Jɔɔŋ Wʋnaalaa 2:17 - WƖA TENIŊ

¹⁷ Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ. Nɩɩ-la kala sɩ yuo dii Sɩtaanɩ, mɩ jaŋ joŋ kʋdiile-la sɩ faa Wɩa-jaŋ lɛ a pʋ, a joŋ tabɩɩ-pʋla ma a pʋ. Mɩ jaŋ ŋmʋnsɛ yɩrɩ-falɩŋ a hɛ tabɩɩ-la lɛ. Yɩrɩ-la nʋʋkala bɩ jaŋ jɩmʋ, see nɩɩ-la sɩ laa tabɩɩ-la dʋndʋŋa.”

Jɔɔŋ Wʋnaalaa 2:17 ပူးပေါင်းရင်းမြစ်များ

WƖA YƖƖLAA 25:14

La Tɩɩna, ŋ ŋaa nɩalɩŋ kala sɩɩ toŋ nandɔŋ nɛ. Ŋ leŋe ba kala jɩŋ nii-la sɩ hɛ ŋ dɩ ba pɛgɛ nɛ.

WƖA YƖƖLAA 36:8

Ŋ pɩba kʋdii-daŋ nɛ ŋ dɩa lɛ, a pɩba kʋnyʋalaa yʋgɛ a nagɛ fuoŋ sɩɩ pɛllʋ.

MOSIS KƐŊ IZIRAL TƖŊŊAA LƖƖ 16:33

Ŋɩɩ nɛ Mosis bʋla pɩ Arɔŋ, “Joŋ taga a magɩsɛ ‘mana’ gbaŋa kpaa magɛ dɔŋɔ hɛ a joŋo bil La TƖƖNA sɩpaaŋ dɩ la doho nɩaa sii na.”

NAMAGABA 14:10

Dɩ ŋ tʋɔŋ nɛ cheye, ʋ yie ŋaa ŋ dʋndʋŋa wɩɩ nɛ, dɩ ʋ nɛ tɔrɔ ma, ŋ dɩ nʋʋ bɩ kaa kpaa.

NAMAGABA 3:32

bɛɛ wɩaa La Tɩɩna bɛrɛ nʋʋ na-kala sɩ bɩ wʋtɩtɩɩ kɛnɛ nɛ, ama nɩalɩŋ-na sɩɩ ŋaa wɩaa ba bʋa lɛ ŋaa ʋ nandɔsʋ nɛ.

AZAAYA 56:4

Wɩɩ-la La TƖƖNA sɩ bʋla nɛ ŋ-la: “Ma nɩalɩŋ sɩ ŋaa baferisiŋ, dɩ ma nɛ to mɩ chɛ-wiesi-la wɩaa woruŋ, a ŋɩŋaa wɩalɩŋ sɩɩ tɔrɛ mɩ tʋɔŋ, a tuto mɩ nii-la sɩ hɛ mɩ dɩ mɩ nɩaa pɛgɛ woruŋ,

AZAAYA 56:5

mɩ jaŋ leŋ dɩ ma yɩrɩŋ hɛ mɩ dɩɩ-balɩŋ lɛ dɩ nɩaa liliisu a kaa mʋ wuu, a kɩɩ ma fa sɩ jaŋ kɛŋ hambolibiisiŋ arɩ hantolibiisiŋ dɩ ba liliisi ma wɩaa. Ma yɩrɩŋ bɩ jaŋ lɛl.

AZAAYA 62:2

Tinteyee nɩaa jaŋ na ŋ tʋɔpʋla-la, dɩ ba kuoroo ma kala na ŋ tʋla. Ba jaŋ hɛ yɩrɩ-falɩŋ pɩŋ. La TƖƖNA nɛ jaŋ hɛ yɩrɩ-la pɩŋ.

AZAAYA 65:13

Ŋɩɩ wɩaa wɩɩ-la mɩ-na Wɩɩjarɩbakɔ sɩ bʋla nɛ ŋ-la: “Mɩ tɩntɩnnaa jaŋ na kɩaa didii, ka dɩ ma-na kɛŋ losuŋ. Ba jaŋ na lɩɩŋ nyʋnyʋa, ka dɩ ma-na kɛŋ lɩɩnyʋasʋŋ. Mɩ tɩntɩnnaa jaŋ jʋjʋɔsɛ, ka dɩ ma-na dii hɩɩsɩŋ.

AZAAYA 65:15

Ma yɩrɩŋ jaŋ ŋaa ŋmɩaŋ nɩalɩŋ mɩ sɩ lɩɩsa teeŋ. Mɩ-na Wɩɩjarɩbakɔ jaŋ kpʋma, ama mɩ jaŋ hɛ yɩrɩ-falɩŋ a pɩ mɩ tɩntɩnnaa-na.

Matiu 13:11

Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee.

Maak 7:16

Dɩgɩlaa tɩŋŋaa, má wuoli ma dɩgɩlaa a nɩɩ.]”

Jɔɔŋ 4:32

Yesu bʋla pɩba, “Mɩ kɛŋ kʋdiilee nɛ dɩ mɩ dii, ama ma bɩ kɩalɩŋ wɩaa jɩŋ.”

1 Kɔrɩntɩ Nɩaa 2:14

Nɩɩ-la kala sɩ bɩ Wɩa Dɩŋ-zɔmʋŋ kɛnɛ bɩ jaŋ laa kɩalɩŋ Wɩa sɩ joŋo pɩ nɩalɩŋ sɩ kɛŋ ʋ Dɩŋ-zɔŋ-la. Ʋ tɩɩna bɩ jaŋ wuo jɩmba. Ba yie ŋaa kʋpɛɩba nɛ ʋ teeŋ, bɛɛ wɩaa nʋʋ bɩ jaŋ wuo jɩmba, see dɩ ʋ kɛŋ Wɩa Dɩŋ-zɔŋ-la.

Koloosi Nɩaa 3:3

bɛɛ wɩaa ʋ naga ma sʋba nɛ, ka ma mɩɩsɩŋ faa Kirisito lɛ. Ʋ nɛ hɛ Wɩa teeŋ.

Jɔɔŋ Wʋnaalaa 14:3

Nɩaa deemba chɩŋ kuoru kpasa-la arɩ nɩhɩasɩ-la, arɩ kɩalɩŋ banɛsɛ-la sɩ weye sɩpaaŋ nɛ aa yɩɩ yɩɩl-falɩɩ kʋbala. Nʋʋkala bɩ yɩɩl-la wuo gʋnnɛ, see nɩalɩŋ bʋɩ zɔlɔ arɩ mahɩŋ balɩa arɩ banɛsɛ-la dʋndʋŋa. Nɩaa deemba nɛ Wɩa tʋɔsɛ dʋnɩa lɛ a laaba ta.

Jɔɔŋ Wʋnaalaa 19:16

Ba ŋmʋnsɛ yɩrɩŋ deeŋ nɛ hɛ gɛrɩ-duduoŋ-la ʋ sɩ laala lɛ arɩ ʋ naapuiŋ lɛ: “KUOROO KALA KUOROO ARƖ LA TƖNNABA KALA TƖƖNA.”

Jɔɔŋ Wʋnaalaa 2:11

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii aa hilimi lee-na kala Esia lɛ. Nɩɩ-la kala sɩ wuo yuo dii Sɩtaanɩ, dɩ ʋ nɛ sʋba, ʋ bɩ jaŋ jʋʋ Wɩa nyiniŋ.

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.

Jɔɔŋ Wʋnaalaa 3:22

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi lee-kala Esia tinteeŋ lɛ.

Jɔɔŋ Wʋnaalaa 3:6

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ.