ba jaŋ fɩrɩgɛ tabal-la sɩ bɩ disiniŋ kɛnɛ chɛnsɩŋ mahɩŋ balɩa arɩ balɩa.

Jɔɔŋ Wʋnaalaa 21:10

Ŋɩɩ nɛ Wɩa Dɩŋ-zɔmʋŋ kʋ hɛ mɩ lɛ, Wɩa tɩndaarʋ-la jommi kaa jɩl peel-bal kʋbala sɩ leŋie nyuŋ. Ŋɩɩ nɛ ʋ dagɛmɛ taŋ-la sɩ bɩ disiniŋ kɛnɛ baa yɩrɛ Jerusalɛm, dɩ ʋ lɩɩ Wɩa-jaŋ kuu tuu tinteeŋ.

Jɔɔŋ Wʋnaalaa 21:9

Ŋɩɩ nɛ Wɩa tɩndaaraa balɩpɛ-la sɩ kori gbansɩŋ balɩpɛ-la sɩ suo arɩ dɩdɛrɩŋ wʋbɔmɔ-la balɩpɛ kʋ bʋla pɩmɛ, “Kɔ dɩ mɩ dagɩŋ haal-la Pie-bie-la sɩ jaŋ jaa.”

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

Jɔɔŋ Wʋnaalaa 22:19

Dɩ nʋʋkala ma nɛ lɩɩsɛ wɩaa deemba kʋŋ ta, Wɩa ma jaŋ lɩɩsɛ ʋ tɩɩna ta. Ʋ bɩ jaŋ pʋ wombiiŋ dɩ ʋ na wɩalɩŋ ba sɩ ŋmʋnsa hɛ teniŋ deeŋ tʋɔŋ. Ʋ tɩɩna bɩ jaŋ wuo dii tɩa-la sɩɩ pɩ nɩaa mɩɩsɩŋ nɛnɛɛ. Ʋ bɩra bɩ jaŋ jʋʋ Wɩa tabal-la ma.

Jɔɔŋ Wʋnaalaa 3:12

Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ nagɛ jebiiŋ a hɛ Wɩa dɩɩ-balɩŋ tʋɔŋ. Ʋ bɩ jaŋ kɔ dɩ ʋ lɩɩ Wɩa dɩɩ-bal-la tʋɔŋ. Mɩ jaŋ ŋmʋnsɛ Wɩa yɩrɩŋ a hɛ ʋ lɛ, a ŋmʋnsɛ Wɩa-jaŋ yɩrɩŋ ma hɛ ʋ lɛ. Jaŋ-la nɛ ŋaa Jerusalɛm falɩɩ-la sɩ lɩɩ Wɩa-jaŋ kʋ tuu. Mɩ jaŋ ŋmʋnsɛ mɩ tɩtɩa yɩrɩ-falɩŋ a hɛ ʋ lɛ.