Jɔɔŋ Wʋnaalaa 2:12 - WƖA TENIŊ

¹² Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Pɛgamɔm lɛ. Mɩ-na nɩɩ-la sɩ kori tokobiiŋ niiriŋ balɩa kala sɩɩ dii nyagaga nɩɩ bʋl wɩaa deemba.

Jɔɔŋ Wʋnaalaa 2:12 ပူးပေါင်းရင်းမြစ်များ

AZAAYA 11:4

Tʋɔpʋla nɛ ʋ jaŋ kaa dii nɩalɩŋ sɩ bɩ ba tɩtɩa lɛ wuo pɛ sarɩya, wʋtɩtɩɩ nɛ ʋ jaŋ kaa dii summoo sarɩya a chɩŋ ba harɩŋ. Ʋ jaŋ leŋ dɩ ba dɔgɩsɛ nɩalɩŋ sɩ ŋaa wɩaa chei, aŋ kpʋ nɩalɩŋ sɩ ŋaa nɩbɔŋŋɔɔ.

AZAAYA 49:2

Ʋ leŋe mɩ niiŋ wɩaa kɛŋ niiŋ a nagɛ tokobiiŋ nɛ. Ʋ kɛmmɛ faa ʋ vaaluŋ bʋbʋɔŋ nɛ. Ʋ chɛsɛmɛ nɛ a nagɛ ba sɩ chɛsɛ to-hɛmɩŋ a joŋo hɛ ʋ to-huoŋ lɛ.

Hiburu TƖŊŊAA 4:12

Wɩa niiŋ wɩaa weye a kɛŋ niiŋ a kɩɩ tokobiiŋ niiriŋ balɩa kala sɩɩ dii nyagaga. Ʋ yie wuo tɔɔ jʋʋ nuhuobiine, a kɛŋ ʋ dɩma arɩ ʋ mɩɩsɩŋ kaa pɔrɛ dɔŋɔ lɛ. Ʋ yie wuo jɩŋ nuhuobiine tʋɔŋ arɩ ʋ tʋɔbɩɩnaa kala.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:16

Ka ʋ kori chɛnwʋlaa balɩpɛ ʋ nadiiŋ nɩsɩŋ lɛ, tokobiiŋ lɩɩ ʋ niiŋ lɛ a kʋ lɩɩ. Ʋ niiriŋ balɩa kala didii nyagaga. Ka ʋ sɩaa kala tʋtʋl a nagɛ wɩɩpɔsʋŋ sɩ faasa pɔsɛ.

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.

Jɔɔŋ Wʋnaalaa 19:21

Nɩɩ-la sɩ jɩl jɔɔ-la kɛŋ tokobii-la sɩ lɩɩ ʋ niiŋ lɛ kaa kpʋ nɩkaanaa. Diibiisiŋ lorigi ba nampɩlɩŋ kala.

Jɔɔŋ Wʋnaalaa 2:1

Ŋmʋŋsɛ wɩaa deemba a pɩpɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Ɛfɛsʋs lɛ. Mɩ-na nɩɩ-la sɩ kori chɛnwʋla-la balɩpɛ mɩ nadiiŋ nɩsɩŋ lɛ a vɩvɛŋ chaaŋ daasɩ-la balɩpɛ tʋɔŋ, mɩ nɛ tɩŋ tɩndaarɩŋ deeŋ.

Jɔɔŋ Wʋnaalaa 2:16

Ŋɩɩ wɩaa, má bɩrɩma lɩɩ wɩalɩŋ lɛ, dɩ ŋɩɩ dee mɩ jaŋ kɔ lɛɛlɛ a kɛŋ mɩ niiŋ wʋbʋlaa sɩ nagɛ tokobiiŋ, a yuoma.

SƖPAALAARAA 3:16

Ehud fa libi tokobiiŋ sɩ kɛŋ niiriŋ balɩa nɛ. Ʋ duomuŋ ŋaa naakieliŋ kpaa magɛ dɔŋɔ. Ʋ joŋo vɔɔ mɛrɛ ʋ nadiiŋ naapuiŋ lɛ, gɛrɩŋ bʋbʋɔŋ.