Jɔɔŋ Wʋnaalaa 20:4 - WƖA TENIŊ

⁴ Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.

Jɔɔŋ Wʋnaalaa 20:4 ပူးပေါင်းရင်းမြစ်များ

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

DANƖƐL 7:18

Ama Wɩa sɩ kɩɩ kʋŋkala nɩaa jaŋ laa kuorii-la a diiu a kaa mʋ wuu.”

DANƖƐL 7:22

a kaa mʋ yi bʋa-la lɛ Nɩɩ-la sɩ hɛ nɩmɛ faafaa kala sɩ kʋ lɩɩ dii sarɩya a laa pɛ Wɩa sɩ kɩɩ kʋŋkala nɩaa lɛ. Bʋa-la yie nɛ dɩ ba laa kuorii-la dɩ ʋ ŋaa ba kʋŋ.

DANƖƐL 7:27

Ba jaŋ joŋ doluŋ arɩ kuoruŋ yuŋuŋ kala sɩ hɛ dʋnɩa lɛ a pɩ Wɩa sɩ kɩɩ kʋŋkala nɩaa. Ba kuoruŋ doluŋ bɩ jaŋ dɛrɛ. Kuoroo kala sɩ hɛ dʋnɩa lɛ jaŋ to ba niiŋ a tɩma pɩpɩba.”

DANƖƐL 7:9

Mɩ sɩ bene, mɩ na dɩ ba bil kuoru kpasɩnɩŋ. Nɩɩ-la sɩ hɛ nɩmɛ faafaa kala hɔŋ ʋ kuoru kpasa nyuŋ. Ʋ gɛnnɩŋ fa pʋlla nɛ a nagɛ kuŋkunuŋ. Ʋ nyu-pʋnaa ma pʋllɛ a nagɛ pie-pʋnaa. Ʋ kuoru kpasa-la faa chol nyiniŋ nɛ, ʋ gɩrɩŋgɩrɩmba kala ŋaa nyiŋgeliŋ.

MALAKAƖ 4:5

Ama ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na yi, mɩ jaŋ tɩŋ mɩ wʋlaabʋlla Ɩlaaja dɩ ʋ kɔ ma teeŋ.

Matiu 19:28

Ŋɩɩ nɛ Yesu bʋla pɩ ʋ harɩ-tooro-la, “Wʋtɩtɩɩ nɛ mɩ bʋlaa pɩma, dɩ dʋnɩa falɩɩ-la nɛ yie, mɩ-na Nuhuobiine Bie jaŋ hɔŋ mɩ kuoru kpasa nyuŋ Wɩa pʋlʋmʋŋ tʋɔŋ. Bʋa-la lɛ, ma harɩ-tooroo deemba fii arɩ balɩa-la sɩ to mɩ harɩŋ, ma ma jaŋ hɔŋ kuoru kpasɩnɩŋ fii arɩ balɩa nyuŋ a bibeŋ Iziral tinteyee fii arɩ balɩa-la a dii ba sarɩya.

Matiu 24:10

Bʋa-la lɛ nɩaa jaŋ yʋgɛ a joŋ ba Wɩa laa diiniŋ ta, ba jaŋ joŋ dɔŋɔ yɩyallɛ, a bɛrɛ dɔŋɔ ma.

Maak 6:16

Kuoro Hɛrɔd sɩ nɩɩ ʋ wɩaa ʋ bʋl, “Jɔɔŋ nɛ ŋɩɩ. Ʋ nyuŋ nɛ mɩ ŋaa ba keri ŋɩɩ. Ʋ nɛ sii sʋʋŋ lɛ ŋɩɩ.”

Maak 6:27

Ŋɩɩ nɛ ʋ tɩŋ laalɩyuoro-la sɩɩ pɔʋ dɔŋɔ dɩ ʋ mʋ keri Jɔɔŋ nyuŋ kaa kɔ. Laalɩyuoru-la mʋ lee-la ba sɩ kɛŋ Jɔɔŋ mʋ tɔ a keri ʋ nyuŋ

Maak 9:11

Ŋɩɩ nɛ ba pɩɛsɛ Yesu, “Bɛɛ nɛ tɩɩ Wɩa teniŋ kerichiba bʋl arɩ Ɩlaaja nɛ jaŋ laa sɩpaaŋ kɔ, aŋ ka dɩ Wɩa Bie-na kɔ?”

Luuk 1:17

Ʋ jaŋ ŋaa Wɩa tɩntɩnnʋ a kɛŋ doluŋ arɩ Ɩlaaja fa sɩ kɛŋ doluŋ ŋɩɩ. (Ɩlaaja fa ŋaa Wɩa wʋlaabʋllʋ nɛ.) Ʋ jaŋ ŋaa dɩ biiriŋ arɩ ba nyɩmmaba kala mɩɩra sɩŋ. Ʋ jaŋ ŋaa dɩ nɩalɩŋ sɩ bɩ Wɩa niiŋ wɩaa ka to, dɩ ba bɩrɩmɛ a to tʋɔpʋl tɩŋŋaa wombiiŋ a leŋ dɩ nɩaa ŋaa siri a gbɛrɛ ba Tɩɩna.”

Luuk 14:14

Dɩ ŋ nɛ ŋaa ŋɩɩ, Wɩa ma jaŋ pɛŋ lɛ, bɛɛ wɩaa ba-na bɩ jaŋ wuo tiŋ ŋ chɩmɩŋ. Wɩa jaŋ tiŋ ŋ chɩmɩŋ tapʋlɩɩ-la tʋɔpʋl tɩŋŋaa sɩ jaŋ sii sʋʋŋ lɛ.”

Luuk 22:30

Mɩ dɩ ma kala jaŋ dii kʋdiilee Wɩa kuorii-la tʋɔŋ. Ma jaŋ hɔŋ kuoru kpasɩnɩŋ nyuŋ a dii Iziral doho doho fii arɩ balɩa-la sarɩya.”

Jɔɔŋ 14:19

Ʋ ka mʋa dʋnɩa nɩaa bɩra bɩ jaŋ namɛ, ama ma-na jaŋ namɛ. Mɩ sɩ jaŋ kɛŋ mɩɩsɩŋ ŋɩɩ, ma ma jaŋ kɛŋ mɩɩsɩŋ.

Rom Tɩŋŋaa 11:15

Juu tɩŋŋaa sɩ vɩa Wɩa wɩaa ŋɩɩ leŋe dʋnɩa nɩkaanaa arɩ Wɩa sɩŋ nɛ. Dɩ Juu tɩŋŋaa nɛ bɩra kʋ laa Wɩa wɩaa dii, ɛɛ nɛ saa ʋ jaŋ nagɛ? Ʋ jaŋ nagɛ nɩsʋʋnʋŋ sɩ sii sʋʋŋ lɛ nɛ.

Rom Tɩŋŋaa 8:17

La sɩ ŋaa Wɩa biiriŋ ŋɩɩ, Wɩa joŋ kɩaa nɛ a bil la lɛ, kɩalɩŋ kala Wɩa sɩ joŋo bil Kirisito lɛ, la ma jaŋ tɩɩba. Dɩ la dɩ Kirisito kala nɛ na hɛɛŋ, la ma jaŋ laa yɩrɩ-la Kirisito sɩ jaŋ laa.

2 Timoti 2:12

Dɩ la nɩɩ na hɛɛŋ aŋ nyalɩmɛ, la dɩ ʋ kala jaŋ dii kuoruŋ. Dɩ la nɛ sɩ la bɩ Yesu jɩŋ, ʋ ma jaŋ bʋl ʋ bɩ la jɩŋ.

Jɔɔŋ Wʋnaalaa 1:2

Ŋɩɩ nɛ Jɔɔŋ bʋl wɩalɩŋ kala ʋ sɩ na, wɩalɩŋ Wɩa sɩ dagʋ arɩ wɩalɩŋ kala Yesu Kirisito sɩ bʋla pʋ.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 11:11

Ama tapʋlaa batori arɩ kpaa magɛ dɔŋɔ-la harɩŋ lɛ, Wɩa joŋ wiese hɛ nɩaa deemba balɩamɩŋ lɛ, ba sii chɩŋ. Nɩalɩŋ kala sɩ naba, fawʋllʋŋ kɛmba woruŋ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 11:3

Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.”

Jɔɔŋ Wʋnaalaa 11:7

Dɩ ba nɛ bʋl Wɩa wɩalɩŋ dɛrɛ, baga kʋŋ jaŋ lɩɩ buotuo-luŋii-la tʋɔŋ kʋ lɩɩ yuo diiba, a kpʋba.

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 14:11

Nyiŋ-la jaŋ diiba deeŋ deeŋ, ʋ bɩ dɩsa. Nɩaa deemba bɩ jaŋ kɔ dɩ ba na wiese wɩɩhɛyɛ arɩ tɩtaŋɩŋ kala. Nɩaa deemba sɩ chʋɔlɛ baga kʋ-la arɩ ʋ nagɩsɩŋ ba sɩ mɛ bil a laa ʋ yɩrɩŋ magɩl-la, ba bɩ jaŋ na wiese.”

Jɔɔŋ Wʋnaalaa 15:2

Ŋɩɩ nɛ mɩ na kʋŋ sɩ nagɛ mʋgʋ-balɩŋ a tʋtʋl pal pal aŋ pɛ chuchol nyiniŋ. Ka mɩ na nɩalɩŋ sɩ yuo dii baga kʋ-la arɩ ʋ nagɩsɩŋ ba sɩ mɛ bil, arɩ ʋ yɩrɩŋ magɩlɩŋ, dɩ ba chɩŋ mʋgʋ-bal-la sɛmɛ. Ba fa kori chenniŋ Wɩa sɩ joŋo pɩba nɛ,

Jɔɔŋ Wʋnaalaa 17:8

Baga kʋ-la ŋ sɩ na nɛ fa hɛ nɩmɛ bumbuŋ aŋ bɩra tuo. Ʋ jaŋ lɩɩ buotuo-luŋii-la tʋɔŋ kʋ lɩɩ a mʋ sʋʋ. Nɩalɩŋ kala sɩ hɛ dʋnɩa lɛ ka ba bɩ ba yɩraa ŋmʋnsa hɛ mɩɩsɩŋ teŋ-la lɛ a lɩɩ dʋnɩa dɩ-suomuŋ jaŋ na baga kʋ-la dɩ ʋ ŋaaba wʋkpuŋkpere, bɛɛ wɩaa ʋ fa hɛ nɩmɛ bumbuŋ aŋ bɩra tuo, aŋ saa jaŋ bɩra kɔ.

Jɔɔŋ Wʋnaalaa 2:26

Nɩɩ-la kala sɩ wuo yuo dii Sɩtaanɩ aŋ ŋɩŋaa wɩalɩŋ mɩ sɩɩ chɛ a mʋ yi ʋ mɩɩsɩŋ dɩdɛrɩŋ, mɩ jaŋ pʋ doluŋ dɩ ʋ bibeŋ dʋnɩa nɩaa kala.

Jɔɔŋ Wʋnaalaa 20:6

Nɩalɩŋ sɩ laa sɩpaaŋ sii sʋʋŋ lɛ, ba bɩ disiniŋ kɛnɛ. Wɩa jaŋ pɛ ba lɛ. Nɩaa deemba sʋʋ bala nɛ, sʋʋ-lɩa-la ma bɩ jaŋ wuoba. Ba jaŋ laa nɩaa nyuŋ a tɩma pɩpɩ Wɩa arɩ Kirisito. Ba dɩ Kirisito jaŋ dii kuoruŋ jɩsɩŋ bʋɩ.

Jɔɔŋ Wʋnaalaa 22:5

Taŋ bɩ jaŋ biri nɩmɛ. Ba bɩ chaanɩŋ koo wɩɩpɔsʋŋ pʋlʋmʋŋ chɛ nɩmɛ. La Tɩɩna Wɩa nɛ jaŋ ŋaa ba pʋlʋmʋŋ. Ba nɛ jaŋ beŋ dʋnɩa a kaa mʋ wuu.

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.

Jɔɔŋ Wʋnaalaa 4:4

Ŋɩɩ nɛ mɩ na kuoru kpasɩnɩŋ mara arɩ banɛsɛ ma dɩ ba chɩna golli kuoru kpasa-la. Nɩhɩasɩŋ mara arɩ banɛsɛ hɔŋ ba nyuŋ a laalɛ gɛrɩ-pʋllʋŋ, a chu sɛlɩmɛ kuori-nyunchuuluŋ.

Jɔɔŋ Wʋnaalaa 6:9

Pie-bie-la sɩ kɛŋ kelli-la ba sɩ kaa mɛrɛ teŋ-la nɔŋ tɩɩna kaa lɛrɛ, ŋɩɩ nɛ mɩ bee na nɩalɩŋ ba sɩ kpʋa dɩnsɩŋ dɩ ba hɛ Wɩɩsʋllɩ koruŋ bʋbʋɔŋ. Nɩalɩŋ ba sɩ kpʋa faa bʋl Wɩa wɩaa nɛ a fa ŋaa La Tɩɩna Kirisito pɛ-naaraa ma, ŋɩɩ nɛ tɩɩ ba kpʋba.

Jɔɔŋ Wʋnaalaa 7:3

Ŋɩɩ nɛ ʋ bʋla pɩ Wɩa tɩndaaraa banɛsɛ-la, “Má sɩ́ tinteeŋ koo mʋgʋ-balɩŋ koo tɩɩsɩŋ chei, see dɩ la magɩlɛ la Wɩa tɩntɩnnaa ba tilliŋ lɛ.”