Jɔɔŋ Wʋnaalaa 19:7 - WƖA TENIŊ

⁷ Má leŋ dɩ la jʋjʋɔsɛ a yɩrɛ ʋ yɩrɩ-balɩŋ a dɛnnʋ woruŋ. Bʋa-la Pie-bie-la sɩ jaŋ jaa haala yie nɛ. Haal-la ma sɩ jaŋ jaaʋ kɛŋ ʋ tɩtɩa hɛ dɔŋɔ nɛ.

Jɔɔŋ Wʋnaalaa 19:7 ပူးပေါင်းရင်းမြစ်များ

WƖA YƖƖLAA 107:42

Tʋɔpʋl tɩŋŋaa na wɩɩŋ deeŋ nɛ ba tʋɔŋ tɔrɛ, ka nɩbɔŋŋɔɔ niiŋ jʋʋ kpʋrʋŋ.

WƖA YƖƖLAA 48:11

Nɩalɩŋ sɩ hɛ peel-la ba sɩɩ yɩrɛ Zaayɔŋ lɛ tʋɔŋ jaŋ tɔrɛ, dɩ Juda tabiisiŋ ma kala nɩaa tʋɔŋ tɔrɛ a tɩŋ ŋ sɩ kɛŋ wʋtɩtɩɩ a didii sarɩya wɩaa.

WƖA YƖƖLAA 9:14

dɩ mɩ wuo chɩŋ Jerusalɛm boi-baalaa niiŋ a yɩɩ yɩɩlaa dɛnnɩŋ. Mɩ tʋɔŋ jaŋ tɔrɛ nɩmɛ a tɩŋ ŋ sɩ laamɛ ta wɩaa.

NAMAGABA 29:2

Dɩ tʋɔpʋl tɩɩna nɛ laa nɩaa sɩpaaŋ, ba yie jʋjʋɔsɛ nɛ, ama dɩ nɩbɔmʋŋ nɛ laa ba sɩpaaŋ, ba gʋgʋrɩmɛ wɩaa.

SOLOMOŊ YƖƖL-SƖMƖŊ 3:11

Zaayɔŋ toloo, má kʋ lɩɩ a bagɩsɛ kuoro Solomoŋ sɩ chu kuoru nyunchuulo, kuoru nyunchuul-la ʋ naaŋ sɩ joŋo chuu tapʋlɩɩ-la ʋ sɩ jaa haala, tapʋlɩɩ-la ʋ tʋɔŋ sɩ tɔrɔ.

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

AZAAYA 62:5

A nagɛ bapʋɔsʋŋ sɩ yie jaa hatolo ŋɩɩ, ŋɩɩ tɩtɩa nɛ ŋ biiriŋ jaŋ kʋ laa ŋ tinteeŋ a tɩɩ. Wɩa tʋɔŋ jaŋ tɔrɛ ŋ nyuŋ a nagɛ baala tʋɔŋ sɩ yie tɔrɛ ʋ ha-falɩŋ nyuŋ ŋɩɩ.

AZAAYA 66:10

Ma nɩalɩŋ kala sɩ cho Jerusalɛm, má pɛ ʋ lɛ dɩ ʋ jʋɔsɛ arɩ tʋɔtɔrʋŋ. Má pɛ ʋ lɛ dɩ ma jʋɔsɛ woruŋ, ma nɩalɩŋ sɩɩ yel ʋ wɩaa.

AZAAYA 66:14

Dɩ ŋɩɩ nɛ ŋaa, ma tʋɔŋ jaŋ tɔrɛ dɩ ma jʋjʋɔsɛ a jigi a nagɛ yaŋ sɩ tɔsɔ. Ŋɩɩ nɛ ma jaŋ jɩŋ arɩ La TƖƖNA ka pɛ nɩalɩŋ sɩ sɛɩ ʋ niiŋ lɛ nɛ, aŋ yie dagɛ ʋ baanɩŋ ʋ dʋndɔŋŋɔɔ lɛ.

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Matiu 1:20

Ʋ fa sɩɩ bɩɩnɛ ŋɩɩ, Wɩa tɩndaara kɔ ʋ teeŋ arɩ duosoo tʋɔŋ a bʋla pʋ, “Josɛf, Devit doho nʋʋ, sɩ́ leŋe dɩ fawʋllʋŋ kɛnɩŋ ŋ sɩɩ chɛ dɩ ŋ jaa Mɛɛrɩ, bɛɛ wɩaa luoru-la ʋ sɩ kɛnɛ ŋaa Wɩa Dɩŋ-zɔmʋŋ nɛ hɛ pʋ.

Matiu 22:2

Ʋ sɩ, “Wɩa kuorii-la nagɛ kuoru kʋbala bie sɩ jaa haala nɛ. Ŋɩɩ nɛ ʋ ŋaa ba gbigbieli hajaarɩ gbiele a ŋaa ba yɩrɛ nɩaa dɩ ba kɔ gbiele-la.

Luuk 12:36

a nagɛ nɩaa sɩɩ gbɛrɛ ba kʋhɩaŋ dɩ ʋ lɩɩ hajaarɩ gbiele kɔ. Dɩ ʋ nɛ kɔ a du boro, ba guu kaa suro pʋ.

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

2 Kɔrɩntɩ Nɩaa 11:2

Wɩa tʋɔŋ sɩɩ wɩɩ ma lɛ ŋɩɩ, ŋɩɩ tɩtɩa nɛ mɩ ma tʋɔŋ wʋwɩɩ ma lɛ. Ma nagɛ hatolo mɩ sɩɩ chɛ dɩ mɩ joŋo pɩ bala nɛ, ma bala nɛ ŋaa Kirisito. Mɩ saa chɛ dɩ ma nagɛ hatolo-la sɩ bɩ baal jɩŋ, a bɩ disiniŋ kɛnɛ nɛ dɩ mɩ jomma a pʋʋ.

Ɛfɛsɩs Nɩaa 5:23

bɛɛ wɩaa baalaa nɛ kɛŋ doluŋ ba haalaa nyuŋ arɩ Kirisito sɩ kɛŋ doluŋ ŋɩɩ nɩalɩŋ sɩ laa ʋ wɩaa dii aa hilimi nyuŋ. Nɩalɩŋ sɩ laa Yesu wɩaa dii aa hilimi nɛ ŋaa ʋ yaraa, ka ʋ ŋaa ba Laataara.

Ɛfɛsɩs Nɩaa 5:32

Wʋkpuŋkpere deeŋ ŋaa wʋbal nɛ a faa. Mɩ saa jɩma arɩ wɩɩŋ deeŋ mʋʋ tɩgɛ Kirisito arɩ nɩalɩŋ sɩ laa ʋ wɩaa dii aa hilimi lɛ nɛ.

MOSIS BƖRA WULLI WƖA WOMBIIŊ 32:43

Tinteyee nɩaa, ma pɛ La TƖƖNA nɩaa lɛ a jʋɔsɛ, La TƖƖNA jaŋ chɩŋ ʋ nɩaa nyuŋ a laa ba yuosuŋ yuo, aŋ joŋ ʋ nɩaa wʋbɔŋŋɔɔ chɛba aŋ pɩɩsɛ ba tinteeŋ disiniŋ ta.

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

Jɔɔŋ Wʋnaalaa 11:13

Bʋa-la tɩtɩa lɛ tinteeŋ faasa zigili. Tabal-la, dɩ ŋ nɛ kaa kpaa leree fii, sɛmɛ dɔŋɔ kala tel a kpʋ nɩaa bʋɩ balɩpɛ. Fawʋllʋŋ kɛŋ nɩkaanaa, ba dɛnnɛ Wɩa sɩ hɛ Wɩa-jaŋ lɛ.

Jɔɔŋ Wʋnaalaa 19:9

Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”

Jɔɔŋ Wʋnaalaa 21:2

Ŋɩɩ nɛ mɩ na Wɩa taŋ-la sɩ bɩ disiniŋ kɛnɛ, Jerusalɛm falɩɩ-la, dɩ ʋ lɩɩ Wɩa-jaŋ a kʋ tuu. Wɩa kpɩɛrʋ ʋ zɔŋ a nagɛ ba sɩ yie kpɩɛrɛ haala ŋɩɩ nɛ a kaa mʋ pɩ ʋ bala.

Jɔɔŋ Wʋnaalaa 21:9

Ŋɩɩ nɛ Wɩa tɩndaaraa balɩpɛ-la sɩ kori gbansɩŋ balɩpɛ-la sɩ suo arɩ dɩdɛrɩŋ wʋbɔmɔ-la balɩpɛ kʋ bʋla pɩmɛ, “Kɔ dɩ mɩ dagɩŋ haal-la Pie-bie-la sɩ jaŋ jaa.”

1 SAMƲƐL 2:1

Ŋɩɩ nɛ Hana chʋɔlɛ Wɩa a bʋl, “La TƖƖNA leŋe mɩ tʋɔŋ tɔrɛ nɛ woruŋ. Ʋ nɛ leŋe mɩ kɛŋ doluŋ, aa mɔŋ mɩ dʋndɔŋŋɔɔ. Mɩ tʋɔŋ tɔrɔ nɛ woruŋ ʋ sɩ laamɛ ta.