Jɔɔŋ Wʋnaalaa 2:3 - WƖA TENIŊ

³ Ma kɛŋ kenyiri nɛ, a na hɛɛŋ mɩ wɩaa aŋ nyalɩmɛ, a ha bɩ lɔlɔ.

Jɔɔŋ Wʋnaalaa 2:3 ပူးပေါင်းရင်းမြစ်များ

WƖA YƖƖLAA 37:7

Dii kenyiri a gbɛrɛ La Tɩɩna. Sɩ́ leŋe dɩ wɩaa walɩmɩŋ dɩ nɩaa wɩaa nɩɩ vɛŋ woruŋ, koo dɩ nɩaa nɛ wuo ŋɩŋaa wʋbɔmɔ-la ba sɩɩ bɩɩnʋ.

WƖA YƖƖLAA 69:7

Ŋ wɩaa nɛ tɩɩ baa tʋʋsɛmɛ, mɩ kala ŋaa hɩɩsɛ.

MƖKA 7:9

Mɩ ŋaa wʋbɔŋŋɔɔ nɛ La TƖƖNA lɛ, ŋɩɩ wɩaa mɩ jaŋ nyalɩmɛ baaŋ-la ʋ sɩ na mɩ nyuŋ, a kaa mʋ yi bʋa-la lɛ ʋ sɩ jaŋ laa mɩ wɩɩŋ jɩma pɩmɛ a leŋ dɩ mɩ laa kʋsɩŋŋaa. Ʋ jaŋ kɛmmɛ kʋ lɩɩ pʋlʋmʋŋ, dɩ mɩ na ŋɩɩ ʋ sɩ laamɛ ta.

Maak 15:21

Ba sɩ kʋ lɩɩ ŋɩɩ, dɩ ba cheŋ baal kʋbala baa yɩrɛ Saamɔŋ. Ʋ jaŋ yɩrɩŋ nɛ Siriini. Ʋ nɛ fa ŋaa Alɛkɩzanda arɩ Rufas nyɩmma. Ʋ lɩɩ baga a jʋjʋʋ taŋ-la tʋɔŋ, ba kɛnʋ a fʋgʋ ʋ laa daagɛsɛ-la a baasɛ.

Luuk 14:27

Nɩɩ-la kala sɩ bɩ ʋ tɩtɩa daagɛsɛ baasɛ aŋ to mɩ harɩŋ, ʋ bɩ maga dɩ ʋ ŋaa mɩ harɩ-tooru.

Luuk 18:1

Ŋɩɩ nɛ Yesu bɩra magɛ namaga pɩba a dagɛba dɩ ba chʋchʋɔlɛ Wɩa bʋa na-kala lɛ a sɩ́ leŋ.

Luuk 21:19

Dɩ ma nɛ nyalɩma, ma jaŋ laa ma mɩɩsɩŋ.”

Luuk 5:5

Ŋɩɩ nɛ Saamɔŋ bʋla pʋ, “Mɩ kʋhɩaŋ, la yuo jomba nɛ woruŋ tɩtaŋɩŋ kala aŋ bɩ kʋŋkala kɛnɛ. Ama ŋ-na sɩ bʋl ŋ-la, mɩ jaŋ yuo.”

Luuk 8:15

Kɩalɩŋ sɩ tel tintee-zɔmʋŋ tʋɔŋ ma nɛ ŋaa nɩalɩŋ sɩ nɩɩ Wɩa niiŋ wɩalɩŋ a laaba hɛ ba tʋɔŋ lɛ a tutoba, a pɛsɛ wɩalɩŋ lɛ halɩɩ, ba kɛŋ doho.”

Jɔɔŋ 15:21

Ba jaŋ ŋaa wɩaa deemba kala a tɩŋ ma sɩɩ to mɩ harɩŋ wɩaa. Ba sɩ bɩ nɩɩ-la sɩ tɩmmɛ jɩŋ nɛ tɩɩ baa ŋaa ŋɩɩ.

Rom Tɩŋŋaa 12:12

Má jʋjʋɔsɛ a tɩŋ wɩalɩŋ ma sɩɩ yɩɛlʋ lɛ. Dɩ ma nɩɩ na hɛɛŋ, má dii kenyiri. Má pɛsɛ a chʋchʋɔlɛ Wɩa.

Rom Tɩŋŋaa 16:12

Má chʋɔlɛ Tɩrafɩɩna arɩ Tɩrafosa. Ba ŋaa haala sɩ faasa tɩŋ La Tɩɩna Yesu tɩntɩŋŋaa nɛ. Má chʋɔlɛ mɩ tanlɔŋ-chooluŋ Pɛsɩs. Ʋ ma ŋaa haal sɩ faasa tɩŋ tɩntɩŋŋaa a pɩ La Tɩɩna Yesu nɛ.

Rom Tɩŋŋaa 2:7

Nɩalɩŋ sɩ kɛŋ kenyiri a ŋɩŋaa wʋzɔŋŋɔɔ, a ŋaa ŋɩɩ a chɩchɛ dɩ ba laa yɩrɩŋ Wɩa sɩpaaŋ, a chɩchɛ mɩɩsɩ-la sɩ bɩ dɛrɛ, Wɩa jaŋ joŋo pɩba.

Rom Tɩŋŋaa 8:25

Ama dɩ la nɩɩ yɩɛlɛ wɩalɩŋ la ha sɩ bɩ na, la dii kenyiri a gbɩgbɛrɛ. La sɩ yie kɛŋ yɩɛlaa ŋɩɩ a kɛŋ kenyiri,

1 Kɔrɩntɩ Nɩaa 13:7

Dɩ ŋ nɛ cho nɩaa, ŋ jaŋ kɛŋ nyalɩma wɩɩkala lɛ, a laaba dii, a kɛŋ yɩɛlaa, a kɛŋ nyʋa-mɛrɛ.

1 Kɔrɩntɩ Nɩaa 16:16

dɩ ma tuto nɩdosunuŋ deemba niiŋ. Má tuto Wɩa tɩntɩnnʋ-na kala niiŋ, arɩ nɩalɩŋ sɩɩ pɛ la lɛ la tɩtɩŋ.

2 Kɔrɩntɩ Nɩaa 10:15

La bɩ la tɩtɩa lɛ bigise a tɩŋ tɩntɩmɩɩ-la nɩaa dɔnsʋŋ sɩ tɩma kieli ŋɩɩ Wɩa sɩ kere pɩla lɛ. La kɛŋ yɩɛlaa arɩ ma jaŋ waa wɩalɩŋ ma sɩ laa dii lɛ, dɩ tɩntɩmɩɩ-la la sɩɩ tɩŋ ma teeŋ ma pʋŋa pɛ. Ama la jaŋ tɩma magɛ ŋɩɩ Wɩa sɩ kere pɩla.

2 Kɔrɩntɩ Nɩaa 11:23

Ba ŋaa Kirisito tɩntɩnna nɛɛ? Mɩɩ bʋl wɩaa arɩ mɩ nyuŋ tuo nɛ. Mɩ ma ŋaa dɔŋɔ nɛ, a paala kɩɩba. Mɩ nɛ paala fɩɛsɛ sɩɩŋ a tɩŋ kɩŋkɛŋ. Ba kɛmmɛ tɔ dɩa a yʋgɛ nɛ. Ba sɩ ŋmoomi kɩŋkɛŋ mɩ ka mʋa dɩ mɩ sʋba, mɩ bɩ ʋ ma niiŋ jɩŋ.

2 Kɔrɩntɩ Nɩaa 4:1

Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ.

2 Kɔrɩntɩ Nɩaa 4:16

A tɩŋ wɩɩŋ deeŋ wɩaa la nandaasɩŋ bɩ yʋɔrɛ. Yara-la la sɩ kɛnɛ la mɩɩsɩŋ deeŋ lɛ, ʋʋ hɩɛsɛ nɛ, ama la dɩnsɩŋ-na wasa zʋzɔŋ nɛ tapʋlɩɩ kala.

2 Kɔrɩntɩ Nɩaa 5:9

Ŋɩɩ wɩaa, dɩ la nɛ hɛ dʋnɩa deeŋ lɛ, la cho dɩ la ŋaa wɩaa dɩ ʋ tʋɔŋ tʋtɔrɛ nɛ. Dɩ la nɛ mʋ ʋ teeŋ maa, ŋɩɩ tɩtɩa nɛ la jaŋ ŋɩŋaa,

2 Kɔrɩntɩ Nɩaa 6:5

Ba yie ŋmoola, a kɛnla tɔ dɩa, nɩaa hɛ yuosuŋ la nyuŋ, la yie faasa tɩtɩŋ nɛ, la bɩ doŋ pɩŋ, losuŋ ma kɛnla.

Galiisia Nɩaa 6:2

Dɩ ma kʋŋ nɛ jʋʋ wɩɩ, má pɛ ʋ lɛ. Dɩ ma nɩɩ ŋaa ŋɩɩ, maa to Kirisito niiŋ nɛ.

Galiisia Nɩaa 6:9

Ŋɩɩ wɩaa, má sɩ́ leŋe dɩ la lɔl wʋzɔŋŋɔɔ ŋaanɩŋ lɛ. Dɩ la nɛ ŋaa wʋzɔŋŋɔɔ a lɔl aŋ nyalɩmɛ, dɩ bʋa-la nɛ yie, Wɩa jaŋ tinla.

Fɩlɩpa Nɩaa 2:16

Ŋɩɩ wɩaa ʋ maga dɩ ma tuto Wɩa niiŋ wɩalɩŋ sɩɩ pɩ mɩɩsɩŋ. Dɩ ma nɛ ŋaa ŋɩɩ, mɩ jaŋ wuo bigisi mɩ tɩtɩa lɛ a mʋ tɩgɛ tɩntɩmɩɩ-la kala mɩ sɩ tɩma, tapʋlɩɩ-la La Tɩɩna Yesu Kirisito sɩ jaŋ kɔ. Ŋ-la nɛ jaŋ dagɛ arɩ tɩntɩmɩɩ-la kala mɩ sɩ tɩma bɩ pɛɩ ŋaa.

Fɩlɩpa Nɩaa 4:3

Ŋ-na mɩ tɩntɩnnɩ dɔŋ, mɩɩ chɛ dɩ ŋ pɛ haalaa deemba lɛ nɛ dɩ ba sɩŋ. Ba dɩ Kɩlɛmɛnt nɛ pɛ mɩ lɛ la bʋl Yesu wʋzɔmɔ-la a pɩ nɩaa, a saa pɛ mɩ tɩntɩnnɩ dɔnsʋ-la kala lɛ. Ba kala yɩraa nɛ hɛ mɩɩsɩŋ teŋ-la lɛ.

Koloosi Nɩaa 1:11

Wɩa jaŋ pɩma ʋ dol-bal-la, dɩ ma wuo kɛŋ pɩɩna arɩ kenyiri, a kɛŋ tʋɔtɔrʋŋ

1 Tɛsalonaaka Nɩaa 1:3

La yie liliisu ŋɩɩ ma sɩ tɩŋ ʋ tɩntɩŋŋaa a tɩŋ ma sɩ laa Yesu wɩaa dii wɩaa, arɩ ŋɩɩ ma sɩ cho nɩaa, arɩ ŋɩɩ ma sɩ kɛŋ yɩɛlaa La Tɩɩna Yesu Kirisito lɛ.

1 Tɛsalonaaka Nɩaa 2:9

La naambiiriŋ, ma jɩŋ ŋɩɩ la fa sɩ faasa tɩŋ a na hɛɛŋ bʋa-la lɛ la fa sɩ bʋl Wɩa wʋzɔmɔ-la aa pɩma. La tɩŋ wɩɩhɛyɛ arɩ tɩtaŋɩŋ kala nɛ, dɩ la sɩ́ ma nyuŋ hɔŋ a gbɛrɛma.

1 Tɛsalonaaka Nɩaa 5:12

La naambiiri, ʋ maga dɩ ma zizil nɩalɩŋ La Tɩɩna Kirisito sɩ lɩɩsa dɩ ba tɩtɩŋ ma teeŋ aŋ pɛ ŋaa nɩhɩasɩŋ ma teeŋ aa dagɛma Wɩa wɩaa.

2 Tɛsalonaaka Nɩaa 3:13

Ama la naambiiriŋ, má sɩ́ lɔl wʋzɔŋŋɔɔ ŋaanɩŋ lɛ.

2 Tɛsalonaaka Nɩaa 3:5

Mɩɩ sʋl La Tɩɩna Wɩa dɩ ʋ leŋ dɩ ma wuo jɩŋ ma tʋɔŋ lɛ arɩ ʋ choma nɛ woruŋ. Mɩɩ sʋlʋ dɩ ʋ leŋ dɩ ma wuo kɛŋ kenyiri Kirisito doluŋ lɛ.

2 Tɛsalonaaka Nɩaa 3:8

La fa bɩ nʋʋkala kʋdiilee die dɩ la bɩ tɩɩna time. La tɩma nɛ woruŋ a suoli wɩɩhɛyɛ arɩ tɩtaŋɩŋ kala dɩ la wuo nɩna la kʋchɛɛlɛɛ, dɩ la sɩ́ hɔnɔ gbɛrɛ ma kʋŋkala aa chɛ kɩaa ma teeŋ.

1 Timoti 4:10

Laa yɩɛlɛ Wɩa sɩ weye lɛ nɛ. Ŋɩɩ nɛ tɩɩ laa loo a faasaa tɩŋ woruŋ. Wɩa nɛ ŋaa nʋʋkala Laataara, a saa wasanyaŋ nɩalɩŋ sɩ laa ʋ wɩaa dii.

1 Timoti 5:17

Wɩa nɩaa nɩhɩasɩ-la sɩɩ tɩŋ ba tɩntɩŋŋaa woruŋ, ʋ maga dɩ nɩalɩŋ sɩ laa Yesu wɩaa dii aa hilimi zizilba nɛ, a wasanyaŋ nɩalɩŋ sɩ faasa bʋl Wɩa wɩaa aŋ pɛ dɩdagɛ nɩaa,

Hiburu TƖŊŊAA 10:36

Ʋ maga dɩ ma kɛŋ kenyiri a wuo ŋaa wɩalɩŋ Wɩa sɩɩ chɛ. Dɩ ma nɛ ŋaa ŋɩɩ, ma jaŋ na kɩalɩŋ ʋ sɩ sɩ ʋ jaŋ joŋo pɩma.

Hiburu TƖŊŊAA 12:1

La sɩ na dɩ nɩ-daŋ deeŋ gollila a ŋaa pɛ-naaraa a mʋ tɩgɛ ba sɩ laa Wɩa wɩaa laa dii lɛ, má leŋ dɩ la joŋ wɩalɩŋ kala sɩ nyagɛla bil ta, arɩ wʋbɔmɔ-la kala sɩ mɛrɛ la lɛ. Má leŋ dɩ la nyalɩmɛ a mʋmʋ sɩpaaŋ, a ŋaa wɩɩ-la Wɩa sɩ joŋo bil la sɩpaaŋ.

Hiburu TƖŊŊAA 13:13

Yesu dii hɩɩsɩŋ nɛ woruŋ taŋ-la jeeŋ harɩŋ, ŋɩɩ wɩaa má leŋ dɩ la mʋ lee-la a ma dii hɩɩsɩ-la tɩtɩa.

Hiburu TƖŊŊAA 6:10

Wɩa kɛŋ wʋtɩtɩɩ, ʋ bɩ jaŋ yʋ tɩntɩmɩɩ-la ma sɩ tɩma pʋ arɩ chono-la ma sɩ daga pʋ a pɛ ʋ nɩaa lɛ aŋ ha pɩpɛ ba lɛ.

Hiburu TƖŊŊAA 6:12

La bɩ chɛ dɩ ma kɛŋ yarɩwɩɩŋ. Laa chɛ dɩ ma to nɩalɩŋ sɩ laa Wɩa wɩaa dii faafaa naabʋɔsʋŋ nɛ. Nɩaa deemba chɩŋ wɩalɩŋ ba sɩ laa dii lɛ nɛ a nyalɩma ŋɩɩ halɩɩ, a wuo na kɩalɩŋ Wɩa fa sɩ bʋla pɩba arɩ ba jaŋ na.

Hiburu TƖŊŊAA 6:15

Ŋɩɩ nɛ Abɩraham kɛŋ kenyiri a gbɛrɛ, a sɛnɛ na wɩɩ-la Wɩa fa sɩ bʋla pʋ arɩ ʋ jaŋ na.

2 Pɩɩta 1:6

Má to ma wʋjɩmɩɩ-la lɛ a kɛŋ ma tɩtɩa woruŋ. Ma sɩ kɛŋ ma tɩtɩa woruŋ ŋɩɩ, má kɛŋ nyalɩma. Ma sɩ kɛŋ nyalɩma ŋɩɩ, má ŋɩŋaa wɩalɩŋ sɩɩ to Wɩa wombiiŋ,

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 3:10

A tɩŋ ma sɩ to mɩ niiŋ wɩaa a nyalɩmɛ, mɩ ma jaŋ pɔma a lɩɩsɛma hɛɛ-la sɩ jaŋ jʋʋ dʋnɩa nɩaa kala, a magɩsɛba.