Jɔɔŋ Wʋnaalaa 2:2 - WƖA TENIŊ

² Mɩ jɩŋ wɩalɩŋ kala ma sɩ ŋaa nɛ. Mɩ na ŋɩɩ ma sɩ tɩma arɩ sɩɩfɩɛsɩŋ nɛ, a dii kenyiri wɩɩkala lɛ. Mɩ jɩma ma dɩ nɩbɔŋŋɔɔ bɩ dɔŋɔ lɛ wuo. Nɩaa dɔnsʋŋ joŋ ba tɩtɩa arɩ ba ŋaa Wɩa nanzɔɔba nɛ, ama ma magɩsɛ nɩaa deemba nɛ a na dɩ baa nyɩɛ nɛ.

Jɔɔŋ Wʋnaalaa 2:2 ပူးပေါင်းရင်းမြစ်များ

WƖA YƖƖLAA 1:6

Wɩa jɩŋ tʋɔpʋl tɩŋŋaa wombiiŋ wɩaa nɛ aa pɔba, ama nɩbɔŋŋɔɔ-na wombiiŋ jaŋ cheiba.

Matiu 7:23

Ama mɩ jaŋ bʋla pɩba: Mɩ paala bɩ ma jɩŋ. Ma wʋbɔŋ ŋɩŋaaraa, má sʋrɩsa lɩɩ mɩ teeŋ.”

Jɔɔŋ 6:6

Yesu tɩtɩa fa jɩŋ wɩɩ-la ʋ sɩ jaŋ ŋaa nɛ, ama ʋ ta bʋl ŋɩɩ dɩ ʋ magɩsɛ Fɩlɩp nɛ.

Galiisia Nɩaa 1:7

Wʋtɩtɩɩ nɛ, Wɩa wombii dɔŋ kala bɩra tuo a pɛ kʋ-la la sɩ dagɛma lɛ. Mɩ bʋl wɩɩŋ deeŋ, bɛɛ wɩaa nɩaa yʋga a hɛ nɩmɛ aa walɩmɛma a chɩchɛ dɩ ba kɛŋ Kirisito wʋzɔmɔ-la kaa bɩrɩmɛ.

Ɛfɛsɩs Nɩaa 4:14

Ŋɩɩ-na la bɩra bɩ jaŋ ŋaa hambiisi Wɩa wɩaa lɛ, dɩ wʋwogusu-la nɩaa dɔnsʋŋ sɩɩ dagʋ a mʋ tɩgɛ Wɩa wɩaa lɛ kɛnla begili. La bɩ jaŋ to nɩalɩŋ sɩɩ nyɩɛ wɩaa, a kɛŋ badɛrɩŋ nyɩnyɩsɛ nɩaa, dɩ ba joŋ wɩalɩŋ ba sɩ laa dii ta.

1 Tɛsalonaaka Nɩaa 1:3

La yie liliisu ŋɩɩ ma sɩ tɩŋ ʋ tɩntɩŋŋaa a tɩŋ ma sɩ laa Yesu wɩaa dii wɩaa, arɩ ŋɩɩ ma sɩ cho nɩaa, arɩ ŋɩɩ ma sɩ kɛŋ yɩɛlaa La Tɩɩna Yesu Kirisito lɛ.

1 Tɛsalonaaka Nɩaa 5:21

Ama má magɩsɛ wɩɩkala na, a lɩɩsɛ kʋ-la sɩ zɔmɔ a kɛnʋ woruŋ.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

Hiburu TƖŊŊAA 6:10

Wɩa kɛŋ wʋtɩtɩɩ, ʋ bɩ jaŋ yʋ tɩntɩmɩɩ-la ma sɩ tɩma pʋ arɩ chono-la ma sɩ daga pʋ a pɛ ʋ nɩaa lɛ aŋ ha pɩpɛ ba lɛ.

1 Jɔɔŋ 4:1

Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.

Jɔɔŋ Wʋnaalaa 2:5

Má bɩɩna yi wɩalɩŋ lɛ a sɩ́ tele. Má bɩrɩma lɩɩ a ŋɩŋaa wɩalɩŋ ma fa sɩɩ ŋaa bumbuŋ-la. Dɩ ŋɩɩ dee, mɩ jaŋ kʋ joŋ ma chaaŋ daaŋ.

Jɔɔŋ Wʋnaalaa 2:6

Ama wɩɩ-la ma sɩ ŋaa mɩ cho nɛ ŋ-la: Ma bɛrɛ Nɩkɔlaata nɩaa wʋŋaalaa nɛ arɩ mɩ ma sɩ bɛrɛ ba wʋŋaalaa ŋɩɩ.

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.

Jɔɔŋ Wʋnaalaa 3:1

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Saadɩs lɛ. Bʋla pɩba: Mɩ-na Nɩɩ-la sɩ kori Wɩa Dɩnsɩŋ balɩpɛ-la aŋ pɛ kɛŋ chɛnwʋlaa balɩpɛ-la nɛ bʋl wɩaa deemba pɩba. Mɩ jɩŋ ma Saadɩs nɩaa tɩntɩŋŋaa kala nɛ. Ma laa yɩrɩŋ arɩ ma weye nɛ, ama ma sʋba nɛ.

Jɔɔŋ Wʋnaalaa 3:15

Mɩ jɩŋ ma wʋŋaalaa nɛ. Ma ŋaa tɔlɔ tɔlɔ nɛ. Ma bɩ fɩɛla, ma bɩra bɩ lɩŋ ma. Mɩ fa cho dɩ ma fɩɛla nɛ koo dɩ ma lɩŋ.

Jɔɔŋ Wʋnaalaa 3:8

Mɩ jɩŋ ma wʋŋaalaa nɛ. Má bee na, mɩ kɛŋ boro kaa suri nɛ a pɩma. Nʋʋkala bɩ wuo kaa tɔ. Mɩ jɩma arɩ ma doluŋ bɩ yʋgɛ, ama ma haa to mɩ niiŋ wɩaa a bɩ mɩ vɩa.