Jɔɔŋ Wʋnaalaa 19:20 - WƖA TENIŊ

²⁰ Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 19:20 ပူးပေါင်းရင်းမြစ်များ

WƖAA DƖ-SUOMUŊ 19:24

Wɩa leŋ jiribiiŋ chol nyiniŋ, a lɩɩ wɩa-nyuŋ a kʋ tuu dii Sodom arɩ Gomora kala,

JOB 18:15

Nyiniŋ hɛ ʋ lɛbɩŋ lɛ nɛ, jiribiiŋ sɩɩ chol nyiniŋ pɩsa nɛ ʋ dɩjʋʋlʋŋ.

WƖA YƖƖLAA 11:6

Ʋ jaŋ leŋ dɩ nyiŋ-hal muloo arɩ jiribiiŋ chol nyiniŋ a lɩɩ wɩa-nyuŋ a kʋ tuu nɩbɔŋŋɔɔ lɛ a nagɛ duonuŋ sɩɩ nɩɩ, aŋ ka dɩ pel-lɩmɩŋ kɛmba.

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

AZAAYA 34:9

Ɛdɔm tinteeŋ fuonuŋ lɩɩŋ kala jaŋ biri a nagɛ funfule a kɛŋ keliŋ, dɩ ʋ kʋŋkɔlʋŋ kala bɩrɩmɛ jiribiiŋ a didii nyiniŋ, dɩ tintee-la kala dii a biri a nagɛ funfule a kɛŋ keliŋ.

ƐZƖKƖƐL 24:5

Nammɩa-la maga ʋ ŋaa pie-zɔmʋŋ ŋ sɩ lɩɩsa piesee tʋɔŋ nɛ. Hɛ daasɩŋ pupoi-la bʋbʋɔŋ dɩ lɩɩ-la kpɛrɛ dɩ haŋgbele-la arɩ nammɩa-la kala sɩ hɛ ʋ lɛ bɩɩ.

ƐZƖKƖƐL 38:22

Mɩ jaŋ joŋ nyanyal bɔŋŋɔɔ hɛ ʋ nɩaa lɛ. Ba jaŋ kpʋkpʋ dɔŋɔ. Mɩ jaŋ leŋ dɩ duonuŋ faasa nɩɩ, dɩ duoŋ-tabɩaa tel ba nyuŋ, dɩ jiribiiŋ ma chol nyiniŋ a wurisi ʋ dɩ ʋ laalɩyuoroo arɩ tintee daŋ-la nɩaa sɩ kʋ pɛ ʋ lɛ.

DANƖƐL 11:45

Ʋ jaŋ hɛ ʋ kuoru-lɛŋŋɛɛ Mediterenia mʋgʋ-balɩŋ arɩ peel-la nyuŋ Wɩa dɩɩ-balɩŋ sɩ chɩna pɛgɛ. Ŋɩɩ bʋa lɛ nɛ ʋ jaŋ sʋʋ, nʋʋ bɩ jaŋ pɛ ʋ lɛ.”

DANƖƐL 8:24

Ʋ jaŋ kɛŋ doluŋ woruŋ, ama ʋ tɩtɩa kʋlʋŋ doluŋ dee. Ʋ jaŋ chaasa chei leriŋ, dɩ wɩɩ na-kala ʋ sɩɩ ŋaa vɛŋ woruŋ. Ʋ jaŋ chei nɩduoruŋ arɩ Wɩa nɩaa.

DANƖƐL 8:26

Wɩalɩŋ ŋ sɩ na a nagɛ duosoo tʋɔŋ tɩgɛ dɩdaanɩŋ arɩ chʋchʋɔŋ Wɩɩsʋlʋŋ kɩalɩŋ lɛ sɛnɛ jaŋ kʋ ŋaa wʋtɩtɩɩ, ama pɔ ŋ sɩ́ bʋla pɩ nʋʋkala, bɛɛ wɩaa ba ŋaa maachie wɩaa nɛ.”

Matiu 7:15

Má pɔ ma tɩtɩa lɛ arɩ wʋnyɩɛrɩ Wɩa wʋlaabʋllaa. Ba jaŋ kɔ ma teeŋ a nagɛ nɩzɔmɔ ba sɩaa lɛ, ama ba tʋɔŋ lɛ, ba ŋaa nɩbɔmɔ nɛ a nagɛ guŋgurusuŋ sɩ yie kɛsɛ kɩaa chɩchaŋ.

MOSIS BƖRA WULLI WƖA WOMBIIŊ 29:23

Tintee-la kala jaŋ nagɛ yɩsɩŋ arɩ jiribiiŋ, ba bɩ kʋŋ wuo duu nɩmɛ. Kʋŋkala bɩ jaŋ wuo nyʋ nɩmɛ. Ʋ jaŋ nagɛ Sodom, Gomora, Adɩma arɩ Zeboyim tasɩ-la La TƖƖNA fa sɩ faasa na baanɩŋ a chei.

JOSUA 8:23

Ama Aɩ kuoro dʋndʋŋa nɛ fa ka, ŋɩɩ nɛ ba kɛnʋ a kaa mʋ Josua teeŋ.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

Jɔɔŋ Wʋnaalaa 17:12

Nyilli-la fii ŋ sɩ na ŋaa kuoroo fii nɛ, ama ba-na ha bɩ kuoruŋ die. Ba dɩ baga kʋ-la jaŋ dii kuoruŋ, ama ba kuoruŋ jaŋ ŋaa hawa bala dʋndʋŋ nɛ.

Jɔɔŋ Wʋnaalaa 19:19

Ŋɩɩ nɛ ka mɩ na baga kʋ-la arɩ dʋnɩa kuoroo arɩ ba laalɩyuoroo dɩ ba hilime dɩ ba yuo nɩɩ-la sɩ jɩl jɔɔ-la arɩ ʋ laalɩyuoroo.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.

Jɔɔŋ Wʋnaalaa 9:17

Mɩ sɩ na laalɩyuoro-la sɩ jɩl ba janɩŋ mɩ duosoo tʋɔŋ, ŋ-la nɛ ba nagɛ: Ba bɔɩ-tɔɔrɩ gɛnnɩŋ ba sɩ yie joŋo tɔ bɔɩsɩŋ a kaa yuo laalɩŋ, ba dɔnsʋŋ faasa fɩɛsɛ nɛ, dɔnsʋŋ nagɛ diibelimbine pʋnaa, dɔnsʋŋ ma nagɛ jiribiiŋ. Janɩ-la nyusuŋ nagɛ naachigee nyusuŋ, ka nyiniŋ arɩ nyʋɔsʋŋ arɩ jiribiiŋ lɩlɩɩ ba niiriŋ lɛ.