Jɔɔŋ Wʋnaalaa 19:5 - WƖA TENIŊ

⁵ Ŋɩɩ nɛ nʋʋ yikoro lɩɩ Wɩa kuoru kpasa-la teeŋ a bʋl, “Ma Wɩa tɩntɩnnaa kala arɩ ma nɩalɩŋ kala sɩɩ fáʋ, nɩhɩasɩŋ arɩ hambiisiŋ kala, má leŋ dɩ la dɛnnɛ Wɩa.”

Jɔɔŋ Wʋnaalaa 19:5 ပူးပေါင်းရင်းမြစ်များ

WƖA YƖƖLAA 115:13

La Tɩɩna jaŋ pɛ nɩalɩŋ sɩɩ fáʋ lɛ, nɩbalaa arɩ nɩbiisiŋ kala.

WƖA YƖƖLAA 134:1

Má nɩalɩŋ kala sɩ ŋaa La Tɩɩna tɩntɩnnaa, a tɩtɩŋ ʋ dɩɩ-bal-la lɛ tɩtaŋɩŋ, má kʋ dɛnnʋ.

WƖA YƖƖLAA 135:1

Má dɛnnɛ La Tɩɩna, má leŋ dɩ ʋ yɩrɩŋ yɩrɛ, ma nɩalɩŋ sɩ ŋaa La Tɩɩna tɩntɩnnaa, má dɛnnʋ,

WƖA YƖƖLAA 150:6

Má leŋ dɩ kʋŋ na-kala sɩɩ wiesu dɛnnɛ La Tɩɩna. Má dɛnnɛ La Tɩɩna.

WƖA YƖƖLAA 22:23

Ma nɩalɩŋ sɩɩ fá La Tɩɩna, má dɛnnʋ. Ma Jekɔb doho nɩaa kala, má zilu. Ma Iziral doho kala, má fáʋ.

Jɔɔŋ Wʋnaalaa 13:16

Kʋ-la bɩra fʋgɛ nʋʋkala a magɩlɛba, ba tilliŋ lɛ koo ba nɩsaa lɛ, nɩhɩasɩŋ arɩ hambiisiŋ, kuoroo arɩ summoo, nɩalɩŋ sɩ tɩɩ ba tɩtɩa arɩ nɩalɩŋ sɩ ŋaa yosi.

Jɔɔŋ Wʋnaalaa 16:17

Ŋɩɩ nɛ Wɩa tɩndaarɩ-pɛɩ-la joŋ ʋ gbaŋa tʋɔŋ kɩaa bɩsa hɛ peliŋ lɛ. Ŋɩɩ nɛ yikori-bal kʋbala lɩɩ lee-la kuoru kpasa-la sɩ chɩna Wɩa dɩɩ-bal-la tʋɔŋ a bʋl, “Wɩalɩŋ dɛrɛ nɛ.”

Jɔɔŋ Wʋnaalaa 19:18

Má kʋ dii kuoroo nammɩa, laalɩyuori-hɩasɩŋ arɩ nɩduoruŋ nammɩa, janɩŋ arɩ ba jɩjɩllaa nammɩa, nuhuobiinee, nɩalɩŋ sɩ tɩɩ ba tɩtɩa, nɩalɩŋ sɩ ŋaa yosuŋ, nɩhɩasɩŋ arɩ hambiisiŋ kala nammɩa.”

Jɔɔŋ Wʋnaalaa 20:12

Ŋɩɩ nɛ ka mɩ na nɩalɩŋ sɩ sʋba, nɩhɩasɩŋ arɩ hambiisiŋ kala, dɩ ba chɩŋ kuoru kpasa-la sɩpaaŋ. Ŋɩɩ nɛ ba suri tenniŋ, a bɩra suri teniŋ dɔŋɔ ma, mɩɩsɩŋ teniŋ nɛ ŋɩɩ. Tenni-la lɛ nɛ ba ŋmʋnsɛ nʋʋkala sɩ hɛ dʋnɩa lɛ wʋŋaalaa hɛ, ba lɛ nɛ ba to a dii nʋʋkala sɩ sʋba sarɩya.

Jɔɔŋ Wʋnaalaa 7:15

Ŋɩɩ nɛ tɩɩ ba chɩŋ Wɩa kuoru kpasa-la sɩpaaŋ a tɩma pʋpʋ wɩɩhɛyɛ arɩ tɩtaŋɩŋ kala ŋɩɩ ʋ dɩɩ-balɩŋ lɛ. Nɩɩ-la sɩ hɔŋ kuoru kpasa-la lɛ nɛ jaŋ chu tɔ ba.