Jɔɔŋ Wʋnaalaa 20:5 - WƖA TENIŊ

⁵ Nɩalɩŋ sɩ laa sɩpaaŋ sii sʋʋŋ lɛ nɛ ŋɩɩ. Nɩalɩŋ sɩ sʋba, nɩkaanaa bɩ jaŋ sii sʋʋŋ lɛ, see dɩ jɩsɩŋ bʋɩ-la dɛrɛ.

Jɔɔŋ Wʋnaalaa 20:5 ပူးပေါင်းရင်းမြစ်များ

Luuk 14:14

Dɩ ŋ nɛ ŋaa ŋɩɩ, Wɩa ma jaŋ pɛŋ lɛ, bɛɛ wɩaa ba-na bɩ jaŋ wuo tiŋ ŋ chɩmɩŋ. Wɩa jaŋ tiŋ ŋ chɩmɩŋ tapʋlɩɩ-la tʋɔpʋl tɩŋŋaa sɩ jaŋ sii sʋʋŋ lɛ.”

Rom Tɩŋŋaa 11:15

Juu tɩŋŋaa sɩ vɩa Wɩa wɩaa ŋɩɩ leŋe dʋnɩa nɩkaanaa arɩ Wɩa sɩŋ nɛ. Dɩ Juu tɩŋŋaa nɛ bɩra kʋ laa Wɩa wɩaa dii, ɛɛ nɛ saa ʋ jaŋ nagɛ? Ʋ jaŋ nagɛ nɩsʋʋnʋŋ sɩ sii sʋʋŋ lɛ nɛ.

Fɩlɩpa Nɩaa 3:11

Ŋɩɩ lɛ nɛ mɩ jaŋ kɛŋ yɩɛlaa arɩ mɩ jaŋ sii sʋʋŋ lɛ.

1 Tɛsalonaaka Nɩaa 4:16

Bʋa kʋbala La Tɩɩna Yesu jaŋ lɩɩ Wɩa-jaŋ a kʋ tuu dʋnɩa. Bʋa-la lɛ nɩaa jaŋ nɩɩ dɩ ʋ faasa kpɩa goŋ. Wɩa tɩndaaraa kʋhɩaŋ ma jaŋ kpɩa, ka dɩ ba ŋmʋʋ Wɩa nyile-la ma. Nɩalɩŋ kala sɩ laa Kirisito wɩaa dii aŋ sʋʋ, ʋ jaŋ laa sɩpaaŋ chɩsɛba dɩ ba sii sʋʋŋ lɛ.

Jɔɔŋ Wʋnaalaa 11:11

Ama tapʋlaa batori arɩ kpaa magɛ dɔŋɔ-la harɩŋ lɛ, Wɩa joŋ wiese hɛ nɩaa deemba balɩamɩŋ lɛ, ba sii chɩŋ. Nɩalɩŋ kala sɩ naba, fawʋllʋŋ kɛmba woruŋ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”