Jɔɔŋ Wʋnaalaa 20:3 - WƖA TENIŊ

³ Ŋɩɩ nɛ Wɩa tɩndaarʋ-la joŋ dɩŋ-la a yuo hɛ buotuo-la lɛ a kaa tɔ, a magɩlɛ buotuo-la niiŋ, dɩ ʋ bɩra sɩ́ dʋnɩa nɩaa nyɩsʋ, see dɩ jɩsɩŋ bʋɩ-la bala. Dɩ jɩsɩŋ bʋɩ-la nɛ bala, ba jaŋ kɛnʋ puro ta mʋapɩlɩɩ.

Jɔɔŋ Wʋnaalaa 20:3 ပူးပေါင်းရင်းမြစ်များ

WƖA YƖƖLAA 90:4

Jɩsɩŋ bʋɩ nagɛ tapʋl-bala nɛ ŋ teeŋ. Ba yie nagɛ tapʋlʋŋ sɩ bala nɛ, koo tɩtaŋɩŋ hawaba baŋmɛnɛ.

DANƖƐL 6:17

Ba sɩ ŋaa ŋɩɩ, ba bilimi tabɩɩŋ kʋ tɔ naachigee dɩ-jʋʋlɩɩ-la niiŋ. Ka kuoro joŋ ʋ nenii-pɩrɩŋ arɩ ʋ nɩhɩasɩŋ nenii-pɩraa a magɩlɛ, dɩ nʋʋkala sɩ́ wuo kʋ pɛ Danɩɛl lɛ a lɩɩsʋ.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Matiu 27:66

Ŋɩɩ nɛ ba laalɩyuoro-la mʋ a fere tɔ tabɩɩ-la ba sɩ kaa tɔ bʋa-la niiŋ aŋ leŋ nɩaa pɔ lee-la.

Maak 4:15

Kɩalɩŋ sɩ tel wombiiŋ lɛ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ. Dɩ ba nɩɩ wɩalɩŋ dɛrɛ, Sɩtaanɩ yie guu kɔ a kɛŋ wɩalɩŋ liiri ba tʋɔŋ lɛ.

Luuk 8:31

Ŋɩɩ nɛ jɩŋ-bɔmɔ-la sʋl Yesu dɩ ba nɛ leŋ baal-la, dɩ ʋ sɩ́ leŋe dɩ ba tuu buotuo-luŋuŋ.

2 Kɔrɩntɩ Nɩaa 11:3

Ama fawʋllʋŋ kɛmmɛ nɛ, dɩ ba sɩ kʋ nyɩsɛma dɩ ma sɩ́ Kirisito to arɩ tʋɔ-bala arɩ wʋtɩtɩɩ. A nagɛ dɩmɩŋ fa sɩ kɛŋ ʋ wʋjɩmɩŋ a nyɩsɛ Hawa ŋɩɩ.

2 Pɩɩta 3:8

Ama mɩ nandɔŋ-kpɩanaba, má sɩ́ yʋ, arɩ Wɩa teeŋ tapʋl-bala nagɛ jɩsɩŋ bʋɩ nɛ, ka jɩsɩŋ bʋɩ ma nagɛ tapʋl-bala.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 13:14

A tɩŋ wʋmagɩla-la ba sɩ pʋ doluŋ ʋ ŋaa bumbuŋ baga kʋ-la nyuŋ, ʋ nyɩsɛ dʋnɩa nɩaa dɩ ba mɛ kʋŋ sɩ nagɛ bumbuŋ baga kʋ-la, kʋ-la ba sɩ pɩra arɩ tokobiiŋ ka ʋ ha wei.

Jɔɔŋ Wʋnaalaa 17:2

Dʋnɩa kuoroo arɩ dʋnɩa nɩaa kala kɛnʋ ŋaa wʋlɩɩlɩŋ a kala bugi, a nagɛ ba sɩ nyʋa sɩ-duoŋ.”

Jɔɔŋ Wʋnaalaa 17:8

Baga kʋ-la ŋ sɩ na nɛ fa hɛ nɩmɛ bumbuŋ aŋ bɩra tuo. Ʋ jaŋ lɩɩ buotuo-luŋii-la tʋɔŋ kʋ lɩɩ a mʋ sʋʋ. Nɩalɩŋ kala sɩ hɛ dʋnɩa lɛ ka ba bɩ ba yɩraa ŋmʋnsa hɛ mɩɩsɩŋ teŋ-la lɛ a lɩɩ dʋnɩa dɩ-suomuŋ jaŋ na baga kʋ-la dɩ ʋ ŋaaba wʋkpuŋkpere, bɛɛ wɩaa ʋ fa hɛ nɩmɛ bumbuŋ aŋ bɩra tuo, aŋ saa jaŋ bɩra kɔ.

Jɔɔŋ Wʋnaalaa 20:1

Ŋɩɩ nɛ mɩ na Wɩa tɩndaara dɩ ʋ lɩɩ Wɩa-jaŋ a kʋʋ tuu tinteeŋ, a kori buotuo-luŋii-la boribiiŋ arɩ chɔrʋŋ-bal kʋbala.