Jɔɔŋ Wʋnaalaa 19:11 - WƖA TENIŊ

¹¹ Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.

Jɔɔŋ Wʋnaalaa 19:11 ပူးပေါင်းရင်းမြစ်များ

WƖA YƖƖLAA 50:6

Wɩa-nyuŋ kɩaa ka dagɛ ʋ tʋɔpʋl wɩaa nɛ, Wɩa tɩtɩa nɛ sarɩya diire.

WƖA YƖƖLAA 96:13

Ba jaŋ yɩɩ yɩɩlaa a pɩ La Tɩɩna. Ʋ jaŋ kʋ dii dʋnɩa nɩaa kala sarɩya. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

WƖA YƖƖLAA 98:9

Leŋ dɩ ba yɩɩ yɩɩlaa La Tɩɩna sɩpaaŋ, bɛɛ wɩaa ʋ kɔ dɩ ʋ dii dʋnɩa nɩaa sarɩya nɛ. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

WƖA YƖƖLAA 99:4

Kuoro kɛŋ doluŋ, ʋ cho wʋtɩtɩɩ nɛ. Ŋ leŋe wʋtɩtɩɩ chaasa chɩŋ nɛ kpaŋkpaŋ Iziral tinteeŋ kala lɛ, a ŋaa wɩɩ-la sɩ maga arɩ wʋtɩtɩɩ.

MOSIS KƐŊ IZIRAL TƖŊŊAA LƖƖ 15:3

La TƖƖNA ŋaa bayuoru nɛ, ʋ yɩrɩŋ nɛ La TƖƖNA.

AZAAYA 32:1

Má bee na, kuoru kʋbala jaŋ kɛŋ tʋɔpʋla a beŋ nɩaa nyuŋ. Tinteyee sɩpaalaaraa jaŋ kɛŋ wʋtɩtɩɩ a bibeŋ ba nɩaa.

AZAAYA 45:21

Má kɔ sarɩya dɩ-diiliŋ a bʋl wɩɩ-la ma sɩ kɛnɛ dɩ mɩ nɩɩ. Kʋbɛɛ nɛ bʋla faafaa kala arɩ wɩɩŋ deeŋ jaŋ ŋaa? Mɩ-na ma TƖƖNA dee? Wɩa dɔŋ tuo a pɛ mɩ lɛ. Mɩ nɛ Wɩa sɩ kɛŋ tʋɔpʋla a laa nɩaa tɩta. Wɩa dɔŋ tuo a pɛ mɩ lɛ.

JƐRƖMAAYA 33:15

Tapʋlɩa-la lɛ, mɩ jaŋ lɩɩsɛ nʋʋ sɩ ŋaa tʋɔpʋl Tɩɩna Devit doho nɩaa tʋɔŋ dɩ ʋ dii kuoruŋ. Ʋ jaŋ ŋaa wɩaa ba bʋa lɛ arɩ wʋtɩtɩɩ tintee-la lɛ.

ƐZƖKƖƐL 1:1

Ba sɩ yuo kɛsɛ Juu tɩŋŋaa kaa mʋ yoŋ-baga Babɩlɔŋ lɛ, ʋ jɩsɩŋ mara arɩ fii, chɛŋ-nɛsɩmɩŋ tapʋl-nɔŋ chɛɛŋ, dɩ mɩ-na Ɛzɩkɩɛl sɩ ŋaa Wɩɩsʋllɩ sɩpaalaara, a ŋaa Buzi nanʋala, fa hɛ Juu tɩmma-la ba sɩ kɛsɛ mʋ Babɩlɔŋ tʋɔŋ. La fa hɛ fuo-la ba sɩɩ yɩrɛ Keba niiŋ nɛ. Ŋɩɩ nɛ wɩa-nyuŋ suri, Wɩa kɛŋ wɩaa dagɛmɛ a nagɛ duosoo tʋɔŋ.

ZƐKARƖYA 1:8

Tɩtaŋɩŋ mɩ na wɩaa a nagɛ duosoo tʋɔŋ. Mɩ na baala sɩ jɩl ja-fɩaŋ. Ʋ fa chɩŋ chɛyɛɛ tʋɔŋ nɛ fuonaa-luŋii kʋbala lɛ, ka ja-fɩaŋ, ja-bʋgʋŋ arɩ ja-pʋla hɛ ʋ harɩŋ.

Jɔɔŋ 1:51

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, ma jaŋ na wɩa-nyuŋ dɩ ʋ suro, dɩ Wɩa tɩndaaraa lɩɩ nɩmɛ a kʋʋ tuu mɩ-na Nuhuobiine Bie teeŋ, aŋ mɩɩra jɩjɩl.”

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 11:19

Ŋɩɩ nɛ ba kɛŋ Wɩa dɩɩ-bal-la sɩ hɛ Wɩa-jaŋ boro suri, mɩ na Wɩa niiriŋ daga-la ʋ tʋɔŋ. Ŋɩɩ nɛ duonuŋ lɩlɩgɩsɛ leriŋ kala, ba nɩnɩɩ yikorusuŋ, ka duonuŋ kpɩkpɩa ŋmana ŋmana, tinteeŋ zigili, ka duoŋ-tabɩaa faasa titel.

Jɔɔŋ Wʋnaalaa 19:19

Ŋɩɩ nɛ ka mɩ na baga kʋ-la arɩ dʋnɩa kuoroo arɩ ba laalɩyuoroo dɩ ba hilime dɩ ba yuo nɩɩ-la sɩ jɩl jɔɔ-la arɩ ʋ laalɩyuoroo.

Jɔɔŋ Wʋnaalaa 19:21

Nɩɩ-la sɩ jɩl jɔɔ-la kɛŋ tokobii-la sɩ lɩɩ ʋ niiŋ lɛ kaa kpʋ nɩkaanaa. Diibiisiŋ lorigi ba nampɩlɩŋ kala.

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.

Jɔɔŋ Wʋnaalaa 3:7

Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.

Jɔɔŋ Wʋnaalaa 4:1

Wɩaa deemba kala sɩ ŋaa harɩŋ, mɩ beŋ wɩa-nyuŋ a na dɩ Wɩa-jaŋ boro suro. Ŋɩɩ nɛ mɩ nɩɩ yikoro-la fa sɩ laa sɩpaaŋ bʋl wɩaa mɩ teeŋ a nagɛ ba sɩɩ ŋmʋʋ nyile, dɩ ʋ sɩ, “Kʋ jɩl daha dɩ mɩ dagɩŋ wɩalɩŋ sɩ jaŋ ŋaa wɩaa deemba harɩŋ lɛ.”

Jɔɔŋ Wʋnaalaa 6:2

Ŋɩɩ nɛ mɩ bee na ja-pʋla dɩ nʋʋ hɔŋ ʋ nyuŋ a kori toŋ. Ba joŋ kuori-nyunchuul-la pʋ. Ʋ jɩl jɔɔ-la lɩɩ a yuo laalɩŋ dii lee-kala.