Jɔɔŋ Wʋnaalaa 2:21 - WƖA TENIŊ

²¹ Mɩ pɩ haala deeŋ wombiiŋ dɩ ʋ bɩrɩma lɩɩ ʋ wʋlɩɩlɩ-la lɛ nɛ, ka ʋ vɩa aŋ ŋɩŋaa.

Jɔɔŋ Wʋnaalaa 2:21 ပူးပေါင်းရင်းမြစ်များ

Rom Tɩŋŋaa 9:22

Ŋɩɩ tɩtɩa nɛ Wɩa ma jaŋ wuo ŋaa nɩaa lɛ. Ʋ faa chɛ ʋ dagɛ ʋ baanɩŋ nɛ a leŋ dɩ ba jɩŋ ʋ doluŋ. Ama ʋ fa dii kenyiri nɛ nɩalɩŋ sɩ leŋe ʋ baanɩŋ sii nyuŋ, arɩ ʋ fa sɩ maga dɩ ʋ cheiba ma kala.

1 Pɩɩta 3:20

Nɩaa deemba nɛ fa vɩa dɩ ba to Wɩa niiŋ wɩaa bʋa-la lɛ Nowa fa sɩɩ kpaasɛ lɩɩŋ dabori-bal-la. Bʋa deeŋ lɛ Wɩa fa kɛŋ kenyiri a gbɩgbɛrɛba dɩ ba kʋ jʋʋ lɩɩŋ daboro-la, ka ba vɩa. Nɩaa chori dʋndʋŋ nɛ fa jʋʋ lɩɩŋ dabori-bal-la, a laa ba mɩɩsɩŋ.

2 Pɩɩta 3:15

Mɩ naambiiriŋ, ʋ maga dɩ ma jɩŋ arɩ La Tɩɩna Yesu kɛŋ kenyiri nɛ. Ʋ ŋaa ŋɩɩ dɩ ʋ wuo laama ta nɛ. Wɩaa deemba tɩtɩa nɛ la naambii-chooluŋ Pɔɔl ma ŋmʋnsa pɩma. Wɩa nɛ pʋ wʋjɩmɩŋ deeŋ ʋ kaa bʋl wɩalɩŋ.

2 Pɩɩta 3:9

Nɩaa dɔnsʋŋ bɩɩna arɩ Wɩa fɩɛla nɛ arɩ wɩalɩŋ ʋ sɩ sɩ ʋ jaŋ ŋaa lɛ. Ʋ bɩ fɩɛlɛ, ama ʋ kɛŋ kenyiri nɛ a tɩŋ ma wɩaa, bɛɛ wɩaa ʋ bɩ chɛ dɩ ma kʋŋkala lɛl. Ʋʋ chɛ dɩ nʋʋkala bɩrɩma lɩɩ ʋ wʋbɔŋŋɔɔ lɛ nɛ.

Jɔɔŋ Wʋnaalaa 16:11

Ŋɩɩ nɛ ba tʋtʋʋsɛ Wɩa sɩ hɛ ʋ jaŋ lɛ joŋŋoo a tɩŋ ba naawɩɩla-la arɩ hɛɛ-la ba sɩɩ na wɩaa. Ama ba bɩ bɩrɩma lɩɩ ba wʋbɔŋŋɔɔ lɛ.

Jɔɔŋ Wʋnaalaa 16:9

Wɩɩ-pɔsʋ-la faasa nyɩgɛ nɩaa woruŋ, ba tʋtʋʋsɛ Wɩa joŋŋoo, bɛɛ wɩaa ba jɩma ʋ nɛ kɛŋ doluŋ nyanyal-dosunuŋ deemba kala lɛ. Ama ba bɩ bɩrɩma lɩɩ ba wʋbɔŋŋɔɔ lɛ dɩ ba chʋɔlɛ Wɩa.