Jɔɔŋ Wʋnaalaa 19:10 - WƖA TENIŊ

¹⁰ Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”

Jɔɔŋ Wʋnaalaa 19:10 ပူးပေါင်းရင်းမြစ်များ

2 KUOROO 17:36

Ama má tuto mɩ dʋndʋŋa, mɩ nɛ Nɩɩ-la sɩ kɛmma kaa lɩɩ Ijipiti tinteeŋ lɛ arɩ doluŋ. Mɩ nɛ maga ma tuto. Mɩ sɩpaaŋ nɛ maga dɩ ma kpirimi, mɩ nɛ maga dɩ ma kpʋ pʋsʋŋ a sʋl Wɩɩsʋlʋŋ pɩpa.

WƖA YƖƖLAA 45:11

Kuoro tʋɔŋ tɔrɛ ŋ zɔmʋŋ lɛ nɛ, to ʋ niiŋ a zizilu, bɛɛ wɩaa ʋ nɛ ŋ tɩɩna.

MOSIS KƐŊ IZIRAL TƖŊŊAA LƖƖ 34:14

Má pʋpɔ dɩ ma sɩ́ vene kala zil. Mɩ-na ma TƖƖNA yɩrɩŋ nɛ yarɩ-bieri Tɩɩna, mɩ bɩ hadɔrʋŋ ka chɛ.

DANƖƐL 2:46

Ŋɩɩ nɛ kuoro Nebukadineza tuu kpirimi Danɩɛl sɩpaaŋ a zilu, aŋ ŋaa ba kɛŋ mɩaa ba sɩ kaa ŋaa Wɩɩsʋlʋŋ arɩ kʋsʋɔrʋsʋŋ sʋɔra sɩ sɩma a kʋ pɩ Danɩɛl.

DANƖƐL 7:10

Ka nyiniŋ nagɛ fuoŋ a pɩpɛllɛ, a lɩlɩɩ ʋ sɩpaaŋ. Nɩaa bʋɩ-bʋɩba tɩma pʋpʋ, ka nɩaa bʋɩ-bʋɩba fii bʋbʋɔ-bugoo bʋɩ fii chɩŋ ʋ sɩpaaŋ. Ba suomi dɩ ba dii nɩaa sarɩya a suri tenniŋ.

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Maak 5:22

Ŋɩɩ nɛ dɩ baal kʋbala ma hɛ nɩmɛ, ʋ yɩrɩŋ nɛ Jaarɩs. Ʋ fa ŋaa Wɩɩchʋɔlɛ dɩa kʋhɩaŋ nɛ. Ŋɩɩ nɛ ʋ na Yesu a tuu tel ʋ naasɩŋ lɛ

Maak 7:25

Haal kʋbala ma nɛ fa hɛ nɩmɛ, jɩŋ-bɔŋ kɛŋ ʋ tolo. Ʋ sɩ nɩɩ Yesu wɩaa ʋ sii kɔ a tel ʋ naasɩŋ lɛ.

Luuk 1:19

Ŋɩɩ nɛ Wɩa tɩndaarʋ-la bʋla pʋ, “Mɩ yɩrɩŋ nɛ Gebiral a hɔŋ Wɩa sɛmɛ. Ʋ nɛ tɩmmɛ dɩ mɩ kʋ bʋl wʋzɔmʋŋ deeŋ a pɩŋ.

Luuk 24:44

Ŋɩɩ nɛ ʋ bʋla pɩba, “Mɩ fa sɩ hɛ ma teeŋ, mɩ bʋla pɩma arɩ wɩɩ-na kala ba fa sɩ ŋmʋnsa a tɩgɛ mɩ lɛ jaŋ kʋ ŋaa wʋtɩtɩɩ: Wɩalɩŋ Mosis fa sɩ ŋmʋnsa bil dɩ nɩaa tuto arɩ wɩalɩŋ Wɩa wʋlaabʋllaa fa sɩ ŋmʋnsa, arɩ Wɩa teniŋ sɛmɛ dɔŋɔ ba sɩɩ yɩrɛ Wɩa yɩɩlaa tʋɔŋ.”

Jɔɔŋ 5:39

Ma yie fɩɛsɛ sɩɩŋ a kɩkarɩmɛ Wɩa teniŋ. Ma bɩɩna arɩ ma nɩɩ ŋaa ŋɩɩ, ma jaŋ wuo kɛŋ mɩɩsɩ-la sɩ bɩ dɛrɛ. Wɩa teŋ-la ma sɩɩ karɩmʋ ma paala bʋl mɩ wɩaa nɛ.

Tɩntɩŋŋaa 10:43

Ʋ wɩaa nɛ Wɩa wʋlaabʋllaa fa bʋl ŋɩɩ. Ba sɩ nʋʋkala sɩ laa ʋ wɩaa dii, Wɩa jaŋ joŋ tɩɩna wʋbɔŋŋɔɔ chɛʋ ʋ yɩrɩŋ lɛ.”

Tɩntɩŋŋaa 13:27

Yesu sɩ kɔ, nɩalɩŋ sɩ hɛ Jerusalɛm lɛ arɩ ba kʋhɩasɩŋ fa bɩ jɩŋ arɩ ʋ nɛ ŋaa la Laataara. Ba bɩ Wɩa wʋlaabʋllaa wʋbʋlɩɩ-la bʋbʋɔŋ jɩŋ, wɩalɩŋ ba sɩ yie karɩmɛ chɛ-wiesii-la chɛɛŋ kala. Ama ba ha leŋe Wɩa wʋlaabʋllaa niiŋ wɩalɩŋ kʋ ŋaa wʋtɩtɩɩ, a kpʋ Yesu.

2 Kɔrɩntɩ Nɩaa 8:7

Ma kuoro nɛ wɩɩkala lɛ. Ma laa Wɩa dii nɛ, ma wuo Wɩa wɩaa bʋbʋl nɛ, a kɛŋ wʋjɩmɩŋ, a kɛŋ ma tɩtɩa dɩ ma pɛ nɩaa lɛ, aŋ faasa cho la ma. Laa chɛ dɩ ma faasa kɛŋ zile nɛ a pɩpɛ Wɩa nɩalɩŋ lɛ.

Ɛfɛsɩs Nɩaa 5:15

Ŋɩɩ wɩaa, má pɔ ma tɩtɩa lɛ arɩ ma wʋŋaalaa lɛ. Má sɩ́ nɩyaaraa nagʋ. Má ŋaa wɩaa a nagɛ nɩalɩŋ sɩ kɛŋ wʋjɩmɩŋ.

Ɛfɛsɩs Nɩaa 5:33

Ʋ saa nagɛ ŋɩɩ nɛ ma ma lɛ. Ʋ maga dɩ nʋʋkala cho ʋ haala arɩ ʋ sɩ cho ʋ tɩtɩa ŋɩɩ, ʋ maga dɩ haala ma zil ʋ bala.

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

1 Tɛsalonaaka Nɩaa 5:15

Dɩ nʋʋ nɛ ŋaa ʋ dɔŋɔ tɩɩna wʋbɔŋ, ʋ bɩ maga dɩ ʋ ma ŋaa wʋbɔŋ-la a timu. Ama bʋa na-kala lɛ, má ŋɩŋaa wʋzɔŋŋɔɔ dɔŋɔ lɛ arɩ nʋʋkala lɛ.

Hiburu TƖŊŊAA 1:14

Wɩa tɩndaara-la kala ŋaa Wɩa tɩntɩnnaa nɛ. Wɩa yie tɩmba ba mʋ pɛ nɩalɩŋ ʋ sɩɩ chɛ ʋ laa ta lɛ nɛ.

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.

1 Jɔɔŋ 5:10

Nɩɩ-la kala sɩ laa Wɩa Bie wɩaa dii, ʋ tɩɩna jɩma ʋ tʋɔŋ lɛ arɩ wɩalɩŋ Wɩa sɩ bʋla a tɩgɛ ʋ lɛ ŋaa wʋtɩtɩɩ nɛ. Ama nɩɩ-la kala sɩ bɩ Wɩa laa dii, ʋ kɛŋ Wɩa yɩyɩrɛ wʋnyɩɛrʋ nɛ, bɛɛ wɩaa ʋ bɩ wɩɩ-la ʋ sɩ bʋla a tɩgɛ ʋ Bie lɛ laa dii.

1 Jɔɔŋ 5:21

Mɩ biiri, má lɩɩsɛ ma tɩtɩa vʋɩyaa lɛ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 12:17

Ŋɩɩ nɛ dɩŋ-la na baanɩŋ haal-la nyuŋ a mʋ dɩ ʋ kɛŋ haal-la biiriŋ dɔnsʋŋ a yuo laalɩŋ. Haal-la biiriŋ nɛ ŋaa nɩalɩŋ sɩ nɩɩ Wɩa niiŋ wɩaa a tutoba, a didii Yesu dansɩa, a bʋl ʋ wɩaa a pɩpɩ nɩaa.

Jɔɔŋ Wʋnaalaa 14:7

Ŋɩɩ nɛ Wɩa tɩndaarʋ-la bʋl arɩ yikori-balɩŋ, “Má fá Wɩa a dɛnnɛ ʋ yɩrɩ-balɩŋ, bɛɛ wɩaa bʋa-la ʋ sɩ jaŋ dii dʋnɩa nɩaa sarɩya yie nɛ. Má dɛnnʋ, ʋ nɛ ta wɩa-nyuŋ arɩ tinteeŋ arɩ mʋgʋ-balɩŋ arɩ lɩɩ-bulluŋ kala.”

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”

Jɔɔŋ Wʋnaalaa 19:9

Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”

Jɔɔŋ Wʋnaalaa 4:10

nɩhɩasɩ-la mara arɩ banɛsɛ yie tuu kpirimi Nɩɩ-la sɩ hɔŋ kuoru kpasa-la sɩpaaŋ a chʋɔlʋ, Nɩɩ-la sɩ hɛ nɩmɛ a kaa mʋ wuu. Ba yie suri ba kuori-nyunchuuluŋ a bil kpasa-la sɩpaaŋ aŋ yɩɩ yɩɩlaa a bʋl,