Jɔɔŋ Wʋnaalaa 2:14 - WƖA TENIŊ

¹⁴ Ma ŋaa kukeri nɛ, ama wɩaa baŋmɛnɛ nɛ ma ŋaa chei. Nɩaa dɔnsʋŋ hɛ ma tʋɔŋ a tuto wɩalɩŋ baal-la ba sɩɩ yɩrɛ Balam fa sɩɩ dagʋ. Ʋ nɛ dagɛ kuoru kʋbala baa yɩrɛ Balak dɩ ʋ nyɩsɛ Iziral tɩŋŋaa dɩ ba didii vʋɩyaa kɩaa aŋ pɛ ŋɩŋaa wʋlɩɩlɩŋ.

Jɔɔŋ Wʋnaalaa 2:14 ပူးပေါင်းရင်းမြစ်များ

AZAAYA 57:14

La TƖƖNA sɩ, “Má wasɛ wombiiŋ a leŋ dɩ mɩ nɩaa mɩɩra kɔ mɩ teeŋ, má sɩ́ leŋe dɩ kʋŋkala kɛrɛ ba wombiiŋ.

JƐRƖMAAYA 6:21

Ŋɩɩ wɩaa, wɩɩ-la La TƖƖNA bɩra sɩ bʋla nɛ ŋ-la: “Mɩ jaŋ joŋ baŋkɛŋ wɩaa kɛrɛ nɩaa deemba. Bii-lʋllaa arɩ ba biiriŋ jaŋ gɛrɛba tel. Pɛ-jʋʋraa arɩ ba nandɔnsʋŋ ma jaŋ sʋʋ.”

ƐZƖKƖƐL 3:20

Dɩ tʋɔpʋl tɩɩna nɛ suomo ŋɩŋaa wʋbɔŋŋɔɔ, dɩ mɩ joŋ wɩaa kɛrɛ ʋ wombiiŋ, dɩ ŋ nɛ bɩ ʋ dɩgɩlaa kpʋrɩsa dɩ ʋ bɩrɩma lɩɩ, ʋ jaŋ sʋʋ. Ʋ jaŋ sʋʋ a tɩŋ ʋ wʋbɔmɔ-la wɩaa, mɩ bɩ jaŋ liisi ʋ wʋzɔmɔ-la ʋ sɩ ŋaa wɩaa. Dɩ ʋ nɛ saa sʋba, mɩ jaŋ tɩŋ ʋ sʋʋŋ wɩaa a kɛŋ ŋ baŋŋaa lɛ.

ƐZƖKƖƐL 44:12

Ama a tɩŋ ba sɩ laa Iziral tɩŋŋaa sɩpaaŋ a kpaarɛ ba vʋɩyaa pɩpɩba, a leŋ Iziral tɩŋŋaa ŋaa wʋbɔŋŋɔɔ, mɩ-na ma TƖƖNA Wɩɩjarɩbakɔ ŋmɩɛsa nɛ arɩ mɩ jaŋ dɔgɩsɛba.

NAMBABA 24:14

Mɩ-na mɩɩraa mʋ mɩ nɩaa teeŋ nɛ, ama mɩ jaŋ leŋ dɩ ŋ jɩŋ wɩɩ-la Iziral tɩŋŋaa maachie sɩ jaŋ ŋaa ŋ nɩaa lɛ.”

NAMBABA 31:16

Haala-la nɛ paala to Balam niiŋ wɩaa lɛ, a leŋ Iziral tɩŋŋaa mɩɩrɛ La TƖƖNA harɩŋ a kpaarɛ vʋɩyaa Pio lɛ, ŋɩɩ lɛrɛ nyanyal bɔŋŋɔɔ kʋ hɛ Iziral tɩŋŋaa lɛ.

NAMBABA 31:8

Nɩalɩŋ ba sɩ kpʋa dɔnsʋŋ nɛ ŋaa Midiaŋ kuoroo deemba banɔŋ: Evi, Rekim, Zuu, Huu, arɩ Reba. Ba fa pɛ kpʋ Bioo nanʋala Balam ma nɛ laal-la lɛ.

Matiu 18:7

Wɩɩŋ puu nɩalɩŋ sɩ jaŋ leŋ dɩ ba dɔnsʋŋ tɩŋŋaa ŋaa wʋbɔŋŋɔɔ. Ʋ maga dɩ wɩalɩŋ ŋaa nɛ. Ama wɩɩŋ puu nɩɩ-la lɛ wɩalɩŋ sɩ to kɔ.

Tɩntɩŋŋaa 15:29

Má sɩ́ vʋɩyaa nammɩa chaŋ, má sɩ́ kʋŋkala chalɩŋ dii, má sɩ́ pʋna-kala sɩ sʋʋ pimee chaŋ, a sɩ́ bachɔrʋŋ arɩ hachɔrʋŋ wɩaa ŋaa. Dɩ ma nɛ lɩɩsɛ ma tɩtɩa wɩaa deemba lɛ, ma ŋaa woruŋ nɛ. Ma jaŋ hɔŋ woruŋ.”

Tɩntɩŋŋaa 21:25

Ama nɩalɩŋ sɩ laa Yesu wɩaa dii aŋ bɩ Juu tɩŋŋaa ŋaa, la ŋmʋnsɛ teniŋ pɩba arɩ la sɛyɛ dɩ ba bɩra sɩ́ vʋɩŋ kɩaa dii, dɩ ba bɩra sɩ́ pʋsʋŋ chalɩŋ ma dii, a sɩ́ pʋsʋŋ sɩ sʋʋ pimee dii, a lɩɩsɛ ba tɩtɩa bachɔrʋŋ arɩ hachɔrʋŋ wʋŋaalaa lɛ.”

Rom Tɩŋŋaa 11:9

Devit ma fa bʋla, “Leŋ dɩ ba gbiele kʋdiile-la bɩrɩmɛ bɛrɛ́ a kɛsɛba, leŋ dɩ ʋ bɩrɩmɛ kʋŋ sɩ jaŋ ŋaa dɩ ba gɛrɛ tel a na hɛɛŋ.

Rom Tɩŋŋaa 14:13

Ŋɩɩ wɩaa, ma bɩra sɩ́ leŋe dɩ la bʋbʋl la dɔnsʋŋ tɩŋŋaa teeŋ a bʋl dɩ ba bɩ woruŋ ŋaa, ama ʋ maga dɩ ma bɩɩna joŋ wɩɩŋ deeŋ nɛ: Má pʋpɔ ma sɩ́ wɩɩ-la sɩ jaŋ yigi ma naambie hɛ wʋbɔmʋŋ lɛ ŋaa.

Rom Tɩŋŋaa 14:21

Wɩɩ-la sɩ zɔmɔ nɛ ŋ-la: Ʋ bɩ maga dɩ maa chaŋ nammɩa, koo dɩ ma nyʋa sɩnɩŋ, koo dɩ maa ŋaa wɩɩ-na kala sɩ jaŋ leŋ dɩ ma naambie yeŋŋi ʋ wombiiŋ.

Rom Tɩŋŋaa 9:32

Bɛɛ nɛ tɩɩ ba bɩ tʋɔpʋla-la na? Ba bɩ ʋ na bɛɛ wɩaa, ba bɩ Wɩa laa dii aŋ chɩchɛ wɩɩ-la aŋ bɩɩnɛ ba tɩntɩŋŋaa nɛ jaŋ leŋ dɩ ba kɛŋ tʋɔpʋla-la Wɩa sɩpaaŋ. Ba joŋ ba naasɩŋ a ŋmoo tabɩɩ-la sɩ ŋaa nɩaa sɩsɩɛrɛ nɛ.

1 Kɔrɩntɩ Nɩaa 1:23

Ama Kirisito sɩ sʋʋ daagɛsɛ nyuŋ wɩaa nɛ la bʋbʋl. Kirisito sɩ sʋʋ daagɛsɛ nyuŋ leŋe Juu tɩŋŋaa baanɩŋ sisii, aŋ ka nɩalɩŋ sɩ bɩ Juu tɩŋŋaa ŋaa ma teeŋ ʋ ŋaa wʋpɛɩ nɛ.

1 Kɔrɩntɩ Nɩaa 7:2

Ama a tɩŋ wʋlɩɩlɩŋ wɩaa, baal kala jaa ʋ haala, dɩ haal ma kala jaa ʋ bala.

Hiburu TƖŊŊAA 13:4

Ma nɩalɩŋ sɩ jaa dɔŋɔ, má kɛŋ dɔŋɔ woruŋ a sɩ́ wʋlɩɩlɩŋ ŋaa, bɛɛ wɩaa Wɩa jaŋ dii nɩalɩŋ sɩɩ ŋaa bachɔrʋŋ arɩ hachɔrʋŋ wɩaa sarɩya, a pɛ nɩalɩŋ sɩɩ ŋaa wʋlɩɩlɩŋ lɛ.

JOSUA 24:9

Bʋa-la lɛ Zipo nanʋala Balak sɩ ŋaa Mʋab tɩŋŋaa kuoro fa sɩ kɛŋ ba tɩtɩa hɛ dɔŋɔ dɩ ʋ yuo ma Iziral tɩŋŋaa, ʋ tɩma yɩrɛ Bioo nanʋala Balam nɛ dɩ ʋ kɔ a kalɩba hɛ ma lɛ.

1 Pɩɩta 2:8

Ba bɩra ŋmʋnsa Wɩa teniŋ tʋɔŋ a bʋl, “Ʋ jaŋ nagɛ tabɩɩŋ nɩaa sɩ jaŋ gɛrɛ tel. Tabɩɩ-la ŋaa bʋŋ nɛ, ʋ jaŋ leŋ dɩ ba tel.” Ba jaŋ tel, bɛɛ wɩaa ba vɩa Wɩa niiŋ wɩalɩŋ nɛ. Wɩa bʋl faafaa nɛ arɩ ba jaŋ ŋaa ŋɩɩ.

2 Pɩɩta 2:15

Nɩaa deemba vɩa Wɩa wombiiŋ nɛ a yeŋŋi. Baa to bumbuŋ baal kʋbala harɩŋ nɛ baa yɩrɛ Balam. Ʋ nyɩmma yɩrɩŋ nɛ fa Bioo. A tɩŋ moribiee wɩaa Balam fa vɩa Wɩa wɩaa aŋ tuto wʋbɔŋŋɔɔ harɩŋ.

Juud 1:11

Wɩɩŋ puuba. Ba to Keeŋ naabʋɔsʋŋ nɛ. Ba tɩŋ moribiee wɩaa nɛ a ŋaa wʋbɔŋŋɔɔ a nagɛ baal kʋbala ba fa sɩɩ yɩrɛ Balam fa sɩ ŋaa ŋɩɩ. Ba lɩɩ Wɩa harɩŋ nɛ a nagɛ baal kʋbala ba sɩɩ yɩrɛ Kora ma fa sɩ lɩɩ Wɩa harɩŋ ŋɩɩ. Ŋɩɩ nɛ Wɩa kpʋ ba kala.

Jɔɔŋ Wʋnaalaa 2:20

Ma ŋaa kukeri, ama wɩaa baŋmɛnɛ nɛ ma ŋaa chei. Haal kʋbala nɛ hɛ ma tʋɔŋ aa dagɛ wʋbɔŋŋɔɔ, ka ma bɩ ʋ kire. Haal-la ba sɩɩ yɩrɛ Jɛzɛbɛl nɛ ŋɩɩ. Ʋ fa joŋ ʋ tɩtɩa arɩ ʋ ŋaa Wɩa wʋlaabʋllʋ nɛ ama ʋʋ nyɩɛ nɛ. Ʋʋ dagɛ mɩ nɩaa nɛ dɩ ba ŋɩŋaa wʋlɩɩlɩŋ aŋ pɛ didii vʋɩyaa kɩaa ma.

Jɔɔŋ Wʋnaalaa 2:4

Ama wɩɩ nɛ mɩ kɛŋ a tɩgɛ ma lɛ. Ma fa sɩ chomi ŋɩɩ bumbuŋ-la, ma bɩra bɩ mɩ ŋɩɩ cho.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.