Jɔɔŋ Wʋnaalaa 19:1 - WƖA TENIŊ

¹ Wɩaa deemba kala sɩ ŋaa harɩŋ, ŋɩɩ nɛ mɩ nɩɩ goŋ Wɩa-jaŋ lɛ. Goŋ-la nagɛ nɩ-daŋ yikoro nɛ aa bʋl, “Haleluya, La Tɩɩna Wɩa kɛŋ doluŋ dɩ ʋ laala ta. Ʋ nɛ kɛŋ yɩrɩŋ arɩ doluŋ.

Jɔɔŋ Wʋnaalaa 19:1 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:11

La TƖƖNA, ŋ nɛ yʋga kɩɩ kʋŋkala, a kɛŋ doluŋ, arɩ tʋla arɩ yɩrɩŋ. Ŋ nɛ tɩɩ kʋŋkala sɩ hɛ tinteeŋ arɩ wɩa-nyuŋ, La TƖƖNA, ŋ nɛ kuoro. Ŋ nɛ kɩɩ kʋŋkala.

WƖA YƖƖLAA 104:35

Leŋ dɩ wʋbɔŋ ŋaaraa nyɩɩgɛ dʋnɩa lɛ, dɩ nɩbɔŋŋɔɔ bɩra sɩ́ nɩmɛ hɛ. Mɩ jaŋ dɛnnɛ La Tɩɩna arɩ mɩ tʋɔŋ kala. Má dɛnnɛ La Tɩɩna.

WƖA YƖƖLAA 106:1

Má dɛnnɛ La Tɩɩna. Má lɔllɛ La Tɩɩna, bɛɛ wɩaa ʋ wɩaa zɔmɔ, ʋ chonuŋ bɩ dɛrɛ.

WƖA YƖƖLAA 111:1

Má dɛnnɛ La Tɩɩna. Mɩ jaŋ lɔllɛ La Tɩɩna arɩ mɩ tʋɔŋ kala, a dɛnnʋ lee-la ʋ nɩaa sɩ hilime.

WƖA YƖƖLAA 115:18

Ama la nɩalɩŋ sɩ weye nɛ jaŋ dɛnnʋ, a chɩŋ lɛɛlɛ a kaa mʋ wuu. Má dɛnnɛ La Tɩɩna.

WƖA YƖƖLAA 146:1

Má dɛnnɛ La Tɩɩna. Mɩ dɩma, dɛnnɛ La Tɩɩna.

WƖA YƖƖLAA 148:1

Má dɛnnɛ La Tɩɩna. Wɩa-nyuŋ kɩaa kala, má dɛnnɛ La Tɩɩna. Kɩalɩŋ kala sɩ hɛ wɩa-nyuŋ balegi balegi, má dɛnnʋ.

WƖA YƖƖLAA 149:1

Má dɛnnɛ La Tɩɩna. Má yɩɩ yɩɩl-falɩŋ a dɛnnɛ La Tɩɩna. Má dɛnnʋ dɩ ʋ nɩaa nɛ kʋ hilimi.

WƖA YƖƖLAA 150:1

Má dɛnnɛ La Tɩɩna. Má dɛnnɛ Wɩa ʋ dɩɩ-balɩŋ lɛ. Má dɛnnʋ ʋ jaŋ lɛ, ʋ doluŋ leriŋ.

WƖA YƖƖLAA 3:8

La Tɩɩna nɛ laa nɩaa a tɩta, a leŋ dɩ ʋ pɛ ʋ nɩaa lɛ.

WƖA YƖƖLAA 62:11

Wɩa bʋl wʋbala nɛ ka mɩ nɩɩ wɩaa balɩa: Ʋ sɩ doluŋ kala ŋaa ʋ-na Wɩa kʋŋ nɛ,

JƐRƖMAAYA 51:48

Wɩa-nyuŋ arɩ tinteeŋ arɩ kɩalɩŋ kala sɩ hɛ ba lɛ jaŋ ŋaa goŋ arɩ tʋɔtɔrʋŋ Babɩlɔŋ nyuŋ, bɛɛ wɩaa laalɩyuoroo sɩɩ chei leriŋ jaŋ lɩɩ wɩɩpɔsʋŋ nagʋa a kʋ yuou. Mɩ-na ma TƖƖNA nɛ bʋla.

JONA 2:9

Mɩ jaŋ yɩɩ yɩɩlaa a dɛnnɩŋ, aŋ ŋaa Wɩɩsʋlʋŋ pɩŋ. Mɩ sɩ hɛ niire-la kala, mɩ jaŋ chaarɛba. La TƖƖNA nɛ ŋaa Laataara.”

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 12:10

Ŋɩɩ nɛ ka mɩ nɩɩ yikori-bal kʋbala dɩ ʋ lɩɩ Wɩa-jaŋ a bʋl, “Lɛɛlɛ Wɩa dagɛ dol-la ʋ sɩ kɛnɛ dɩ ʋ laa ʋ nɩaa ta nɛ. Ʋ dagɛ ʋ doluŋ arɩ ʋ kuoruŋ nɛ, arɩ dol-la Kirisito sɩ kɛnɛ, Nɩɩ-la ʋ sɩ lɩɩsa, bɛɛ wɩaa nɩɩ-la sɩ joŋ cheeriŋ pɩ la naambiiriŋ, ba joŋu yuo ta nɛ ʋ kʋ tuu tinteeŋ. Ʋ fa joŋ cheeriŋ pɩba Wɩa sɩpaaŋ wɩɩhɛyɛ arɩ tɩtaŋɩŋ kala nɛ.

Jɔɔŋ Wʋnaalaa 19:6

Ŋɩɩ nɛ mɩ bɩra nɩɩ nɩ-daŋ goŋ. Goŋ-la fa nagɛ fuo-balaa sɩɩ pɛllʋ nɛ gbul gbul. Ʋ bɩra nagɛ duonuŋ sɩɩ kpɩa ŋmana ŋmana aŋ pɛ lɩlɩgɩsɛ. Ŋɩɩ nɛ yikoro-la heele bʋl, “Haleluya, La Tɩɩna Wɩa doluŋ kala Tɩɩna dii ʋ kuoruŋ nɛ.