Jɔɔŋ Wʋnaalaa 18:9 - WƖA TENIŊ

⁹ Dɩ dʋnɩa kuorusu-la sɩ kɛnʋ ŋaa wʋlɩɩlɩŋ aŋ pɛ nɩɩ ʋ sɩma-la nɛ na nyiŋ-la sɩɩ diiu nyʋɔsʋŋ, ba tʋɔŋ jaŋ chei dɩ ba yel.

Jɔɔŋ Wʋnaalaa 18:9 ပူးပေါင်းရင်းမြစ်များ

WƖAA DƖ-SUOMUŊ 19:28

Ʋ sɩ beŋ Sodom arɩ Gomora tinteeŋ dɩɩrɩŋ, dɩ nyiŋgeliŋ arɩ nyʋɔsʋŋ sii jɩjɩl wɩa-nyuŋ a nagɛ ŋɩɩ hololo a dii fuonaa-la kala.

WƖA YƖƖLAA 58:10

Tʋɔpʋl tɩŋŋaa tʋɔŋ jaŋ tɔrɛ, dɩ nɩbɔŋŋɔɔ nɛ na hɛɛ-la sɩ maga dɩ ba na. Ba jaŋ kɛŋ nɩbɔmɔ-la chalɩŋ sɔŋ ba naasɩŋ.

AZAAYA 13:19

Babɩlɔŋ kɛŋ kpɩɛra-la sɩ zɔmɔ nɛ woruŋ a kɩɩ tintee kala, ba nɛ ʋ nɩaa kaa dagɛ ba tɩtɩa, ama mɩ-na Wɩa jaŋ chei ʋ kala arɩ mɩ fa sɩ chei Sodom arɩ Gomora ŋɩɩ.

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

JƐRƖMAAYA 50:40

A nagɛ Wɩa sɩ chei Sodom arɩ Gomora ŋɩɩ, a pɛ tasɩ-la sɩ kpagɛ ba lɛ, ŋɩɩ nɛ jaŋ ŋaa Babɩlɔŋ lɛ, La TƖƖNA nɛ bʋla, dɩ nʋʋkala sɩ́ nɩmɛ hɛ. Nʋʋkala bɩ jaŋ hɔŋ nɩmɛ.

JƐRƖMAAYA 50:46

Dɩ Babɩlɔŋ nɛ tele, dʋnɩa jaŋ jigisi. Tinteyee nɩaa jaŋ nɩɩ ba nii-ŋmobo.

JƐRƖMAAYA 51:8

Babɩlɔŋ jaŋ guu tel a bori. Má yel ʋ lɛ. Má chɛ daalusuŋ a hɛ ʋ lere-la sɩɩ wɩɩ, kapo ʋ jaŋ wuo duori.

ƐZƖKƖƐL 27:35

Wɩɩ-la sɩ ŋaa ŋ lɛ kperi nɩalɩŋ kala sɩ hɔŋ mʋgʋ-balɩŋ niiŋ nɛ, fawʋllʋŋ chaasa kɛŋ ba kuoroo. Ba sɩaa ŋaa forumo forumo.

DANƖƐL 4:14

Ʋ faasa kpɩa goŋ a bʋl, ‘Má keri tɩa-la a kuosi ʋ naakelee, a chɩrɛ ʋ pɩpaarɩŋ a kɛŋ ʋ nɛnɛ-la kala pɩsɛ, dɩ baga kɩalɩŋ sɩ pɩŋ ʋ bʋbʋɔŋ arɩ diibiisi-la sɩ sagɛ ʋ naakelee lɛ viiri.

MOSIS BƖRA WULLI WƖA WOMBIIŊ 29:23

Tintee-la kala jaŋ nagɛ yɩsɩŋ arɩ jiribiiŋ, ba bɩ kʋŋ wuo duu nɩmɛ. Kʋŋkala bɩ jaŋ wuo nyʋ nɩmɛ. Ʋ jaŋ nagɛ Sodom, Gomora, Adɩma arɩ Zeboyim tasɩ-la La TƖƖNA fa sɩ faasa na baanɩŋ a chei.

1 Timoti 5:11

Ama sɩ́ yo-haala-la sɩ ŋaa hantolibiisiŋ yɩrɩŋ ŋmʋnsa hɛ yo-haala-la tʋɔŋ. Ba jaŋ wuo kʋ cho dɩ ba jaa balaba, a leŋ Kirisito tɩntɩŋŋaa.

Jɔɔŋ Wʋnaalaa 14:11

Nyiŋ-la jaŋ diiba deeŋ deeŋ, ʋ bɩ dɩsa. Nɩaa deemba bɩ jaŋ kɔ dɩ ba na wiese wɩɩhɛyɛ arɩ tɩtaŋɩŋ kala. Nɩaa deemba sɩ chʋɔlɛ baga kʋ-la arɩ ʋ nagɩsɩŋ ba sɩ mɛ bil a laa ʋ yɩrɩŋ magɩl-la, ba bɩ jaŋ na wiese.”

Jɔɔŋ Wʋnaalaa 17:2

Dʋnɩa kuoroo arɩ dʋnɩa nɩaa kala kɛnʋ ŋaa wʋlɩɩlɩŋ a kala bugi, a nagɛ ba sɩ nyʋa sɩ-duoŋ.”

Jɔɔŋ Wʋnaalaa 18:18

Dɩ ba nɛ na nyiŋ-la sɩɩ diiu nyʋɔsʋŋ, ba jaŋ ŋmoo niiŋ a bʋl, “Ta bɛɛ nɛ fa hɛ nɩmɛ a magɛ tabalɩŋ deeŋ?”

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 18:3

Babɩlɔŋ nɩaa joŋ ba wʋlɩɩlɩŋ a dagɛ tintee kala nɩaa nɛ. Wʋlɩɩlɩ-la nagɛ sɩ-duoŋ nɛ. Dʋnɩa kuoroo ma kɛnʋ ŋaa wʋlɩɩlɩŋ. Dʋnɩa bayalaa ma to ʋ wʋlɩɩlɩ-la lɛ a dʋa kɩaa.”

Jɔɔŋ Wʋnaalaa 18:7

Má dɔgɩsɛba dɩ ba na hɛɛŋ, a magɛ ŋɩɩ ba sɩ bigisi ba tɩtɩa lɛ arɩ ŋɩɩ ba sɩ nɩɩ sɩma. Ba yie bɩɩnɛ ba kuoro nɛ, ba tʋɔŋ bɩ jaŋ chei a nagɛ yo-haala. Ba yie bʋl arɩ ba bɩ jaŋ kɔ dɩ ba yele.

Jɔɔŋ Wʋnaalaa 19:3

Ŋɩɩ nɛ ba bɩra ŋaa goŋ a bʋl, “Haleluya, nyiŋ-la sɩɩ dii haal-la nyʋɔsʋŋ ka jɩl wɩa-nyuŋ nɛ a kaa mʋ wuu.”

Jɔɔŋ Wʋnaalaa 2:22

Ŋɩɩ wɩaa, má bee na, mɩ jaŋ leŋ dɩ ʋ wɩɩlɛ woruŋ a pɩŋ. Nɩalɩŋ ma kala sɩɩ tou a ŋɩŋaa wʋlɩɩlɩ-la, mɩ jaŋ leŋ dɩ ba ma faasa na hɛɛŋ, see dɩ ba bɩrɩma lɩɩ ba wʋŋaalɩa-la lɛ.