Jɔɔŋ Wʋnaalaa 19:15 - WƖA TENIŊ

¹⁵ Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.

Jɔɔŋ Wʋnaalaa 19:15 ပူးပေါင်းရင်းမြစ်များ

WƖA YƖƖLAA 2:9

Ŋ jaŋ bemba arɩ hɔɔ-daaŋ, a kɛnʋ yɛrɛba a nagɛ ba sɩ yie ŋmoo pupoiŋ ʋ yɛrɛ ŋɩɩ muno muno.’ ”

AZAAYA 11:4

Tʋɔpʋla nɛ ʋ jaŋ kaa dii nɩalɩŋ sɩ bɩ ba tɩtɩa lɛ wuo pɛ sarɩya, wʋtɩtɩɩ nɛ ʋ jaŋ kaa dii summoo sarɩya a chɩŋ ba harɩŋ. Ʋ jaŋ leŋ dɩ ba dɔgɩsɛ nɩalɩŋ sɩ ŋaa wɩaa chei, aŋ kpʋ nɩalɩŋ sɩ ŋaa nɩbɔŋŋɔɔ.

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

JOWƐL 3:13

Má kɛŋ sɩɩkɔrɔ viisi, kɩaa bɩa nɛ a magɛ kʋmʋŋ. Má kɔ a nʋɔsɛ girep nɛnɛɛ, bɛɛ wɩaa, bʋa-tuo-la lɛ ba sɩɩ chagɛ tɩɩnɛnɛɛ sɩnɩŋ suo nɛ, ba pupoyee ma su a lɩɩ tɩta. Nɩalɩŋ wʋbɔŋŋɔɔ chaasa yʋgɛ nɛ.”

MALAKAƖ 4:6

Ʋ jaŋ kɛŋ nyɩmmaba arɩ biiriŋ bɩra hɛ dɔŋɔ dɩ ba sɩŋ, dɩ ba nɛ bɩ sɛyɛ mɩ jaŋ kɔ a chei ma tinteeŋ kala gbelem gbelem.”

2 Tɛsalonaaka Nɩaa 2:8

ka dɩ wʋbɔŋŋɔɔ kuoru-la-na kɔ. Bʋa-la lɛ La Tɩɩna Yesu jaŋ mɩɩra kɔ arɩ ʋ tʋla, a pʋʋsɛ ʋ niiŋ peliŋ a kpʋ wʋbɔŋŋɔɔ kuoru-la. Ʋ tʋla-la jaŋ chei wʋbɔŋŋɔɔ kuoru-la.

Jɔɔŋ Wʋnaalaa 1:16

Ka ʋ kori chɛnwʋlaa balɩpɛ ʋ nadiiŋ nɩsɩŋ lɛ, tokobiiŋ lɩɩ ʋ niiŋ lɛ a kʋ lɩɩ. Ʋ niiriŋ balɩa kala didii nyagaga. Ka ʋ sɩaa kala tʋtʋl a nagɛ wɩɩpɔsʋŋ sɩ faasa pɔsɛ.

Jɔɔŋ Wʋnaalaa 12:5

Ŋɩɩ nɛ haal-la lʋl hambolibie, nɩɩ-la sɩ jaŋ beŋ dʋnɩa nɩaa kala arɩ hɔɔŋ dantɩga. Ŋɩɩ nɛ Wɩa joŋ bile kaa mʋ ʋ teeŋ a leŋ ʋ hɔŋ ʋ kuoru kpasa nyuŋ,

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

Jɔɔŋ Wʋnaalaa 19:21

Nɩɩ-la sɩ jɩl jɔɔ-la kɛŋ tokobii-la sɩ lɩɩ ʋ niiŋ lɛ kaa kpʋ nɩkaanaa. Diibiisiŋ lorigi ba nampɩlɩŋ kala.

Jɔɔŋ Wʋnaalaa 2:12

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Pɛgamɔm lɛ. Mɩ-na nɩɩ-la sɩ kori tokobiiŋ niiriŋ balɩa kala sɩɩ dii nyagaga nɩɩ bʋl wɩaa deemba.

Jɔɔŋ Wʋnaalaa 2:16

Ŋɩɩ wɩaa, má bɩrɩma lɩɩ wɩalɩŋ lɛ, dɩ ŋɩɩ dee mɩ jaŋ kɔ lɛɛlɛ a kɛŋ mɩ niiŋ wʋbʋlaa sɩ nagɛ tokobiiŋ, a yuoma.

Jɔɔŋ Wʋnaalaa 2:27

Tɩɩna jaŋ bibeŋ dʋnɩa nɩaa arɩ hɔɔŋ dantɩga. Ʋ jaŋ ŋmooba yɛrɛ muno muno a nagɛ pupoiŋ. Dol-la mɩ Nyɩmma sɩ joŋo pɩmɛ, ʋ tɩtɩa nɛ mɩ jaŋ joŋo pʋ.