Jɔɔŋ Wʋnaalaa 19:6 - WƖA TENIŊ

⁶ Ŋɩɩ nɛ mɩ bɩra nɩɩ nɩ-daŋ goŋ. Goŋ-la fa nagɛ fuo-balaa sɩɩ pɛllʋ nɛ gbul gbul. Ʋ bɩra nagɛ duonuŋ sɩɩ kpɩa ŋmana ŋmana aŋ pɛ lɩlɩgɩsɛ. Ŋɩɩ nɛ yikoro-la heele bʋl, “Haleluya, La Tɩɩna Wɩa doluŋ kala Tɩɩna dii ʋ kuoruŋ nɛ.

Jɔɔŋ Wʋnaalaa 19:6 ပူးပေါင်းရင်းမြစ်များ

JOB 40:9

Ŋ kɛŋ doluŋ a nagɛ mɩ-na Wɩa nɛɛ? Ŋ jaŋ wuo kpɩa goŋ arɩ mɩ sɩɩ kpɩa ŋɩɩ?

WƖA YƖƖLAA 47:2

Ʋ maga dɩ ma fá La Tɩɩna sɩ kɩɩ kʋŋkala nɛ, ʋ nɛ kuoru-balɩŋ sii beŋ dʋnɩa kala.

WƖA YƖƖLAA 47:7

Wɩa nɛ kuoro dʋnɩa kala lɛ, má yɩɩ yɩɩlaa a dɛnnʋ.

WƖA YƖƖLAA 77:18

Ka ba nɩɩ ŋ dɔmɔ pel-vinvilimiŋ tʋɔŋ, leriŋ lɩgɩsɛ a leŋ dʋnɩa kala pʋllɛ. Fawʋllʋŋ kɛŋ tinteeŋ ʋ zigili.

WƖA YƖƖLAA 93:1

La Tɩɩna nɛ kuoro, ʋ laalɛ ʋ kuoru-gɛrɩŋ nɛ, a gigenni. Ʋ kɛŋ doluŋ nɛ woruŋ, a leŋ tinteeŋ chɩŋ kpaŋkpaŋ, a bɩ jigisi.

WƖA YƖƖLAA 97:1

La Tɩɩna nɛ kuoro, tinteeŋ nɩaa, má leŋ dɩ ma tʋɔŋ tɔrɛ, dɩ tinteye-la lɩɩŋ sɩ gollo chu ma nɩaa jʋjʋɔsɛ.

WƖA YƖƖLAA 97:12

Ma nɩalɩŋ sɩ kɛŋ tʋɔpʋla, má leŋ ma tʋɔŋ tɔrɛ La TƖƖNA nyuŋ, má jʋɔsɛ aŋ dɛnnɛ ʋ yɩrɩ zɔmʋŋ.

WƖA YƖƖLAA 99:1

La Tɩɩna nɛ kuoro, má leŋ dɩ tinteyee nɩaa kala chel. Ʋ hɔŋ ʋ kuoru kpasa nyuŋ nɛ, kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ, má leŋ dɩ tinteeŋ ma zigili.

AZAAYA 52:7

Ʋ ŋaa wʋzɔŋ nɛ dɩ nʋʋ nɛ chɩŋ peeliŋ nyuŋ a bʋla pɩ ʋ nɩaa arɩ ba yuo dii ba dʋndɔŋŋɔɔ nɛ, a bʋla pɩ Jerusalɛm nɩaa dɩ Wɩa laaba ta nɛ, dɩ ba jaŋ na fɩɛlɩŋ, a bʋla pɩ Jerusalɛm nɩaa, “Ma Wɩa nɛ kuoro.”

JƐRƖMAAYA 51:48

Wɩa-nyuŋ arɩ tinteeŋ arɩ kɩalɩŋ kala sɩ hɛ ba lɛ jaŋ ŋaa goŋ arɩ tʋɔtɔrʋŋ Babɩlɔŋ nyuŋ, bɛɛ wɩaa laalɩyuoroo sɩɩ chei leriŋ jaŋ lɩɩ wɩɩpɔsʋŋ nagʋa a kʋ yuou. Mɩ-na ma TƖƖNA nɛ bʋla.

ƐZƖKƖƐL 1:24

Kɩalɩŋ fa sɩ file, mɩ nɩɩ ba kɩŋkɛnsɩŋ dɔmɔ, baa huuru a nagɛ lɩɩŋ sɩ faasa pɛllɛ a dʋdɔŋ nɛ, a bɩra nagɛ Wɩa doluŋ kala Tɩɩna yikoro, a bɩra nagɛ laalɩyuoroo sɩ yʋga a ŋɩŋaa goŋ. Dɩ ba nɛ chɩna, ba yie kɛŋ ba kɩŋkɛnsɩŋ kaa tuu nɛ.

ƐZƖKƖƐL 43:2

Mɩ na Iziral tɩŋŋaa Wɩa tʋla dɩ ʋ lɩɩ wɩɩpɔsʋŋ dɩɩrɩŋ kʋkɔ. Ʋ dɔmɔ nagɛ lɩɩŋ sɩ faasa pɛllɛ a dʋdɔŋ nɛ. Ʋ tʋla-la leŋ tinteeŋ kala tʋtʋl.

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Jɔɔŋ Wʋnaalaa 1:15

Ʋ naasɩŋ ma nagɛ kɔlɩɩŋ ba sɩ joŋo hɛ nyiniŋ lɛ ʋ fɩɛsɛ. Ʋ yikoro ma nagɛ lɩɩ-balɩŋ sɩɩ pɛllʋ gbul gbul.

Jɔɔŋ Wʋnaalaa 1:8

La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”

Jɔɔŋ Wʋnaalaa 12:10

Ŋɩɩ nɛ ka mɩ nɩɩ yikori-bal kʋbala dɩ ʋ lɩɩ Wɩa-jaŋ a bʋl, “Lɛɛlɛ Wɩa dagɛ dol-la ʋ sɩ kɛnɛ dɩ ʋ laa ʋ nɩaa ta nɛ. Ʋ dagɛ ʋ doluŋ arɩ ʋ kuoruŋ nɛ, arɩ dol-la Kirisito sɩ kɛnɛ, Nɩɩ-la ʋ sɩ lɩɩsa, bɛɛ wɩaa nɩɩ-la sɩ joŋ cheeriŋ pɩ la naambiiriŋ, ba joŋu yuo ta nɛ ʋ kʋ tuu tinteeŋ. Ʋ fa joŋ cheeriŋ pɩba Wɩa sɩpaaŋ wɩɩhɛyɛ arɩ tɩtaŋɩŋ kala nɛ.

Jɔɔŋ Wʋnaalaa 14:2

Ŋɩɩ nɛ mɩ nɩɩ dɔmɔ kʋbala Wɩa-jaŋ a nagɛ lɩɩŋ sɩɩ pɛllʋ gbul gbul, a bɩra nagɛ duonuŋ sɩɩ kpɩa. Dɔmɔ-la fa bɩra nagɛ cheŋ-duuroo sɩɩ du chenniŋ nɛ.

Jɔɔŋ Wʋnaalaa 19:1

Wɩaa deemba kala sɩ ŋaa harɩŋ, ŋɩɩ nɛ mɩ nɩɩ goŋ Wɩa-jaŋ lɛ. Goŋ-la nagɛ nɩ-daŋ yikoro nɛ aa bʋl, “Haleluya, La Tɩɩna Wɩa kɛŋ doluŋ dɩ ʋ laala ta. Ʋ nɛ kɛŋ yɩrɩŋ arɩ doluŋ.

Jɔɔŋ Wʋnaalaa 19:4

Ŋɩɩ nɛ nɩhɩasɩŋ mara arɩ banɛsɛ-la arɩ kɩalɩŋ banɛsɛ sɩ weye tuu kpirimi a chʋɔlɛ Wɩa sɩ hɔŋ ʋ kuoru kpasa nyuŋ a bʋl, “Amɩɩ, Haleluya.”

Jɔɔŋ Wʋnaalaa 21:22

Ŋɩɩ nɛ mɩ beŋ tabal-la tʋɔŋ a bɩ Wɩa dɩɩ-bal kala na nɩmɛ, bɛɛ wɩaa La Tɩɩna Wɩa doluŋ kala Tɩɩna arɩ Pie-bie-la nɛ ŋaa Wɩa dɩɩ-balɩŋ lee-la.

Jɔɔŋ Wʋnaalaa 4:5

Ŋɩɩ nɛ taŋ lɩlɩgɩsɛ aŋ pɛ kpɩkpɩa kuoru kpasa-la leriŋ. Ka chaanaa balɩpɛ ma chɩŋ kuoru kpasa-la sɩpaaŋ a didii. Chaanɩa-la nɛ ŋaa Wɩa Dɩnsɩŋ balɩpɛ-la.

Jɔɔŋ Wʋnaalaa 6:1

Ŋɩɩ nɛ mɩ na dɩ Pie-bie-la kɛŋ kelli-la ba fa sɩ kaa mɛrɛ teŋ-la dɔŋɔ lɛrɛ. Ŋɩɩ nɛ mɩ nɩɩ kɩalɩŋ sɩ weye banɛsɛ-la dɔŋɔ dɩ ʋ faasa yɩrɛ. Ʋ yikoro nagɛ duonuŋ sɩɩ kpɩa a bʋl, “Kɔ.”

Jɔɔŋ Wʋnaalaa 8:5

Ŋɩɩ nɛ Wɩa tɩndaarʋ-la joŋ sɛlɩmɛ kʋ-la a chaanɛ nyiniŋ Wɩɩsʋlʋŋ koru-la nyuŋ, a hɛ kʋ-la tʋɔŋ, a joŋo yuo ʋ kʋ tuu tinteeŋ. Ŋɩɩ nɛ duonuŋ kpɩkpɩa aŋ lɩlɩgɩsɛ, ka tinteeŋ zizigili.