Jɔɔŋ Wʋnaalaa 20:8 - WƖA TENIŊ

⁸ Ʋ jaŋ kʋ lɩɩ a nyɩsɛ dʋnɩa nɩaa sɩ hɛ tinteeŋ sɛmɛ-na kala lɛ dɩ ba kʋ hɛ dɔŋɔ a yuo laalɩŋ. Gɔg arɩ Magɔg nɩaa nɛ ŋɩɩ. Ba yʋga nɛ woruŋ a nagɛ mʋgʋ-balɩŋ niiŋ hagɩlɩ-bumbugulo.

Jɔɔŋ Wʋnaalaa 20:8 ပူးပေါင်းရင်းမြစ်များ

1 KUOROO 4:20

Juda arɩ Iziral nɩaa fa yʋga nɛ woruŋ a nagɛ hagɩlɩ-bumbugulo sɩ pɩŋ fuoŋ niiŋ. Ba kala fa dii yiyi nɛ a nyʋnyʋa a kɛŋ tʋɔtɔrʋŋ.

2 IZIRAL TƖŊŊAA NAABARƖŊ 18:21

Dɩma-la bʋl, ‘Mɩ jaŋ joŋ wʋnyɩɛrɩŋ a hɛ ʋ nɩalɩŋ kala sɩ bʋl wɩaa pʋpʋ niiŋ lɛ.’ La TƖƖNA bɩra bʋl, ‘Mʋ, ŋ jaŋ wuo nyɩsʋ.’ ”

AZAAYA 10:22

Iziral tɩmma, ma fa yʋga a nagɛ hagɩla sɩ pɩŋ mʋga niiŋ nɛ, ama nɩalɩŋ baŋmɛnɛ sɩ ka nɛ jaŋ mɩɩra kɔ. Cheeriŋ chaasa jʋʋma nɛ a cheima, ŋɩɩ nɛ saa maga dɩ ʋ ŋaa.

JƐRƖMAAYA 33:22

Mɩ jaŋ leŋ dɩ mɩ tɩntɩnna Devit doho nɩaa arɩ Levi doho nɩalɩŋ sɩɩ tɩŋ mɩ sɩpaaŋ doho nɩaa pʋŋ woruŋ a bɩ nii kɛnɛ a nagɛ chɛnwʋlaa sɩ hɛ wɩa-nyuŋ koo hagɩlɩ-bumbugulo sɩ pɩŋ mʋgʋ-balɩŋ niiŋ.”

ƐZƖKƖƐL 38:1

La TƖƖNA bʋl wɩaa pɩmɛ, ʋ sɩ,

ƐZƖKƖƐL 38:2

“Nuhuobiiŋ, joŋ ŋ sɩaa chaasɛ Gɔg sɩ hɛ Magɔg tinteeŋ lɛ. Ʋ nɛ ŋaa Mɛsɛk arɩ Tubal nɩaa sɩpaalaara ŋɩɩ. Bʋl wɩaa mɩ doluŋ lɛ,

ƐZƖKƖƐL 39:1

Nuhuobiiŋ, mɩ doluŋ lɛ bʋl wɩalɩŋ sɩ jaŋ ŋaa Gɔg lɛ. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ chɩŋ ŋ-na Gɔg sɩ ŋaa Mɛsɛk arɩ Tubal nɩaa sɩpaalaarʋ lɛ nɛ.

ƐZƖKƖƐL 39:6

Mɩ jaŋ joŋ nyiniŋ hɛ Magɔg tinteeŋ lɛ, a pɛ nɩalɩŋ sɩ hɔŋ mʋgʋ-balɩŋ niiŋ a ta jɩa lɛ, ŋɩɩ nɛ ba jaŋ jɩŋ arɩ mɩ nɛ ba TƖƖNA.

ƐZƖKƖƐL 7:2

“Nuhuobiiŋ, wɩɩ-la mɩ-na ma TƖƖNA Wɩɩjarɩbakɔ sɩ bʋlaa tɩgɛ Iziral tɩŋŋaa tinteeŋ lɛ nɛ ŋ-la: Ma tinteeŋ kala cheyiŋ dɩdɛrɩŋ kɔ nɛ.

Hiburu TƖŊŊAA 11:12

Abɩraham fa hɩɛsa nɛ woruŋ a kieli biiriŋ lʋlʋŋ a kpagɛ sʋʋŋ aŋ lʋl bile. Ʋ doho nɩaa pʋŋa yʋgɛ woruŋ a nagɛ chɛnwʋlaa, koo hagɩla sɩ pɩŋ mʋgʋ-balɩŋ niiŋ nɛ.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 16:14

Jɩŋ-bɔŋŋɔɔ deemba batori lɩɩ Sɩtaanɩ lɛ nɛ a yie ŋɩŋaa wʋkpuŋkperisiŋ. Ba nɛ gɔllɛ dʋnɩa kuoroo kala teeŋ, a kɛmba hɛ dɔŋɔ lɛ baa kɛŋ ba tɩtɩa dɩ ba yuo laalɩŋ La Tɩɩna doluŋ kala Tɩɩna tapʋl-bal-la.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 20:3

Ŋɩɩ nɛ Wɩa tɩndaarʋ-la joŋ dɩŋ-la a yuo hɛ buotuo-la lɛ a kaa tɔ, a magɩlɛ buotuo-la niiŋ, dɩ ʋ bɩra sɩ́ dʋnɩa nɩaa nyɩsʋ, see dɩ jɩsɩŋ bʋɩ-la bala. Dɩ jɩsɩŋ bʋɩ-la nɛ bala, ba jaŋ kɛnʋ puro ta mʋapɩlɩɩ.

Jɔɔŋ Wʋnaalaa 7:1

Wɩaa deemba kala harɩŋ, mɩ na Wɩa tɩndaaraa banɛsɛ dɩ ba chɩŋ dʋnɩa laŋgorunuŋ banɛsɛ-la lɛ. Ba fa kɛŋ peliŋ nɛ dɩ ʋ sɩ́ lu hɛ tinteeŋ arɩ mʋgʋ-balɩŋ arɩ tɩɩsɩŋ kala lɛ.

SƖPAALAARAA 7:12

Dɩ Midiaŋ tɩŋŋaa, Amalɛk tɩŋŋaa arɩ nɩalɩŋ dɔnsʋŋ kala sɩ lɩɩ wɩɩpɔsʋŋ dɩɩrɩŋ hɔnɔ su fuonaa-la kala a nagɛ hɔbɔ sɩ su leriŋ. Ba bʋntaŋŋaba ma yʋgɛ woruŋ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ, ŋ bɩ ba wuo dɩɩsɛ.

1 SAMƲƐL 13:5

Fɩlɩsɩtɩa tɩŋŋaa sii hɛ dɔŋɔ dɩ ba yuo Iziral tɩmma-la, a kɛŋ laalɩyuori janɩŋ torukoba bʋɩ batori, ja-jɩllaa bʋɩ balɩdʋ, ka laalɩyuoroo paala yʋgɛ a nagɛ hagɩlɩ-bumbugulo sɩ pɩŋ mʋga niiŋ. Ba sii jɩla ŋmoo buguŋ Mɩkɩmas lɛ, Bɛf Avɛŋ wɩɩpɔsʋŋ dɩɩrɩŋ.