Jɔɔŋ Wʋnaalaa 18:6 - WƖA TENIŊ

⁶ Wɩalɩŋ ba sɩ ŋaa ma lɛ, má ma joŋo ŋaa ba lɛ, a tiŋ ma chɩmɩŋ naansɩɩŋ bʋlɩa. Gbaŋa-la ba sɩ kaa ŋaa sɩnɩŋ pɩma ma nyʋa, má ma kɛŋ ʋ tɩtɩa a ŋaa sɩnɩŋ naansɩɩŋ bʋlɩa pɩba dɩ ba nyʋa.

Jɔɔŋ Wʋnaalaa 18:6 ပူးပေါင်းရင်းမြစ်များ

WƖA YƖƖLAA 137:8

Babɩlɔŋ nɩaa, sʋʋŋ puuma nɛ. Nɩɩ-la kala sɩ jaŋ joŋ wɩɩ-la ma sɩ joŋo ŋaa la lɛ chɩmɩŋ a tiŋ ma lɛ, ʋ tʋɔŋ jaŋ tɔrɛ.

WƖA YƖƖLAA 28:4

Joŋ ba wʋŋaalaa arɩ ba tɩntɩŋ-bɔmɔ-la ba sɩ tɩma chɩmɩŋ a tiŋ ba lɛ. Joŋ ba wʋŋaalɩa-la chɩmɩŋ tiŋ ba lɛ. Timba magɛ ŋɩɩ ba sɩ maga dɩ ba laa.

AZAAYA 40:2

Má fɩɛla bʋl wɩaa pɩ Jerusalɛm nɩaa dɩ ba tʋɔŋ pɩŋ dɩ-bala, arɩ hɛɛ-la ba fa sɩɩ na dɛrɛ nɛ. La TƖƖNA leŋe ba tiŋ ba wʋbɔŋŋɔɔ chɩmɩŋ kala nɛ, ʋ dɔgɩsɛba naansɩɩŋ bʋlɩa nɛ a tɩŋ ba wʋbɔmɔ-la wɩaa.

AZAAYA 61:7

Mɩ nɩaa sɩ dii hɩɩsɩŋ ŋɩɩ, ba jaŋ nɩɩ sɩma kɩɩ ŋɩɩ bʋlɩa bʋlɩa ba tinteeŋ lɛ. Ba sɩ jolimiba ŋɩɩ, ba kpaalɩŋ jaŋ ŋaa bʋlɩa tintee-la lɛ dɩ ba kɛŋ tʋɔtɔrʋŋ a kaa mʋ wuu.

JƐRƖMAAYA 16:18

Mɩ jaŋ timba naansɩɩŋ bʋlɩa a tɩŋ ba wʋbɔŋŋɔɔ arɩ ba wʋcheelee wɩaa, bɛɛ wɩaa ba ŋaa disiniŋ hɛ mɩ tinteeŋ lɛ nɛ arɩ ba tɔmɔ-la sɩ bɩ wei, a leŋ mɩ tinteeŋ su arɩ ba tɔmɔ-la mɩ sɩɩ kɩsʋ.”

JƐRƖMAAYA 17:18

Leŋ dɩ nɩalɩŋ sɩ to naasɩŋ dɔgɩsɛmɛ dii hɩɩsɩŋ, ama lɩɩsɛ mɩ-na hɩɩsɩŋ lɛ. Leŋ dɩ fawʋllʋŋ kɛmba, ama lɩɩsɛ mɩ-na wɩalɩŋ sɩ kɛŋ fawʋllʋŋ lɛ. Leŋ dɩ wʋlɔrʋŋ kʋ jʋʋba. Cheiba naansɩɩŋ bʋlɩa.

JƐRƖMAAYA 50:15

Má ŋaa goŋ hɛ ʋ lɛ sɛmɛ kala. Ʋ joŋ ʋ tɩtɩa pa nɛ. Ʋ dɩɩ-leŋee tele nɛ, ba yigi ʋ jebiee ma lo. Mɩ-na ma TƖƖNA joŋ mɩ baanɩŋ tiŋ Babɩlɔŋ lɛ nɛ, mɩ joŋo timu nɛ. Ŋɩɩ ʋ sɩ ŋaa nɩaa lɛ, ŋɩɩ nɛ mɩ ma joŋo ŋaa ʋ lɛ.

JƐRƖMAAYA 50:29

Má yɩrɛ to-yuoroo hɛ Babɩlɔŋ lɛ, nɩalɩŋ kala sɩɩ yuo tosuŋ. Má ŋmoo buguŋ a gollu. Má sɩ́ leŋe dɩ nʋʋkala fori. Má joŋ ʋ wʋŋaalaa chɩmɩŋ tiŋ ʋ lɛ. Má joŋ ŋɩɩ ʋ sɩ ŋaa nɩaa lɛ a ŋaa ʋ ma lɛ. Ʋ chei mɩ-na ma TƖƖNA yɩrɩŋ nɛ, Iziral tɩŋŋaa Wɩa sɩ bɩ disiniŋ kɛnɛ.

JƐRƖMAAYA 51:24

La TƖƖNA sɩ, “Ma sɩɩŋ lɛ mɩ jaŋ mɩɩra tiŋ Babɩlɔŋ arɩ nɩalɩŋ kala sɩ hɛ ʋ lɛ, a tɩŋ ba sɩ ŋaa wɩalɩŋ kala sɩ bɩ zɔŋ Zaayɔŋ lɛ.

JƐRƖMAAYA 51:49

Babɩlɔŋ tɩŋŋaa kpʋ dʋnɩa nɩaa a yʋgɛ nɛ ama lɛɛlɛ Babɩlɔŋ jaŋ tel a tɩŋ ba sɩ kpʋ Iziral tɩŋŋaa wɩaa.”

JEMBIEE 3:64

La TƖƖNA, joŋ wɩɩ-la sɩ maga a tiŋ ba lɛ wɩɩ-la ba sɩ ŋaa.

ZƐKARƖYA 9:12

Má mɩɩra mʋ ma dɩɩ-duoruŋ, ma-na dansarɩkaba sɩ kɛŋ yɩɛlaa. Lɛɛlɛ mɩ heele bʋl arɩ mɩ jaŋ bɩra pɩma kɩaa magɛ ŋɩɩ ma fa sɩ kɛnɛ naansɩɩŋ bʋlɩa.

2 Timoti 4:14

Libiru kʋbala ba sɩɩ yɩrɛ Alɛkɩzanda dɔgɩsɛmɛ nɛ woruŋ. Ʋ sɩ ŋaamɛ ŋɩɩ, Wɩa jaŋ fɩsɛ ʋ puruŋ.

Jɔɔŋ Wʋnaalaa 13:10

Dɩ nʋʋ nɛ maga dɩ ŋ mʋ yoŋ-baga, ŋ jaŋ sɛnɛ mʋ, dɩ nʋʋ nɛ maga dɩ ba kpʋʋ arɩ tokobiiŋ, ba jaŋ sɛnɛ kpʋʋ arɩ tokobiiŋ. Wɩɩŋ deeŋ daga arɩ nɩalɩŋ sɩ laa Wɩa wɩaa dii maga dɩ ba nyalɩmɛ nɛ a chɩŋ wɩalɩŋ ba sɩ laa dii lɛ.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

Jɔɔŋ Wʋnaalaa 16:19

Tinteeŋ sɩ zigili ŋɩɩ, tabal-la ba sɩɩ yɩrɛ Babɩlɔŋ kpaa leree batori, tinteyee tabalaa ma tel. Ŋɩɩ nɛ Wɩa liise mʋ yi Babɩlɔŋ lɛ, a dɔgɩsʋ woruŋ a magɛ ŋɩɩ ʋ sɩ na baanɩŋ ʋ nyuŋ.

Jɔɔŋ Wʋnaalaa 17:2

Dʋnɩa kuoroo arɩ dʋnɩa nɩaa kala kɛnʋ ŋaa wʋlɩɩlɩŋ a kala bugi, a nagɛ ba sɩ nyʋa sɩ-duoŋ.”

Jɔɔŋ Wʋnaalaa 17:4

Haal-la fa laalɛ gɛrɩ-fɩaŋ arɩ gɛrɩ-vachalɩŋ, a hɛ sɛlɩmɛ kpɩɛraa arɩ tabɩɩ-tʋlaa a pɛ bʋ-sɩaa lɛ. Ʋ fa kori sɛlɩmɛ nyʋnyʋala nɛ. Wʋtɔɔnʋ arɩ wʋlɩɩlɩ-la ʋ sɩɩ ŋaa su nyʋnyʋala-la,

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”