Jɔɔŋ Wʋnaalaa 2:20 - WƖA TENIŊ

²⁰ Ma ŋaa kukeri, ama wɩaa baŋmɛnɛ nɛ ma ŋaa chei. Haal kʋbala nɛ hɛ ma tʋɔŋ aa dagɛ wʋbɔŋŋɔɔ, ka ma bɩ ʋ kire. Haal-la ba sɩɩ yɩrɛ Jɛzɛbɛl nɛ ŋɩɩ. Ʋ fa joŋ ʋ tɩtɩa arɩ ʋ ŋaa Wɩa wʋlaabʋllʋ nɛ ama ʋʋ nyɩɛ nɛ. Ʋʋ dagɛ mɩ nɩaa nɛ dɩ ba ŋɩŋaa wʋlɩɩlɩŋ aŋ pɛ didii vʋɩyaa kɩaa ma.

Jɔɔŋ Wʋnaalaa 2:20 ပူးပေါင်းရင်းမြစ်များ

1 KUOROO 16:31

Jerobuam sɩ ŋaa wʋbɔmɔ-la dʋndʋŋa dee ʋ ŋaa, ʋ-na paala jaa Jɛzɛbɛl nɛ, Sɩdɔŋ kuoro ba sɩɩ yɩrɛ Ɛfɩbaal tolo, a suomo kpʋkpaarɛ vene-la ba sɩɩ yɩrɛ Baal.

1 KUOROO 17:13

Ŋɩɩ nɛ Ɩlaaja bʋla pʋ, “Sɩ́ leŋe dɩ fawʋllʋŋ kɛnɩŋ. Ŋ-na mʋ dɩa a ŋaa kʋdiile-la arɩ ŋ sɩ bʋl ŋɩɩ. Ama laa sɩpaaŋ ŋaa muŋ-la ŋ sɩ kɛnɛ a wasɛ boroboro a kaa kʋ pɩmɛ, aŋ-na ŋaa ŋ dɩ ŋ nanʋala ma kɩaa.

1 KUOROO 17:4

Ŋ jaŋ nyʋnyʋa lɩɩŋ lɩɩ-libe-la sɩɩ pɛllʋ lɛ. Mɩ hɛ gɩlɩŋgaamba nɛ dɩ ba kɛŋ kʋdiilee kʋʋ pɩŋ nɩmɛ.”

2 KUOROO 9:22

Joram sɩ na Jehu ʋ pɩɛsʋ, “Jehu, ba fɩɛlaa nɛ ŋ kʋkɔ?” Jehu ma pɩɛsɛ, “Ɛɛ nɛ yarɩfɩɛlaa jaŋ wuo ŋaa hɛ nɩmɛ, ma sɩ́ bɩ ma naaŋ Jɛzɛbɛl vʋɩyaa arɩ ʋ hɩl-wɩalɩŋ leŋe?”

2 KUOROO 9:7

Mɩɩ chɛ dɩ ŋ kpʋ ŋ nɩhɩaŋ Ahab doho nɩaa kala nɛ, dɩ mɩ to ŋɩɩ lɛ a joŋ mɩ baanɩŋ a fɩɩsɛ Jɛzɛbɛl lɛ, a tɩŋ ʋ sɩ kpʋ mɩ wʋlaabʋllaa arɩ mɩ tɩntɩnnaa wɩaa.

MOSIS KƐŊ IZIRAL TƖŊŊAA LƖƖ 34:15

Má pʋpɔ ma dɩ nɩalɩŋ sɩ hɛ tintee-la lɛ sɩ́ nii kala pɛ, dɩ ŋɩɩ dee, dɩ ba nɛ ŋaa ba wʋchɔrʋmɔɔ a kpʋ pʋsʋŋ pɩpɩ ba tɔŋŋɔɔ a dɩdɛnnɛba, ba jaŋ yɩrɛma dɩ ma kʋ pɛ dii ba kʋdiile-la.

ƐZƖKƖƐL 13:17

La TƖƖNA sɩ, “Nuhuobiiŋ, joŋ sɩaa chaasɛ haala-la sɩ hɛ Iziral tinteeŋ lɛ a nyɩɛ wɩaa arɩ ba ŋaa mɩ wʋlaabʋlla nɛ aŋ bʋbʋl ba tɩtɩa tʋɔbɩɩnaa wɩaa. Bʋl wɩaa mɩ doluŋ lɛ a hɛ ba lɛ,

Tɩntɩŋŋaa 15:20

Ama má leŋ dɩ la ŋmʋnsɛ teniŋ pɩba a bʋla pɩba dɩ ba bɩra sɩ́ vʋɩyaa kɩaa dii, a sɩ wʋlɩɩlɩŋ ŋaa, a sɩ́ pʋsʋŋ sɩ sʋʋ pimee dii, a sɩ́ pʋsʋŋ chalɩŋ ma dii.

Tɩntɩŋŋaa 15:29

Má sɩ́ vʋɩyaa nammɩa chaŋ, má sɩ́ kʋŋkala chalɩŋ dii, má sɩ́ pʋna-kala sɩ sʋʋ pimee chaŋ, a sɩ́ bachɔrʋŋ arɩ hachɔrʋŋ wɩaa ŋaa. Dɩ ma nɛ lɩɩsɛ ma tɩtɩa wɩaa deemba lɛ, ma ŋaa woruŋ nɛ. Ma jaŋ hɔŋ woruŋ.”

1 Kɔrɩntɩ Nɩaa 10:28

Ama dɩ nʋʋ nɛ bʋla pɩŋ arɩ kɩalɩŋ ŋ sɩɩ dii ŋaa vʋɩŋ kɩaa nɛ, ʋ naga arɩ nɩɩ-la sɩ bʋla pɩŋ tʋɔbɩɩnaa ka walɩmʋ nɛ a mʋ tɩgɛ kʋdiile-la lɛ. Ŋɩɩ wɩaa sɩ́ dii.

Jɔɔŋ Wʋnaalaa 2:14

Ma ŋaa kukeri nɛ, ama wɩaa baŋmɛnɛ nɛ ma ŋaa chei. Nɩaa dɔnsʋŋ hɛ ma tʋɔŋ a tuto wɩalɩŋ baal-la ba sɩɩ yɩrɛ Balam fa sɩɩ dagʋ. Ʋ nɛ dagɛ kuoru kʋbala baa yɩrɛ Balak dɩ ʋ nyɩsɛ Iziral tɩŋŋaa dɩ ba didii vʋɩyaa kɩaa aŋ pɛ ŋɩŋaa wʋlɩɩlɩŋ.

Jɔɔŋ Wʋnaalaa 2:4

Ama wɩɩ nɛ mɩ kɛŋ a tɩgɛ ma lɛ. Ma fa sɩ chomi ŋɩɩ bumbuŋ-la, ma bɩra bɩ mɩ ŋɩɩ cho.