Jɔɔŋ Wʋnaalaa 20:9 - WƖA TENIŊ

⁹ Ŋɩɩ nɛ ba dʋʋrɛ dʋnɩa kala a mʋ golli lee-la Wɩa nɩaa sɩ hɛ, arɩ taŋ-la Wɩa sɩ cho. Ama nyiniŋ lɩɩ wɩa-nyuŋ a kʋ tuu dii ba kala.

Jɔɔŋ Wʋnaalaa 20:9 ပူးပေါင်းရင်းမြစ်များ

WƖAA DƖ-SUOMUŊ 19:24

Wɩa leŋ jiribiiŋ chol nyiniŋ, a lɩɩ wɩa-nyuŋ a kʋ tuu dii Sodom arɩ Gomora kala,

2 KUOROO 6:15

Elaasa tɩntɩnna sɩ sii chʋchʋɔ-fɩɛla, ʋ na dɩ laalɩyuoroo golli taŋ-la kala chu arɩ janɩŋ arɩ laalɩŋ janɩŋ torukoba. Ʋ tɩntɩnnʋ-la ŋmoo niiŋ a pɩɛsʋ, “Mɩ nɩhɩaŋ, bɛɛ nɛ la jaŋ ŋaa?”

JOB 38:18

Ŋ jɩŋ ŋɩɩ dʋnɩa sɩ jalɩa magɛɛ? Dɩ ŋ nɛ jɩŋ wɩaa deemba kala, bʋla pɩmɛ.

WƖA YƖƖLAA 106:18

Ŋ-na Wɩa nɛ leŋe nyiniŋ kʋ tuu ba harɩ-tooroo lɛ, a dii ba nɩbɔmɔ-la.

WƖA YƖƖLAA 87:2

La Tɩɩna cho Zaayɔŋ a kɩɩ lere-la kala Iziral tɩŋŋaa sɩɩ jʋʋ.

WƖA YƖƖLAA 97:3

Nyiniŋ nɛ laa ʋ sɩpaaŋ a dii ʋ dʋndɔŋŋɔɔ sɛmɛ na-kala.

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

AZAAYA 37:36

Ŋɩɩ nɛ La TƖƖNA Wɩa tɩndaara mʋ lee-la Asiiria tɩŋŋaa sɩ hɔnɔ, a kpʋ ba laalɩyuoroo bʋɩ zɔlɔ arɩ mahɩŋ banɛsɛ arɩ banɔŋ. Taŋ ka pʋl dɩ lee-la kala suo arɩ sʋʋnʋŋ.

ƐZƖKƖƐL 38:16

Ma jaŋ kɔ mɩ nɩaa Iziral tɩŋŋaa lɛ a nagɛ duoŋ-bɩlɩmbaanɩŋ sɩ tɔ leriŋ. Dɩ bʋa-la nɛ yie, mɩ jaŋ kɛŋ ŋ-na Gɔg mʋ dɩ ŋ yuo mɩ nɩaa. Dɩ mɩ nɛ to ŋ lɛ a dagɛ mɩ yɩrɩ zɔmʋŋ tinteyee nɩaa sɩpaaŋ, ba jaŋ jɩŋ nɩdoho-la mɩ sɩ ŋaa.”

ƐZƖKƖƐL 38:22

Mɩ jaŋ joŋ nyanyal bɔŋŋɔɔ hɛ ʋ nɩaa lɛ. Ba jaŋ kpʋkpʋ dɔŋɔ. Mɩ jaŋ leŋ dɩ duonuŋ faasa nɩɩ, dɩ duoŋ-tabɩaa tel ba nyuŋ, dɩ jiribiiŋ ma chol nyiniŋ a wurisi ʋ dɩ ʋ laalɩyuoroo arɩ tintee daŋ-la nɩaa sɩ kʋ pɛ ʋ lɛ.

ƐZƖKƖƐL 38:9

Ŋ dɩ ŋ laalɩyuoroo arɩ tintee daŋ-la nɩaa sɩ hɛ ŋ teeŋ kala jaŋ mʋ tintee-la lɛ a nagɛ duoŋ-peliŋ, a tɔ ʋ kala a nagɛ duoŋ-bɩlɩmbaanɩŋ.”

ƐZƖKƖƐL 39:6

Mɩ jaŋ joŋ nyiniŋ hɛ Magɔg tinteeŋ lɛ, a pɛ nɩalɩŋ sɩ hɔŋ mʋgʋ-balɩŋ niiŋ a ta jɩa lɛ, ŋɩɩ nɛ ba jaŋ jɩŋ arɩ mɩ nɛ ba TƖƖNA.

MƖKA 2:13

Mɩ nɛ jaŋ suri wombiiŋ, a laa ba sɩpaaŋ, a kɛmba lɩɩ yoŋ-baga lɛ. Mɩ-na ma TƖƖNA sɩ ŋaa ba kuoro nɛ jaŋ laa sɩpaaŋ.”

HABAKU 1:6

Mɩ jaŋ leŋ dɩ Babɩlɔŋ tɩŋŋaa bɩra kɛŋ doluŋ, nɩalɩŋ sɩ kɛŋ tʋɔhɛɛŋ a chaasa bɔŋ woruŋ, a wuo vɛnɛ mʋmʋ dʋnɩa sɛmɛ na-kala dɩ ba yuo laa tinteye-la sɩ bɩ ba kɩaa ŋaa.

NAMBABA 11:1

Ŋɩɩ nɛ nɩalɩŋ suomo gʋgʋrɩmɛ wɩaa La TƖƖNA teeŋ a tɩŋ hɛɛ-la ba sɩɩ na. La TƖƖNA nɩɩ, ʋ baanɩŋ sii ba nyuŋ, ʋ joŋ nyiniŋ hɛ ba buguŋ sɛŋ-keree sɛsɩŋ dɔnsʋŋ ʋ dii.

NAMBABA 16:35

Ŋɩɩ nɛ La TƖƖNA leŋ nyiniŋ kʋ dii sɩpaalaara-la zɔɔ-balɩa arɩ mahɩŋ balɩa arɩ fii sɩɩ nyɩgɛ kʋsʋɔrʋsʋŋ.

Luuk 17:29

Ama tapʋlɩɩ-la Lɔt sɩ lɩɩ taŋ kʋbala ba sɩɩ yɩrɛ Sodom lɛ, nyiniŋ arɩ jiribiiŋ lɩɩ wɩa-nyuŋ nɛ a kʋ tuu kpʋ nɩalɩŋ kala.

Luuk 19:43

Tapʋlɩɩ jaŋ yi dɩ ma dʋndɔŋŋɔɔ saa kɛrɛ gollima, dɩ ma sɩ́ wuo lɩɩ.

Luuk 21:20

Ŋɩɩ nɛ Yesu bɩra bʋl, “Dɩ ma nɛ na dɩ laalɩyuoroo golli Jerusalɛm, ma jaŋ jɩŋ arɩ taŋ-la jaŋ tel lɛɛlɛ.

Luuk 9:54

Ʋ harɩ-tooroo Jeems arɩ Jɔɔŋ sɩ na ŋɩɩ, ba pɩɛsɛ Yesu a bʋl, “La Tɩɩna, ŋ jaŋ leŋ dɩ la sʋl nyiniŋ dɩ ʋ lɩɩ wɩa-nyuŋ kʋ tuu a diiba koo?”

MOSIS BƖRA WULLI WƖA WOMBIIŊ 23:14

Má leŋ dɩ ma dɩhɔnʋŋ zɔŋ ma TƖƖNA Wɩa sɩaa lɛ, bɛɛ wɩaa ʋ hɛ ma tʋɔŋ nɛ ma dɩ-hɔnɩɩ-la lɛ, a pʋpɔma, a leŋ ma yuo didii ma dʋndɔŋŋɔɔ. Ma pɔ dɩ má sɩ́ wɩɩkala sɩ kɛŋ disiniŋ ŋaa dɩ ŋɩɩ leŋ dɩ ʋ mɩɩrɛ ma harɩŋ.

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

Hiburu TƖŊŊAA 13:13

Yesu dii hɩɩsɩŋ nɛ woruŋ taŋ-la jeeŋ harɩŋ, ŋɩɩ wɩaa má leŋ dɩ la mʋ lee-la a ma dii hɩɩsɩ-la tɩtɩa.

Jɔɔŋ Wʋnaalaa 11:5

Dɩ nʋʋkala nɩɩ chɛ dɩ ʋ ŋaaba wʋbɔŋ, nyiniŋ yie lɩɩ ba niiŋ lɛ nɛ a dii ba dʋndɔŋŋɔɔ kala. Nʋʋ na-kala sɩɩ chɛ ʋ ŋaaba wʋbɔŋ, ŋ-la nɛ ʋ yie sʋʋ.

Jɔɔŋ Wʋnaalaa 13:13

Baga kʋa deeŋ ŋaa wʋmagɩlaa yʋgɛ nɛ. Ʋ paala leŋ nyiniŋ lɩɩ wɩa-nyuŋ kʋ tuu tinteeŋ, nʋʋkala na.