Jɔɔŋ Wʋnaalaa 20:2 - WƖA TENIŊ

² Ŋɩɩ nɛ ʋ kɛŋ dɩŋ-la, dɩŋ-la fa sɩ hɛ nɩmɛ bumbuŋ, a vɔbʋ bil jɩsɩŋ bʋɩ. Dɩŋ-la nɛ ŋaa Sɩtaanɩ.

Jɔɔŋ Wʋnaalaa 20:2 ပူးပေါင်းရင်းမြစ်များ

WƖAA DƖ-SUOMUŊ 3:1

Dɩmɩŋ nɛ fa kɛŋ wʋjɩmɩŋ a kɩɩ pʋsʋ-la kala La TƖƖNA Wɩa sɩ ŋaa. Ʋ pɩɛsɛ haal-la, “Wɩa sɛnɛ sɩ má sɩ́ tɩa-la sɩ hɛ ŋmaŋkaaŋ deeŋ tʋɔŋ nɛnɛɛ dii nɛɛ?”

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

JOB 1:7

Ŋɩɩ nɛ La TƖƖNA pɩɛsɛ Sɩtaanɩ, “Nɩɩ nɛ ŋ lɩɩ kɔ daha?” Sɩtaanɩ bʋla pɩ La TƖƖNA, “Mɩ gɔllɔɔ baarɛ dʋnɩa lɛ nɛ.”

AZAAYA 24:22

Ba jaŋ kiriba hɛ dɔŋɔ a nagɛ nɩaa sɩ hɛ bɩnɩŋ dɩa tʋɔŋ. Ba jaŋ tɔba hɛ nɩmɛ a mʋ yi bʋa-la ba sɩ jaŋ dɔgɩsɛba.

AZAAYA 27:1

Tapʋlɩɩ-la, La TƖƖNA jaŋ joŋ ʋ tokobii-duo-la sɩ kɛŋ niiŋ woruŋ a dɔgɩsɛ peribanyeŋŋu, aŋ kpʋ kʋkpuŋkpere-la sɩ yʋga a nagɛ dɩmɩŋ a hɛ mʋgʋ-balɩŋ lɛ.

ƐZƖKƖƐL 47:5

Ʋ bɩra magɩsɛ naakieliŋ zɔɔ-banɔŋ, ama leriŋ deeŋ-na ŋaa fuo nɛ mɩ sɩ bɩ wuo chol, bɛɛ wɩaa lɩɩ-la fa kʋ jɩla yʋgɛ nɛ a luŋ woruŋ a magɛ puŋŋuŋ.

Matiu 19:29

Bɩra, nɩɩ-la kala sɩ leŋ ʋ dɩɩsɩŋ koo ʋ naambiiriŋ koo ʋ nyɩmma koo ʋ naaŋ koo ʋ biiriŋ koo ʋ bagɩsɩŋ a tɩŋ mɩ wɩaa, ʋ tɩɩna jaŋ bɩra na kɩaa deemba naansɩɩŋ zɔlɔ, aŋ pɛ kɛŋ mɩɩsɩ-la sɩ bɩ dɛrɛ.

Matiu 8:29

Ba sɩ na Yesu, ba guu ŋmoo niiŋ a pɩɛsʋ, “Bɛɛ nɛ ŋ chɩchɛ dɩ ŋ ŋaa la lɛ Wɩa Bii? Ŋ kɔ dɩ ŋ dɔgɩsɛla nɛɛ, ka bʋa-la ha bɩ yiee?”

Maak 4:15

Kɩalɩŋ sɩ tel wombiiŋ lɛ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ. Dɩ ba nɩɩ wɩalɩŋ dɛrɛ, Sɩtaanɩ yie guu kɔ a kɛŋ wɩalɩŋ liiri ba tʋɔŋ lɛ.

Maak 5:7

aŋ faasa ŋaa goŋ a bʋl, “Yesu, Wɩa sɩ kɩɩ kʋŋkala Bie, bɛɛ nɛ ŋ chɛ dɩ ŋ ŋaa mɩ lɛ? Mɩ joŋ Wɩa chʋŋʋŋ, sɩ́ mɩ dɔgɩsʋ.”

Jɔɔŋ 12:31

Bʋa-la lɛ Wɩa sɩ jaŋ dii dʋnɩa nɩaa sarɩya yie nɛ. Bʋa deeŋ lɛ nɛ ʋ ma jaŋ kiri Sɩtaanɩ ta, dʋnɩa nɩaa kuoro.

Jɔɔŋ 16:11

Wɩa sɩ folo dii dʋnɩa kuoro Sɩtaanɩ sarɩya ŋɩɩ, ba jaŋ jɩŋ arɩ Wɩa jaŋ dii ba ma sarɩya.

Rom Tɩŋŋaa 16:20

Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.

Hiburu TƖŊŊAA 2:14

Biiri-la Wɩa sɩ joŋo pɩ Kirisito kɛŋ chalɩŋ arɩ yaraa nɛ. Ŋɩɩ tɩtɩa nɛ Kirisito ma bɩrɩmɛ nuhuobiiŋ a kɛŋ chalɩŋ arɩ yaraa dɩ ʋ sʋʋ a wuo yuo dii Sɩtaanɩ, nɩɩ-la sɩ kɛŋ sʋʋŋ doluŋ,

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.

2 Pɩɩta 2:4

Bumbuŋ kala nɛ Wɩa tɩndaaraa dɔnsʋŋ fa ŋaa wʋbɔŋŋɔɔ. Ba sɩ ŋaa ŋɩɩ, Wɩa bɩ ba leŋe pɛɩ. Ʋ kɛsɛba a jomba yuo hɛ Wɩa-nyiniŋ tʋɔŋ. Ba kɛŋ chɔrʋmɔɔ vɔɔba a leŋ ba pɩŋ birimiŋ tʋɔŋ. Ba jaŋ hɛ nɩmɛ a kaa mʋ yi tapʋlɩɩ-la Wɩa sɩ jaŋ dii dʋnɩa nɩaa sarɩya.

Juud 1:6

Má sɩ́ yʋ arɩ Wɩa dɔgɩsɛ ʋ tɩndaaraa ma nɛ. Ba fa kɛŋ doluŋ nɛ a bibeŋ leree, ama ba vɩa lere-la ba sɩ hɛ nɛ. Ŋɩɩ nɛ Wɩa kɛmba hɛ chɔrʋmɔɔ a bil birimiŋ tʋɔŋ lim. Ba jaŋ hɛ nɩmɛ a kaa mʋ wuu, see dɩ tapʋlɩɩ-la Wɩa sɩ jaŋ dii nɩaa sarɩya kʋ yi.

Jɔɔŋ Wʋnaalaa 12:13

Dɩŋ-la sɩ na dɩ ba joŋu yuo ta, ʋ kʋ tuu tinteeŋ, ŋɩɩ nɛ ʋ kire to haal-la sɩ lʋl hambolibie-la harɩŋ.

Jɔɔŋ Wʋnaalaa 12:15

Ŋɩɩ nɛ lɩɩŋ lɩɩ dɩŋ-la niiŋ lɛ a nagɛ fuoŋ, a kire to haal-la harɩŋ dɩ ʋ pɛllɛ joŋu.

Jɔɔŋ Wʋnaalaa 12:17

Ŋɩɩ nɛ dɩŋ-la na baanɩŋ haal-la nyuŋ a mʋ dɩ ʋ kɛŋ haal-la biiriŋ dɔnsʋŋ a yuo laalɩŋ. Haal-la biiriŋ nɛ ŋaa nɩalɩŋ sɩ nɩɩ Wɩa niiŋ wɩaa a tutoba, a didii Yesu dansɩa, a bʋl ʋ wɩaa a pɩpɩ nɩaa.

Jɔɔŋ Wʋnaalaa 12:3

Ŋɩɩ nɛ kʋkpuŋkpere dɔŋɔ ma kʋ lɩɩ wɩa-nyuŋ. Kʋkpuŋkpere deeŋ fa nagɛ dɩmɩŋ sɩ yʋga kieli nɛ a kala fɩɛsɛ a nagɛ chalɩŋ. Dɩŋ-la fa kɛŋ nyusuŋ balɩpɛ nɛ arɩ nyilliŋ fii, a chu kuori nyunchuuluŋ balɩpɛ.

Jɔɔŋ Wʋnaalaa 12:4

Ʋ kɛŋ ʋ bʋbʋɔ-doho gbaa chɛnwʋlaa, dɩ ŋ nɛ kaa kpaa leree batori sɛmɛ dɔŋɔ kʋ tuu tel tinteeŋ. Aŋ ka dɩŋ-la mʋ chɩŋ haal-la fa sɩɩ walɩmɛ dɩ ʋ lʋl sɩpaaŋ a gbɛrɛ, dɩ haal-la nɛ lʋla, dɩ ʋ guu joŋ bile liŋ.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 13:2

Baga kʋ-la mɩ sɩ na fa nagɛ kpeye nɛ, aŋ ka ʋ naasɩŋ nagɛ lugumuŋ kɩaa, ʋ niiŋ ma nagɛ naachigiŋ kʋa. Ŋɩɩ nɛ dɩŋ-la joŋ ʋ doluŋ kala arɩ ʋ kuoru kpasa-la a pɩ baga kʋ-la.

Jɔɔŋ Wʋnaalaa 13:4

Ŋɩɩ nɛ nɩaa chʋɔlɛ dɩŋ-la a tɩŋ ʋ sɩ joŋ ʋ doluŋ a pɩ baga kʋ-la wɩaa, aŋ chʋɔlɛ baga kʋ-la ma a bʋl, “Kʋbɛɛ nɛ kɛŋ doluŋ a magɛ kʋa deeŋ? Kʋbɛɛ nɛ jaŋ wuo kɛnʋ yuo yuosuŋ?”

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 20:7

Dɩ jɩsɩŋ bʋɩ-la nɛ kiele, ba jaŋ lɩɩsɛ Sɩtaanɩ sarɩka-la lɛ.

Jɔɔŋ Wʋnaalaa 9:11

Wɩa tɩndaarʋ-la fa sɩ kori buotuo-luŋii-la boribiiŋ nɛ fa ŋaa ba kuoro. Juu tɩŋŋaa yikoro lɛ baa yɩrʋ Abadɔŋ nɛ. Giriik tɩŋŋaa ma yikoro lɛ baa yɩrʋ Apɔlɩyɔŋ nɛ.