Jɔɔŋ Wʋnaalaa 2:5 - WƖA TENIŊ

⁵ Má bɩɩna yi wɩalɩŋ lɛ a sɩ́ tele. Má bɩrɩma lɩɩ a ŋɩŋaa wɩalɩŋ ma fa sɩɩ ŋaa bumbuŋ-la. Dɩ ŋɩɩ dee, mɩ jaŋ kʋ joŋ ma chaaŋ daaŋ.

Jɔɔŋ Wʋnaalaa 2:5 ပူးပေါင်းရင်းမြစ်များ

AZAAYA 1:26

Mɩ jaŋ leŋ dɩ nɩalɩŋ sɩ jaŋ bibemma nagɛ faafaa-la nɩaa, ma nɩalɩŋ sɩ bʋl wɩaa chɩchagɩlɛma jaŋ bɩra nagɛ bumbuŋ nɩalɩŋ. Nɩaa jaŋ yɩyɩrɛ Jerusalɛm tabal-la nɩaa sɩ kɛŋ tʋɔpʋla, taŋ-la nɩaa sɩ kɛŋ wʋtɩtɩɩ.”

AZAAYA 14:12

Ɛɛ ma nɛ ŋ lɩɩ wɩa-nyuŋ kʋ tuu tel ŋɩɩ, ŋ fa nagɛ nanyʋɔlʋŋ sɩ pɔsɔ nɛ. Ŋ fa yie yuo dii tinteyee nɛ, ama lɛɛlɛ ba kiriŋ ta nɛ ŋ tuu tinteeŋ.

ƐZƖKƖƐL 20:43

Nɩmɛ nɛ ma jaŋ liisi wɩalɩŋ kala ma fa sɩ ŋaa a joŋ disiniŋ hɛ ma tɩtɩa lɛ, dɩ ma tʋɔŋ lɩɩ ma tɩtɩa a tɩŋ wʋbɔmɔ-la kala ma sɩ ŋaa wɩaa.

ƐZƖKƖƐL 36:31

Ŋɩɩ nɛ ma jaŋ liisi wʋbɔmɔ-la ma sɩ ŋaa, dɩ ma tʋɔŋ lɩɩ ma tɩtɩa a tɩŋ ma wʋbɔŋŋɔɔ arɩ wʋkɩsɩa-la ma sɩ ŋaa wɩaa.

HOSIA 14:1

Iziral tɩmma, má mɩɩra mʋ ma TƖƖNA Wɩa teeŋ. Ma wʋbɔŋŋɔɔ nɛ leŋe ma tel.

HOSIA 9:10

La TƖƖNA sɩ, “Mɩ fa sɩ na Iziral, ʋ nagɛ nʋʋ sɩ na girep nɛnɩŋ nɛ tintee-hɩlɩŋ lɛ. Mɩ fa sɩ na ba naabalɩmaba, ʋ nagɛ nʋʋ sɩ na tutogi-nambɩl folluŋ tutogo lɛ nɛ. Ama ba sɩ kʋ yi peel-la ba sɩɩ yɩrɛ Baal Pio, ba joŋ ba tɩtɩa pɩ baal vene-la nɛ a ŋaa hɩɩsɛ wɩaa, a kʋ ŋaa nɩtɔɔnɩ a nagɛ vene-la ba sɩ cho.

MALAKAƖ 3:4

dɩ Juda arɩ Jerusalɛm nɩaa Wɩɩsʋlʋŋ kɩaa tɔrɛ La TƖƖNA tʋɔŋ, arɩ ba fa sɩɩ tɔrɛ ʋ tʋɔŋ ŋɩɩ bumbuŋ-la.

MALAKAƖ 4:6

Ʋ jaŋ kɛŋ nyɩmmaba arɩ biiriŋ bɩra hɛ dɔŋɔ dɩ ba sɩŋ, dɩ ba nɛ bɩ sɛyɛ mɩ jaŋ kɔ a chei ma tinteeŋ kala gbelem gbelem.”

Matiu 5:14

Ma nagɛ chaanɩŋ nɛ dʋnɩa nɩaa kala teeŋ. Taŋ kala sɩ chɩŋ peeliŋ nyuŋ, ʋ bɩ wuo faa.

Matiu 5:15

Nʋʋkala bɩ jaŋ nyɩgɛ chaanɩŋ ʋ dɩa lɛ a kɛŋ gbaŋa chu tɔ, koo a joŋo hɛ godo bʋbʋɔŋ. Ʋ yie joŋo daŋ chaaŋ daaŋ nyuŋ nɛ, dɩ nʋʋkala sɩ hɛ dɩa-la lɛ wuo nɩna pʋlʋmʋŋ.

Maak 12:9

Ŋɩɩ nɛ Yesu pɩɛsɛba, “Ɛɛ nɛ baga-la tɩɩna jaŋ ŋaa? Ʋ jaŋ kɔ a kpʋ nɩalɩŋ sɩɩ tɩŋ baga-la lɛ kala, aŋ joŋ baga-la a pɩ nɩtanɩa.”

Luuk 1:17

Ʋ jaŋ ŋaa Wɩa tɩntɩnnʋ a kɛŋ doluŋ arɩ Ɩlaaja fa sɩ kɛŋ doluŋ ŋɩɩ. (Ɩlaaja fa ŋaa Wɩa wʋlaabʋllʋ nɛ.) Ʋ jaŋ ŋaa dɩ biiriŋ arɩ ba nyɩmmaba kala mɩɩra sɩŋ. Ʋ jaŋ ŋaa dɩ nɩalɩŋ sɩ bɩ Wɩa niiŋ wɩaa ka to, dɩ ba bɩrɩmɛ a to tʋɔpʋl tɩŋŋaa wombiiŋ a leŋ dɩ nɩaa ŋaa siri a gbɛrɛ ba Tɩɩna.”

Luuk 20:16

Ʋ jaŋ kɔ a kpʋ nɩalɩŋ sɩɩ beŋ baga-la kala aŋ joŋ baga-la a pɩ nɩtanɩa.” Nɩalɩŋ sɩ nɩɩ wɩalɩŋ Yesu sɩ bʋla, ba sɩ, “Wɩɩŋ deeŋ bɩ jaŋ kɔ dɩ ʋ ŋaa.”

Galiisia Nɩaa 5:4

Ma nɩalɩŋ sɩɩ to wɩalɩŋ Mosis sɩ bile aa walɩmɛ dɩ ma kɛŋ tʋɔpʋla Wɩa sɩpaaŋ, ma keri ma tɩtɩa ta nɛ Kirisito teeŋ. La Tɩɩna Yesu zile-la nɛ ma vɩa ŋɩɩ.

Fɩlɩpa Nɩaa 2:15

Dɩ ma nɛ ŋaa ŋɩɩ, ma jaŋ ŋaa tʋɔpʋl tɩmma a sɩ́ wʋcheeli kala kɛŋ. Ma jaŋ ŋaa Wɩa biiriŋ a hɛ wʋbɔŋ ŋaaraa arɩ nɩbɔŋŋɔɔ tʋɔŋ dʋnɩa deeŋ lɛ. Ma chaanɛ nɩaa deemba tʋɔŋ a nagɛ chɛnwʋlaa sɩ chaanɛ ŋɩɩ wɩa-nyuŋ.

Hiburu TƖŊŊAA 10:32

Má liise mʋ yi bʋa-la lɛ Wɩa sɩ suri ma sɩaa, ma kʋ laa Yesu wɩaa dii. Bʋa-la lɛ ma na hɛɛŋ nɛ woruŋ aŋ nyalɩmɛ.

2 Pɩɩta 3:17

Ma-na mɩ naambii-kpɩanaba, ma paala jɩŋ arɩ wʋnyɩɛraa deemba jaŋ kɔ. Ŋɩɩ wɩaa, má pɔ ma tɩtɩa lɛ dɩ nɩalɩŋ sɩ bɩ Wɩa niiŋ ka to sɩ́ wuo nyɩsɛma dɩ ma to ba wʋnyɩɛrɩɩ-la harɩŋ, aŋ joŋ wɩalɩŋ ma sɩ laa dii a chɩŋ ba lɛ ta.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.

Jɔɔŋ Wʋnaalaa 1:20

Wʋkpuŋkpere-la ŋ sɩ na a mʋ tɩgɛ chɛnwʋla-la balɩpɛ ŋ sɩ na mɩ na-diiŋ lɛ arɩ chaaŋ daasɩ-la balɩpɛ bʋbʋɔŋ nɛ: Chɛnwʋlaa balɩpɛ-la nɛ ŋaa Wɩa tɩndaara-la sɩɩ beŋ nɩalɩŋ sɩ laa Yesu wɩaa dii a hihilimi a hɛ tasɩ-la balɩpɛ-la sɩ hɛ Esia tinteeŋ lɛ. Chaaŋ daasɩ-la balɩpɛ nɛ ŋaa nɩalɩŋ sɩ laa Yesu wɩaa dii a hihilimi tasɩŋ balɩpɛ-la sɩ hɛ Esia tinteeŋ lɛ.

Jɔɔŋ Wʋnaalaa 16:9

Wɩɩ-pɔsʋ-la faasa nyɩgɛ nɩaa woruŋ, ba tʋtʋʋsɛ Wɩa joŋŋoo, bɛɛ wɩaa ba jɩma ʋ nɛ kɛŋ doluŋ nyanyal-dosunuŋ deemba kala lɛ. Ama ba bɩ bɩrɩma lɩɩ ba wʋbɔŋŋɔɔ lɛ dɩ ba chʋɔlɛ Wɩa.

Jɔɔŋ Wʋnaalaa 2:16

Ŋɩɩ wɩaa, má bɩrɩma lɩɩ wɩalɩŋ lɛ, dɩ ŋɩɩ dee mɩ jaŋ kɔ lɛɛlɛ a kɛŋ mɩ niiŋ wʋbʋlaa sɩ nagɛ tokobiiŋ, a yuoma.

Jɔɔŋ Wʋnaalaa 2:19

Bʋla pɩba dɩ mɩ jɩŋ wɩalɩŋ kala ba sɩɩ ŋaa nɛ. Mɩ jɩŋ ŋɩɩ ma sɩ cho nɩaa nɛ, arɩ ŋɩɩ ma sɩ laa Wɩa dii, arɩ ŋɩɩ ma sɩɩ pɛ nɩaa lɛ, arɩ ŋɩɩ ma sɩ kɛŋ kenyiri. Lɛɛlɛ ma paala ŋaa wɩaa deemba aa kɩɩ ŋɩɩ ma fa sɩɩ ŋaa nɛ bumbuŋ-la.

Jɔɔŋ Wʋnaalaa 2:2

Mɩ jɩŋ wɩalɩŋ kala ma sɩ ŋaa nɛ. Mɩ na ŋɩɩ ma sɩ tɩma arɩ sɩɩfɩɛsɩŋ nɛ, a dii kenyiri wɩɩkala lɛ. Mɩ jɩma ma dɩ nɩbɔŋŋɔɔ bɩ dɔŋɔ lɛ wuo. Nɩaa dɔnsʋŋ joŋ ba tɩtɩa arɩ ba ŋaa Wɩa nanzɔɔba nɛ, ama ma magɩsɛ nɩaa deemba nɛ a na dɩ baa nyɩɛ nɛ.

Jɔɔŋ Wʋnaalaa 3:19

Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.