Jɔɔŋ Wʋnaalaa 2:16 - WƖA TENIŊ

¹⁶ Ŋɩɩ wɩaa, má bɩrɩma lɩɩ wɩalɩŋ lɛ, dɩ ŋɩɩ dee mɩ jaŋ kɔ lɛɛlɛ a kɛŋ mɩ niiŋ wʋbʋlaa sɩ nagɛ tokobiiŋ, a yuoma.

Jɔɔŋ Wʋnaalaa 2:16 ပူးပေါင်းရင်းမြစ်များ

AZAAYA 11:4

Tʋɔpʋla nɛ ʋ jaŋ kaa dii nɩalɩŋ sɩ bɩ ba tɩtɩa lɛ wuo pɛ sarɩya, wʋtɩtɩɩ nɛ ʋ jaŋ kaa dii summoo sarɩya a chɩŋ ba harɩŋ. Ʋ jaŋ leŋ dɩ ba dɔgɩsɛ nɩalɩŋ sɩ ŋaa wɩaa chei, aŋ kpʋ nɩalɩŋ sɩ ŋaa nɩbɔŋŋɔɔ.

AZAAYA 49:2

Ʋ leŋe mɩ niiŋ wɩaa kɛŋ niiŋ a nagɛ tokobiiŋ nɛ. Ʋ kɛmmɛ faa ʋ vaaluŋ bʋbʋɔŋ nɛ. Ʋ chɛsɛmɛ nɛ a nagɛ ba sɩ chɛsɛ to-hɛmɩŋ a joŋo hɛ ʋ to-huoŋ lɛ.

Ɛfɛsɩs Nɩaa 6:17

Wɩa sɩ laama ta ŋɩɩ, ʋ maga dɩ ʋ nagɛ hɔɔŋ nyuŋ-chu-gbaŋkogo nɛ ma joŋo chu, aŋ joŋ Wɩa Dɩŋ-zɔmʋŋ tokobiiŋ a kori. Tokobii-la nɛ ŋaa Wɩa niiŋ wɩaa.

2 Tɛsalonaaka Nɩaa 2:8

ka dɩ wʋbɔŋŋɔɔ kuoru-la-na kɔ. Bʋa-la lɛ La Tɩɩna Yesu jaŋ mɩɩra kɔ arɩ ʋ tʋla, a pʋʋsɛ ʋ niiŋ peliŋ a kpʋ wʋbɔŋŋɔɔ kuoru-la. Ʋ tʋla-la jaŋ chei wʋbɔŋŋɔɔ kuoru-la.

Jɔɔŋ Wʋnaalaa 1:16

Ka ʋ kori chɛnwʋlaa balɩpɛ ʋ nadiiŋ nɩsɩŋ lɛ, tokobiiŋ lɩɩ ʋ niiŋ lɛ a kʋ lɩɩ. Ʋ niiriŋ balɩa kala didii nyagaga. Ka ʋ sɩaa kala tʋtʋl a nagɛ wɩɩpɔsʋŋ sɩ faasa pɔsɛ.

Jɔɔŋ Wʋnaalaa 16:9

Wɩɩ-pɔsʋ-la faasa nyɩgɛ nɩaa woruŋ, ba tʋtʋʋsɛ Wɩa joŋŋoo, bɛɛ wɩaa ba jɩma ʋ nɛ kɛŋ doluŋ nyanyal-dosunuŋ deemba kala lɛ. Ama ba bɩ bɩrɩma lɩɩ ba wʋbɔŋŋɔɔ lɛ dɩ ba chʋɔlɛ Wɩa.

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.

Jɔɔŋ Wʋnaalaa 19:21

Nɩɩ-la sɩ jɩl jɔɔ-la kɛŋ tokobii-la sɩ lɩɩ ʋ niiŋ lɛ kaa kpʋ nɩkaanaa. Diibiisiŋ lorigi ba nampɩlɩŋ kala.

Jɔɔŋ Wʋnaalaa 2:12

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Pɛgamɔm lɛ. Mɩ-na nɩɩ-la sɩ kori tokobiiŋ niiriŋ balɩa kala sɩɩ dii nyagaga nɩɩ bʋl wɩaa deemba.

Jɔɔŋ Wʋnaalaa 2:5

Má bɩɩna yi wɩalɩŋ lɛ a sɩ́ tele. Má bɩrɩma lɩɩ a ŋɩŋaa wɩalɩŋ ma fa sɩɩ ŋaa bumbuŋ-la. Dɩ ŋɩɩ dee, mɩ jaŋ kʋ joŋ ma chaaŋ daaŋ.

Jɔɔŋ Wʋnaalaa 22:20

Nɩɩ-la sɩɩ dagɛ wɩaa deemba sɩ, “Wʋtɩtɩɩ, mɩɩ kɔ nɛ lɛɛlɛ.” Amɩɩ, kɔ, La Tɩɩna Yesu.

Jɔɔŋ Wʋnaalaa 22:7

Yesu sɩ, “Má bee na, mɩ jaŋ kɔ lɛɛlɛ. Nɩalɩŋ sɩɩ to wɩalɩŋ ba sɩ bʋla Wɩa Dɩŋ-zɔmʋŋ doluŋ lɛ a hɛ teniŋ deeŋ tʋɔŋ, Wɩa jaŋ pɛ ba lɛ.”

Jɔɔŋ Wʋnaalaa 3:19

Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.