Jɔɔŋ Wʋnaalaa 2:26 - WƖA TENIŊ

²⁶ Nɩɩ-la kala sɩ wuo yuo dii Sɩtaanɩ aŋ ŋɩŋaa wɩalɩŋ mɩ sɩɩ chɛ a mʋ yi ʋ mɩɩsɩŋ dɩdɛrɩŋ, mɩ jaŋ pʋ doluŋ dɩ ʋ bibeŋ dʋnɩa nɩaa kala.

Jɔɔŋ Wʋnaalaa 2:26 ပူးပေါင်းရင်းမြစ်များ

WƖA YƖƖLAA 2:8

Pɩɛsɛmɛ, mɩ jaŋ joŋ tinteye-la kala sɩ hɛ tinteeŋ lɛ a pɩŋ dɩ ba ŋaa ŋ kɩaa.

WƖA YƖƖLAA 2:9

Ŋ jaŋ bemba arɩ hɔɔ-daaŋ, a kɛnʋ yɛrɛba a nagɛ ba sɩ yie ŋmoo pupoiŋ ʋ yɛrɛ ŋɩɩ muno muno.’ ”

WƖA YƖƖLAA 49:14

Ba jaŋ sʋʋ a nagɛ piesee, sʋʋŋ jaŋ nagɛ nɩɩ-la sɩɩ daaba. Ʋ jaŋ daaba kaa mʋ hɛ sʋʋŋ bʋa lɛ. Chʋchʋɔŋ tʋɔpʋl tɩŋŋaa jaŋ yuo diiba, dɩ ba pʋa bʋa tʋɔŋ dɩ lɛlɛɛ-jaŋ ŋaa ba dɩa.

DANƖƐL 7:18

Ama Wɩa sɩ kɩɩ kʋŋkala nɩaa jaŋ laa kuorii-la a diiu a kaa mʋ wuu.”

DANƖƐL 7:22

a kaa mʋ yi bʋa-la lɛ Nɩɩ-la sɩ hɛ nɩmɛ faafaa kala sɩ kʋ lɩɩ dii sarɩya a laa pɛ Wɩa sɩ kɩɩ kʋŋkala nɩaa lɛ. Bʋa-la yie nɛ dɩ ba laa kuorii-la dɩ ʋ ŋaa ba kʋŋ.

DANƖƐL 7:27

Ba jaŋ joŋ doluŋ arɩ kuoruŋ yuŋuŋ kala sɩ hɛ dʋnɩa lɛ a pɩ Wɩa sɩ kɩɩ kʋŋkala nɩaa. Ba kuoruŋ doluŋ bɩ jaŋ dɛrɛ. Kuoroo kala sɩ hɛ dʋnɩa lɛ jaŋ to ba niiŋ a tɩma pɩpɩba.”

Matiu 10:22

Nʋʋkala jaŋ bɛrɛma a tɩŋ mɩ wɩaa. Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Matiu 19:28

Ŋɩɩ nɛ Yesu bʋla pɩ ʋ harɩ-tooro-la, “Wʋtɩtɩɩ nɛ mɩ bʋlaa pɩma, dɩ dʋnɩa falɩɩ-la nɛ yie, mɩ-na Nuhuobiine Bie jaŋ hɔŋ mɩ kuoru kpasa nyuŋ Wɩa pʋlʋmʋŋ tʋɔŋ. Bʋa-la lɛ, ma harɩ-tooroo deemba fii arɩ balɩa-la sɩ to mɩ harɩŋ, ma ma jaŋ hɔŋ kuoru kpasɩnɩŋ fii arɩ balɩa nyuŋ a bibeŋ Iziral tinteyee fii arɩ balɩa-la a dii ba sarɩya.

Matiu 24:13

Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Jɔɔŋ 6:29

Ʋ bʋl, “Tɩntɩmɩɩ-la Wɩa sɩ cho dɩ maa tɩŋ nɛ ŋ-la: Má laa mɩ-na nɩɩ-la ʋ sɩ tɩma wɩaa dii.”

Rom Tɩŋŋaa 2:7

Nɩalɩŋ sɩ kɛŋ kenyiri a ŋɩŋaa wʋzɔŋŋɔɔ, a ŋaa ŋɩɩ a chɩchɛ dɩ ba laa yɩrɩŋ Wɩa sɩpaaŋ, a chɩchɛ mɩɩsɩ-la sɩ bɩ dɛrɛ, Wɩa jaŋ joŋo pɩba.

Rom Tɩŋŋaa 8:37

Arɩ ŋɩɩ kala, dɩ wɩaa deemba kʋŋkala nɛ kʋ jʋʋla, la yie wuo yuo dii nɛ a tɩŋ nɩɩ-la sɩ chola wɩaa.

1 Tɛsalonaaka Nɩaa 3:5

Mɩ sɩ nyalɩma lɔl dɩ mɩ kʋ nama, ŋɩɩ nɛ mɩ tɩŋ Timoti dɩ mɩ jɩŋ ŋɩɩ ma sɩ chɩna a mʋ tɩgɛ wɩalɩŋ ma sɩ laa dii lɛ. Mɩ bɔyɛ faa joŋ nɛ arɩ Sɩtaanɩ jaŋ magɩsɛma a ŋaa dɩ ma joŋ wɩalɩŋ ma sɩ laa dii ta. Dɩ ma nɛ ŋaa ŋɩɩ, tɩntɩmɩɩ-la la sɩ tɩma ma teeŋ jaŋ ŋaa pɛɩ.

Hiburu TƖŊŊAA 3:6

Ama Kirisito-na fa ŋaa Wɩa Bii nɛ, a kɛŋ wʋtɩtɩɩ a bibeŋ Wɩa nɩaa. Dɩ la ma nɛ kɛŋ bɔɩ-duoŋ a tɩŋ kɩalɩŋ la sɩɩ yɩɛlʋ wɩaa, la jaŋ wuo ŋaa ʋ nɩaa.

Jeems 2:20

Bɛɛ nɛ tɩɩ ma yaarɛ ŋ-la a bɩɩnɛ dɩ nʋʋ jaŋ wuo laa Wɩa wɩaa dii aŋ bɩ wʋzɔŋŋɔɔ ŋaa pɩpɛ? Má leŋ dɩ mɩ dagɛma arɩ nʋʋ nɛ sɩ ʋ laa Wɩa wɩaa dii nɛ aŋ bɩ wʋzɔŋŋɔɔ ŋaa pɩpɛ, ʋ Wɩa laa diine-la ŋaa pɛɩ nɛ.

1 Jɔɔŋ 2:19

Ba lɩɩ la tʋɔŋ nɛ, ama la dɩ ba fa bɩ kʋbala ŋaa. Dɩ la dɩ ba nɛ fa ŋaa kʋbala, ba ma fa ha jaŋ hɛ la tʋɔŋ. Ama ba sɩ lɩɩ la tʋɔŋ nɛ daga arɩ la dɩ ba bɩ kʋbala ŋaa.

1 Jɔɔŋ 3:23

Wɩɩ-la ʋ sɩ daga nɛ: dɩ la laa ʋ Bie Yesu Kirisito wɩaa dii a cho dɔŋɔ, arɩ ŋɩɩ ʋ sɩ dagɛla.

1 Jɔɔŋ 5:5

Kʋbɛɛ nɛ saa kɛŋ doluŋ dɩ ʋ wuo yuo dii dʋnɩa? See nɩɩ-la kala sɩ laa dii arɩ Yesu nɛ ŋaa Wɩa Bie.

Jɔɔŋ Wʋnaalaa 2:11

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii aa hilimi lee-na kala Esia lɛ. Nɩɩ-la kala sɩ wuo yuo dii Sɩtaanɩ, dɩ ʋ nɛ sʋba, ʋ bɩ jaŋ jʋʋ Wɩa nyiniŋ.

Jɔɔŋ Wʋnaalaa 2:17

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ. Nɩɩ-la kala sɩ yuo dii Sɩtaanɩ, mɩ jaŋ joŋ kʋdiile-la sɩ faa Wɩa-jaŋ lɛ a pʋ, a joŋ tabɩɩ-pʋla ma a pʋ. Mɩ jaŋ ŋmʋnsɛ yɩrɩ-falɩŋ a hɛ tabɩɩ-la lɛ. Yɩrɩ-la nʋʋkala bɩ jaŋ jɩmʋ, see nɩɩ-la sɩ laa tabɩɩ-la dʋndʋŋa.”

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.

Jɔɔŋ Wʋnaalaa 21:7

Nɩɩ-la kala sɩ wuo yuo dii Sɩtaanɩ jaŋ na kɩaa deemba kala. Mɩ jaŋ ŋaa ʋ Wɩa, ʋ ma jaŋ ŋaa mɩ bii.

Jɔɔŋ Wʋnaalaa 22:5

Taŋ bɩ jaŋ biri nɩmɛ. Ba bɩ chaanɩŋ koo wɩɩpɔsʋŋ pʋlʋmʋŋ chɛ nɩmɛ. La Tɩɩna Wɩa nɛ jaŋ ŋaa ba pʋlʋmʋŋ. Ba nɛ jaŋ beŋ dʋnɩa a kaa mʋ wuu.

Jɔɔŋ Wʋnaalaa 3:12

Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ nagɛ jebiiŋ a hɛ Wɩa dɩɩ-balɩŋ tʋɔŋ. Ʋ bɩ jaŋ kɔ dɩ ʋ lɩɩ Wɩa dɩɩ-bal-la tʋɔŋ. Mɩ jaŋ ŋmʋnsɛ Wɩa yɩrɩŋ a hɛ ʋ lɛ, a ŋmʋnsɛ Wɩa-jaŋ yɩrɩŋ ma hɛ ʋ lɛ. Jaŋ-la nɛ ŋaa Jerusalɛm falɩɩ-la sɩ lɩɩ Wɩa-jaŋ kʋ tuu. Mɩ jaŋ ŋmʋnsɛ mɩ tɩtɩa yɩrɩ-falɩŋ a hɛ ʋ lɛ.

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.

Jɔɔŋ Wʋnaalaa 3:5

Nɩɩ-la kala sɩ wuo yuo dii Sɩtaanɩ, ʋ tɩɩna jaŋ laalɛ gɛrɩ-pʋllʋŋ. Mɩ bɩ jaŋ kpʋ ʋ yɩrɩŋ ta mɩɩsɩŋ teŋ-la tʋɔŋ. Mɩ jaŋ suri mɩ niiŋ a yɩrɛ ʋ yɩrɩŋ mɩ Nyɩmma Wɩa arɩ ʋ tɩndaaraa sɩpaaŋ.