Jɔɔŋ Wʋnaalaa 21:14 - WƖA TENIŊ

¹⁴ Kɛrɛ-la gentine lɛ, ba bil tabɩaa fii arɩ balɩa nɛ. Tabɩa-la lɛ nɛ ba ŋmʋnsɛ Pie-bie-la nanzɔɔba fii arɩ balɩa-la yɩraa hɛ.

Jɔɔŋ Wʋnaalaa 21:14 ပူးပေါင်းရင်းမြစ်များ

AZAAYA 54:11

Jerusalɛm, ŋ ŋaa taŋ-la sɩ chaasa na hɛɛŋ nɛ kɩŋkɛŋ, ka nʋʋ tuo dɩ ʋ nyagɛ ŋ bɔyɛ. Mɩ jaŋ wasa saaŋ, mɩ jaŋ kɛŋ tabɩɩ-tʋlɩa-la ba sɩɩ yɩrɛ takʋa arɩ safɩya a bil ŋ gentine.

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

Tɩntɩŋŋaa 1:26

Ŋɩɩ nɛ ba tɔnsɛ, Matɩyas dii. Ba kɛnʋ pɛ Yesu nanzɔɔba fii arɩ kʋbala-la lɛ.

Galiisia Nɩaa 2:9

Jeems arɩ Pɩɩta arɩ Jɔɔŋ sɩ ŋaa Wɩa nɩaa tʋɔŋ nɩhɩasɩ-la na arɩ wʋtɩtɩɩ, Wɩa nɛ lɩɩsɛmɛ dɩ mɩ tɩŋ tɩntɩŋ-fɩɛmɩŋ deeŋ. Ŋɩɩ nɛ ba kɛŋ mɩ dɩ Banabas hɛ ba tʋɔŋ, la kala kɛŋ nii-bala. Ba bʋla arɩ la dɩ Banabas jaŋ mʋ bʋl Wɩa wʋzɔmɔ-la nɩalɩŋ sɩ bɩ Juu tɩŋŋaa ŋaa teeŋ, ka ba ma bʋl wʋzɔmɔ-la Juu tɩŋŋaa teeŋ.

Ɛfɛsɩs Nɩaa 2:20

Ma nagɛ tie-biee Wɩa sɩ kaa sɩsaa ʋ dɩa nɛ. Wɩa nanzɔɔba arɩ Wɩa wʋlaabʋllaa nɛ ŋaa dɩa-la gentine. Kirisito Yesu tɩtɩa nɛ ŋaa tie-bii-duo-la ba sɩ kaa bil dɩa-la gentine.

Ɛfɛsɩs Nɩaa 3:5

Wɩa fa bɩ leŋe nʋʋkala jɩŋ wɩaa deemba, ama lɛɛlɛ ʋ to ʋ Dɩŋ-zɔmʋŋ lɛ nɛ a joŋ wɩalɩŋ dagɛ ʋ nanzɔɔba-la sɩ kɛŋ tʋɔpʋla arɩ ʋ wʋlaabʋllaa.

Ɛfɛsɩs Nɩaa 4:11

Kirisito lɩɩsɛ nɩaa dɔnsʋŋ ba ŋaa ʋ nanzɔɔba, dɔnsʋŋ ma ŋaa Wɩa wʋlaabʋllaa, a leŋ dɔnsʋŋ ma gɔllɔ bʋl Wɩa wɩaa a pɩpɩ nɩaa, dɔnsʋŋ ma bibeŋ nɩalɩŋ sɩ laa ʋ wɩaa dii, ka dɔnsʋŋ ma dɩdagɛ nɩalɩŋ sɩ laa ʋ-na Yesu wɩaa dii.

Hiburu TƖŊŊAA 11:10

Abɩraham faa chɛ dɩ ʋ jʋʋ taŋ-la Wɩa tɩtɩa sɩ bil ʋ gentine a saa nɛ. Taŋ deeŋ nɛ jaŋ hɛ nɩmɛ deeŋ deeŋ a mʋmʋ.

Juud 1:17

Ama mɩ nandɔŋ-chooloo, má liliisi wɩalɩŋ La Tɩɩna Yesu Kirisito nanzɔɔba sɩ bʋla pɩma arɩ ba jaŋ kʋ ŋaa.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 21:13

Wɩɩpɔsʋŋ dɩɩrɩŋ kɛŋ boyee batori nɛ, wɩɩpɔsʋŋ nagʋa ma kɛŋ batori, wɩɩpɔsʋŋ nadiiŋ ma kɛŋ batori, wɩɩjʋʋlʋŋ dɩɩrɩŋ ma kɛŋ batori.