Jɔɔŋ Wʋnaalaa 2:13 - WƖA TENIŊ

¹³ Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.

Jɔɔŋ Wʋnaalaa 2:13 ပူးပေါင်းရင်းမြစ်များ

Matiu 10:23

Dɩ ba nɩɩ dɔgɩsɛma taŋ lɛ, má lɩɩ a fá mʋ taŋ dɔŋɔ. Mɩ bʋlaa pɩma arɩ ma bɩ jaŋ wuo tɩŋ tɩntɩmɩɩ-la dɛrɛ Iziral tasɩŋ kala lɛ, ka dɩ mɩ-na Nuhuobiine Bie-na kɔ.

Matiu 24:9

Ba jaŋ kɛsɛma a jomma hɛ nɩaa nɩsɩŋ lɛ dɩ ba dɔgɩsɛma aŋ kpʋ ma dɔnsʋŋ. Tinteyee nɩaa kala jaŋ bɛrɛma a tɩŋ mɩ wɩaa.

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Luuk 21:17

Nʋʋkala jaŋ bɛrɛma a tɩŋ mɩ wɩaa.

Tɩntɩŋŋaa 22:20

Bʋa-la lɛ ba fa sɩ kpʋ Sɩtɩɩvɩŋ, sɩ ŋaa nɩɩ-la sɩ pɛ na ŋ wɩaa a bʋlba wɩaa pɩpɩ nɩaa, mɩ-na Pɔɔl ma fa hɛ nɩmɛ nɛ a sɛɩ dɩ ba kpʋʋ. Ba sɩɩ kpʋʋ, mɩ nɛ fa pɔ nɩaa deemba gɛnnɩŋ ba sɩ wuro, aŋ ka ba kpʋʋ.’

Tɩntɩŋŋaa 9:14

Wɩɩsʋllɩ sɩpaalaaraa kʋhɩasɩŋ pʋ doluŋ taŋ deeŋ lɛ dɩ ʋ kɛsɛ nɩalɩŋ kala sɩɩ chʋɔlʋŋ vɔɔ.”

1 Tɛsalonaaka Nɩaa 5:21

Ama má magɩsɛ wɩɩkala na, a lɩɩsɛ kʋ-la sɩ zɔmɔ a kɛnʋ woruŋ.

1 Timoti 5:8

Dɩ nʋʋkala nɛ bɩ ʋ naambiiriŋ nyuŋ ka beŋ a wasanyaŋ ʋ dɩa nɩaa tɩtɩa, ʋ vɩa wɩalɩŋ ʋ sɩ laa dii ta nɛ. Nɩɩ-la sɩ paala bɩ Yesu wɩaa laa dii nɛ kpɩaʋ.

2 Timoti 1:13

Wɩalɩŋ kala mɩ fa sɩ dagɩŋ, ba ŋaa wʋtɩtɩɩba nɛ. Chɩŋ wɩalɩŋ lɛ a tutoba. La dɩ Kirisito Yesu sɩ ŋaa kʋbala ŋɩɩ, hɛ doluŋ aŋ chɩŋ wɩalɩŋ ŋ sɩ laa dii lɛ, a cho nɩaa ma.

2 Timoti 2:12

Dɩ la nɩɩ na hɛɛŋ aŋ nyalɩmɛ, la dɩ ʋ kala jaŋ dii kuoruŋ. Dɩ la nɛ sɩ la bɩ Yesu jɩŋ, ʋ ma jaŋ bʋl ʋ bɩ la jɩŋ.

Hiburu TƖŊŊAA 10:23

Ŋɩɩ wɩaa, wɩalɩŋ la sɩ laa dii, má leŋ dɩ laa yɩɛlɛ wɩalɩŋ, a chɩŋ ba lɛ kpaŋ kpaŋ, a sɩ́ begilu mʋa ma, bɛɛ wɩaa Wɩa kɛŋ wʋtɩtɩɩ nɛ. Kɩalɩŋ ʋ sɩ sɩ ʋ jaŋ joŋo pɩla, la laa dii arɩ la jaŋ naba.

Hiburu TƖŊŊAA 3:6

Ama Kirisito-na fa ŋaa Wɩa Bii nɛ, a kɛŋ wʋtɩtɩɩ a bibeŋ Wɩa nɩaa. Dɩ la ma nɛ kɛŋ bɔɩ-duoŋ a tɩŋ kɩalɩŋ la sɩɩ yɩɛlʋ wɩaa, la jaŋ wuo ŋaa ʋ nɩaa.

Jeems 2:7

Ba yie chichei Kirisito yɩrɩ-zɔŋ-la Wɩa sɩ joŋo hɛ pɩma.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 11:3

Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.”

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 13:2

Baga kʋ-la mɩ sɩ na fa nagɛ kpeye nɛ, aŋ ka ʋ naasɩŋ nagɛ lugumuŋ kɩaa, ʋ niiŋ ma nagɛ naachigiŋ kʋa. Ŋɩɩ nɛ dɩŋ-la joŋ ʋ doluŋ kala arɩ ʋ kuoru kpasa-la a pɩ baga kʋ-la.

Jɔɔŋ Wʋnaalaa 14:12

Bʋa deeŋ lɛ Wɩa nɩalɩŋ sɩɩ to Wɩa niiŋ a laa Yesu Kirisito wɩaa dii, ʋ maga dɩ ba nyalɩmɛ nɛ.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 17:6

Ŋɩɩ nɛ ka mɩ na haal-la dɩ ʋ nyʋa Wɩa nɩaa chalɩŋ, a pɛ nɩalɩŋ ba sɩ kpʋa a tɩŋ Yesu wɩaa lɛ a bugi. Mɩ sɩ naʋ, ʋ wɩaa kperimi kɩŋkɛŋ kɩŋkɛŋ.

Jɔɔŋ Wʋnaalaa 2:2

Mɩ jɩŋ wɩalɩŋ kala ma sɩ ŋaa nɛ. Mɩ na ŋɩɩ ma sɩ tɩma arɩ sɩɩfɩɛsɩŋ nɛ, a dii kenyiri wɩɩkala lɛ. Mɩ jɩma ma dɩ nɩbɔŋŋɔɔ bɩ dɔŋɔ lɛ wuo. Nɩaa dɔnsʋŋ joŋ ba tɩtɩa arɩ ba ŋaa Wɩa nanzɔɔba nɛ, ama ma magɩsɛ nɩaa deemba nɛ a na dɩ baa nyɩɛ nɛ.

Jɔɔŋ Wʋnaalaa 3:11

Mɩɩ kɔ nɛ lɛɛlɛ. Má faasa kɛŋ kʋ-la ma sɩ kɛnɛ, dɩ nʋʋkala sɩ́ kuori-nyunchuul-la sɩ ŋaa ma time kaa laa ma teeŋ.

Jɔɔŋ Wʋnaalaa 3:3

Má liise yi wɩalɩŋ ba sɩ dagɛma arɩ wɩalɩŋ ma sɩ nɩa aŋ laa maa. Má toba, aŋ bɩrɩma lɩɩ ma wʋbɔŋŋɔɔ lɛ. Dɩ ma nɛ bɩ doŋ lɛ sie, mɩ jaŋ lʋara kɔ a nagɛ gaara. Ma bɩ jaŋ wuo jɩŋ bʋa-la mɩ sɩ jaŋ kɔ ma teeŋ.