Jɔɔŋ Wʋnaalaa 2:23 - WƖA TENIŊ

²³ Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

Jɔɔŋ Wʋnaalaa 2:23 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 17:18

Mɩ ŋaa ŋ tɩntɩnnʋ nɛ, ŋ jɩŋ mɩ wɩɩkala nɛ. Mɩ bɩra bɩ wɩɩkala kɛnɛ mɩ bʋl, ŋ sɩ leŋe mɩ yɩrɩŋ sii ŋɩɩ.

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

1 IZIRAL TƖŊŊAA NAABARƖŊ 29:17

Mɩ Wɩa, mɩ jɩma ŋ yie magɩsɛ nʋʋkala tʋɔŋ nɛ. Ŋ tʋɔŋ tɔrɛ nɩalɩŋ kala sɩ kɛŋ wʋtɩtɩɩ nyuŋ nɛ. Tʋɔpʋla arɩ wʋtɩtɩɩ nɛ mɩ kaa joŋ kɩaa deemba kala pɩŋ. Ŋ nɩaa ma kala sɩ hilimi daha tʋɔŋ tɔrɔ nɛ ba sɩ kɛŋ kɩaa kʋ pɩŋ.

2 IZIRAL TƖŊŊAA NAABARƖŊ 6:30

ŋ hɛ ŋ jaŋ lɛ nɛ, jegile nɩɩ a joŋ ʋ wʋbɔŋŋɔɔ chɛʋ aŋ pɛ ʋ lɛ. Ŋ jɩŋ nʋʋkala tʋɔbɩɩnaa arɩ ʋ mɛlɛ sɩ nagɛ ŋɩɩ nɛ. Ŋaa ŋɩɩ sɩ maga dɩ ŋ ŋaa nʋʋkala lɛ.

JOB 24:23

Wɩa jaŋ wuo leŋ dɩ ba hɔŋ, wɩɩkala bɩ baa walɩmɛ. Ama ʋʋ beŋ wɩalɩŋ kala ba sɩɩ ŋaa nɛ.

WƖA YƖƖLAA 139:1

La Tɩɩna, ŋ bemmi nɛ woruŋ, a jɩŋ mɩ tʋɔŋ kala.

WƖA YƖƖLAA 26:2

La Tɩɩna, magɩsɛmɛ a na, a jɩŋ mɩ tʋɔbɩɩnaa, a jɩŋ ŋɩɩ mɩ sɩ naga.

WƖA YƖƖLAA 44:21

ŋ-na Wɩa fa jaŋ jɩŋ, bɛɛ wɩaa ŋ jɩŋ nuhuobiine tʋɔbɩɩnaa kala nɛ.

WƖA YƖƖLAA 62:12

chonuŋ ma ŋaa ʋ-na La Tɩɩna kʋŋ. Wʋtɩtɩɩ, ŋ jaŋ tiŋ nʋʋkala a magɛ ŋɩɩ ʋ sɩ tɩma magɛ.

WƖA YƖƖLAA 7:9

Mɩ Wɩa, ŋ ŋaa tʋɔpʋl Tɩɩna nɛ, a jɩŋ nɩaa tʋɔbɩɩnaa arɩ ba wʋchɛɛlɛɛ. Leŋ dɩ nɩbɔŋŋɔɔ leŋ wʋbɔŋŋɔɔ ŋaanɩŋ aŋ pɔ tʋɔpʋl tɩŋŋaa.

JƐRƖMAAYA 11:20

Ama La TƖƖNA, doluŋ kala Tɩɩna, ŋ nɛ yie dii sarɩya arɩ tʋɔpʋla, a magɩsɛ nɩaa tʋɔbɩɩnaa arɩ wɩalɩŋ sɩ hɛ ba nyuŋ lɛ a jɩmba. Leŋ dɩ mɩ na ŋɩɩ ŋ sɩ jaŋ joŋ ŋ baanɩŋ a tiŋ ba lɛ, bɛɛ wɩaa mɩ joŋ mɩ wɩɩkala hɛ ŋ nɩsɩŋ lɛ nɛ.

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

JƐRƖMAAYA 20:12

La TƖƖNA doluŋ kala Tɩɩna, ŋ nɛ yie magɩsɛ tʋɔpʋl tɩŋŋaa, a jɩŋ wɩalɩŋ sɩ hɛ ba tʋɔŋ arɩ ba nyuŋ lɛ. Leŋ dɩ mɩ na ŋɩɩ ŋ sɩ jaŋ joŋ ŋ baanɩŋ timba, bɛɛ wɩaa, mɩ joŋ mɩ wɩɩkala hɛ ŋ nɩsɩŋ lɛ nɛ.

ZEFANAAYA 1:11

Ma nɩalɩŋ sɩ hɛ yɔbɔ leriŋ, má yel. Ba jaŋ kpʋ ma bayalaa kala. Ma nɩalɩŋ sɩɩ yɔɔ kɩaa arɩ nɩalɩŋ sɩɩ yallɛ kɩaa nɩmɛ kala jaŋ sʋʋ.

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Luuk 16:15

Yesu bʋla pɩba, “Ma nɛ ŋaa nɩdosunu-la sɩ yie chɛ dɩ nɩaa bɩɩnɛ ma kɛŋ wʋtɩtɩɩ nɛ, ama Wɩa jɩŋ ma tʋɔŋ nɛ. Kɩalɩŋ sɩ ŋaa kʋfɩɛma nuhuobiinee teeŋ, ba ŋaa kʋtɔɔnʋ nɛ Wɩa teeŋ.”

Jɔɔŋ 21:17

Ŋɩɩ nɛ Yesu bɩra pɩɛsʋ torimuŋ, “Jɔɔŋ nanʋala Saamɔŋ, ŋ chomi nɛɛ?” Yesu sɩ pɩɛsʋ torimuŋ lɛ ŋɩɩ, ʋ tʋɔŋ chei. Ŋɩɩ nɛ Pɩɩta bʋla pʋ, “Mɩ Tɩɩna, ŋ jɩŋ wɩɩkala nɛ, ŋ jɩma arɩ mɩ choŋ nɛ.” Ŋɩɩ nɛ Yesu bɩra bʋla pʋ, “Beŋ mɩ nɩaa nyuŋ, arɩ pie-daara sɩ yie beŋ ʋ piesee nyuŋ ŋɩɩ.

Jɔɔŋ 4:16

Ŋɩɩ nɛ Yesu bʋla pʋ, “Mʋ yɩrɛ ŋ bala dɩ ma kɔ daha.”

Tɩntɩŋŋaa 1:24

Ŋɩɩ nɛ ba kala chʋɔlɛ Wɩa a bʋl, “La Tɩɩna, ŋ jɩŋ nʋʋkala tʋɔŋ nɛ. Ŋɩɩ wɩaa dagɛla nɩaa deemba balɩamɩŋ tʋɔŋ kʋ-la ŋ sɩ lɩɩsa,

Rom Tɩŋŋaa 14:12

Bʋa-la lɛ la nʋʋkala jaŋ dagɛ wɩalɩŋ kala ʋ sɩ ŋaa a pʋ.

Rom Tɩŋŋaa 8:27

Wɩa na nuhuobiine tʋɔŋ kala nɛ a jɩŋ Wɩa Dɩŋ-zɔmʋŋ sɩɩ huuni ŋɩɩ bʋbʋɔŋ, bɛɛ wɩaa Wɩa Dɩŋ-zɔŋ-la sɩ sʋl Wɩa a pɩpɩ Wɩa nɩaa ŋɩɩ, Wɩa tʋɔtɔrʋŋ lɛ nɛ ʋ yie sʋsʋl.

2 Kɔrɩntɩ Nɩaa 5:10

bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.

Galiisia Nɩaa 6:5

bɛɛ wɩaa nʋʋkala maga dɩ ʋ chʋŋ ʋ tɩtɩa chʋga nɛ.

MOSIS BƖRA WULLI WƖA WOMBIIŊ 13:11

Dɩ ma nɛ kpʋ nɩɩ-la dɩ Iziral tɩŋŋaa kala nɩɩ, fawʋllʋŋ jaŋ kɛmba. Ba kʋŋkala maachie bɩra bɩ jaŋ ŋaa wʋbɔŋ-la doho.

MOSIS BƖRA WULLI WƖA WOMBIIŊ 17:13

Ŋɩɩ nɛ Iziral tɩŋŋaa kala jaŋ nɩɩ dɩ fawʋllʋŋ kɛmba, dɩ ba bɩra sɩ́ wʋdosunu-la ŋaa.

MOSIS BƖRA WULLI WƖA WOMBIIŊ 19:20

Dɩ nɩkaana-la nɛ nɩɩ wɩɩ-la ma sɩ ŋaa, fawʋllʋŋ jaŋ jʋʋba, ba bɩra bɩ jaŋ ŋaa wʋbɔmʋŋ deeŋ doho ma tʋɔŋ.

MOSIS BƖRA WULLI WƖA WOMBIIŊ 21:21

Baala-la kala sɩ hɛ ʋ taŋ-la lɛ maga dɩ ba yagʋ kpʋ nɛ arɩ tabɩaa, a lɩɩsɛ wʋbɔŋ-la ta ma tʋɔŋ. Iziral tɩŋŋaa kala jaŋ nɩɩ wɩɩ-la dɩ fawʋllʋŋ kɛmba.

Hiburu TƖŊŊAA 4:13

Kʋŋkala tuo sɩ jaŋ wuo kɛŋ ʋ tɩtɩa faa Wɩa teeŋ. Wɩa na kʋŋkala nɛ, ʋ teeŋ ba kala hɛ pʋlʋmʋŋ tʋɔŋ nɛ. Ʋ jaŋ leŋ dɩ la dagɛ la wʋŋaalaa kala a pʋ.

1 Pɩɩta 1:17

Ma sɩ yie chʋchʋɔlɛ Wɩa a kɛnʋ yɩyɩrɛ ma Nyɩmma ŋɩɩ dɩ ʋ pɛ ma lɛ, ma jɩŋ arɩ ʋ nɩɩ dii nɩaa sarɩya, ʋ bɩ ba kaa pɔrɛ. Ʋ yie dii nʋʋkala sarɩya a magɛ ŋɩɩ ŋ wɩɩŋ sɩ maga nɛ. Má saa fáʋ a leŋ dɩ ma wʋŋaalaa zɔŋ dʋnɩa deeŋ lɛ.

Jɔɔŋ Wʋnaalaa 2:11

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii aa hilimi lee-na kala Esia lɛ. Nɩɩ-la kala sɩ wuo yuo dii Sɩtaanɩ, dɩ ʋ nɛ sʋba, ʋ bɩ jaŋ jʋʋ Wɩa nyiniŋ.

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.

Jɔɔŋ Wʋnaalaa 20:12

Ŋɩɩ nɛ ka mɩ na nɩalɩŋ sɩ sʋba, nɩhɩasɩŋ arɩ hambiisiŋ kala, dɩ ba chɩŋ kuoru kpasa-la sɩpaaŋ. Ŋɩɩ nɛ ba suri tenniŋ, a bɩra suri teniŋ dɔŋɔ ma, mɩɩsɩŋ teniŋ nɛ ŋɩɩ. Tenni-la lɛ nɛ ba ŋmʋnsɛ nʋʋkala sɩ hɛ dʋnɩa lɛ wʋŋaalaa hɛ, ba lɛ nɛ ba to a dii nʋʋkala sɩ sʋba sarɩya.

Jɔɔŋ Wʋnaalaa 20:13

Ŋɩɩ nɛ mʋgʋ-balɩŋ kɛŋ nɩalɩŋ kala sɩ sʋʋ ʋ tʋɔŋ kʋ lɩɩ. Sʋʋŋ arɩ lɛlɛɛ-jaŋ ma joŋ nɩalɩŋ sɩ hɛ ba lɛ ta, ba kala kʋ lɩɩ. Ŋɩɩ nɛ ba beŋ nʋʋkala wʋŋaalaa sɩ maga ŋɩɩ a dii ʋ sarɩya.

Jɔɔŋ Wʋnaalaa 22:12

Yesu sɩ, “Má bee na, mɩ jaŋ kɔ lɛɛlɛ, mɩ jaŋ kʋ tiŋ nʋʋkala. Nʋʋkala sɩ tɩma magɛ ŋɩɩ, ŋɩɩ tɩtɩa nɛ ʋ jaŋ laa ʋ time.

Jɔɔŋ Wʋnaalaa 6:8

Ŋɩɩ nɛ mɩ beŋ a na jaaba dɩ nʋʋ hɔŋ ʋ nyuŋ. Jɔɔ-la fa ŋaa kʋbʋgʋ nɛ. Nɩɩ-la sɩ hɔŋ ʋ nyuŋ yɩrɩŋ nɛ sʋʋŋ, ka lɛlɛɛ-jaŋ tuto ʋ harɩŋ. Ŋɩɩ nɛ Wɩa pɩba doluŋ dɩ ba kpʋ nuhuobiinee kala sɩ hɛ dʋnɩa sɛsɩ-la banɛsɛ dɔŋɔ. Ba jaŋ kɛŋ tokobii-la a kpʋ dɔnsʋŋ, dɩ losuŋ ma kpʋ dɔnsʋŋ, ka dɩ nyanyalaa arɩ baga kɩaa ma kpʋ dɔnsʋŋ.

1 SAMƲƐL 16:7

La TƖƖNA bʋla pɩ Samʋɛl, “Sɩ́ ŋɩɩ ʋ sɩ zɔmɔ koo ʋ sɩ waayi lɛ beŋ, ʋ dee mɩ lɩɩsɛ. Mɩ-na ma TƖƖNA bɩ kɩalɩŋ nuhuobiine sɩɩ beŋ nɩɩ beŋ. Nuhuobiine yie beŋ yaraa zɔmʋŋ lɛ nɛ, ka mɩ-na ma TƖƖNA ma bibeŋ tʋɔŋ lɛ.”